ତ୍ରିକୋଣୀୟ ପ୍ରେମରୁ ନୟାଗଡରେ ହତ୍ୟା ଘଟଣା । ସ୍ତ୍ରୀର ପ୍ରେମିକକୁ ମାଡ ମାରି ହତ୍ୟା କରିବା ପରେ ପୋଡି ଦେଇଥିଲା ଅଭିଯୁକ୍ତ
କନକ ବ୍ୟୁରୋ : ତ୍ରିକୋଣୀୟ ପ୍ରେମରୁ ନୟାଗଡ଼ରେ ହୋଇଥିବା ହତ୍ୟା ଘଟଣାରେ ଅତ୍ମସମର୍ପଣ କରିଛି ଅଭିଯୁକ୍ତ । ବାପାଙ୍କ ସହ ବାହାଡାଝୋଲା ଫାଣ୍ଡିରେ ଆତ୍ମସମର୍ପଣ କରିଛି ମୁଖ୍ୟ ଅଭିଯୁକ୍ତ ଦୀପୁ । ସ୍ତ୍ରୀର ପ୍ରେମିକକୁ ମାଡ଼ ମାରି ହତ୍ୟା କରିବା ପରେ ପୋଡ଼ିଦେଇଥିବା ଅଭିଯୋଗ ହୋଇଥିଲା । ଏହି ଘଟଣାରେ ସ୍ତ୍ରୀ ଓ ଜଣେ ସହଯୋଗୀକୁ ପୋଲିସ ଗିରଫ କରିଥିଲା । ସେବେଠାରୁ ଫେରାର ଥିଲେ ଦୀପୁ ଓ ତାର ବାପା । ଗତ ୩ତାରିଖରେ ପ୍ରେମିକାକୁ ଭେଟିବାକୁ କଟକରୁ ନୟାଗଡ଼ର ମହୀପୁରକୁ ଆସି ନିଖୋଜ ହେଇଥିଲେ ଶୈଳେନ୍ଦ୍ର ଜେନା । ଏନେଇ ୯ତାରିଖରେ ନୂଆଗାଁ ଥାନାରେ ଅଭିଯୋଗ ହୋଇଥିଲା । ୧୨ ତାରିଖରେ ମର୍ଡର ମିଷ୍ଟ୍ରି ଉପରୁ ପରଦା ଉଠାଇଥିଲା ପୋଲିସ । ସ୍ତ୍ରୀ ଅନ୍ୟ ଜଣଙ୍କ ପ୍ରେମରେ ପଡିବା ପରେ ପ୍ରେମିକକୁ ଜୀବନରୁ ହଟାଇ ଦେଇଥିଲା ସ୍ୱାମୀ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ନୟାଗଡ଼ର ଦୀପୁ ସାହୁ ଏବଂ ତାଙ୍କ ପତ୍ନୀ କଟକରେ ରହୁଥିବା ବେଳେ ଦୀପୁ ଦହିବରା ଦୋକାନ କରିଥିଲେ । ଏହି ସମୟ ମଧ୍ୟରେ ଦୀପୁଙ୍କ ପତ୍ନୀ ଆଉ ଜଣେ ଯୁବକ ଶୈଳନ୍ଦ୍ରଙ୍କୁ ଭଲ ପାଇବସିଥିଲେ । ଉଭୟଙ୍କ ମଧ୍ୟରେ ଥିବା ସମ୍ପର୍କ ଜାଣିବା ପରେ ଦୀପୁ ତାଙ୍କ ପତ୍ନୀଙ୍କୁ ଗାଁକୁ ନେଇ ଯାଇଥିଲେ । ହେଲେ ଗାଁରେ ରହିବି ପତ୍ନୀ ଶୈଳେନ୍ଦ୍ରଙ୍କ ସହ ଯୋଗାଯୋଗରେ ରହୁଥିଲେ । ଏକଥା ଜାଣିବା ପରେ ଶୈଳେନ୍ଦ୍ରଙ୍କୁ ରାସ୍ତାରୁ ହଟାଇ ଦେବାକୁ ଯୋଜନା କରିଥିଲା ଦୀପୁ । ଶୈଳେନ୍ଦ୍ରଙ୍କୁ ତାଙ୍କ ଗାଁ ମହୀପୁରକୁ ଆସିବାକୁ ପତ୍ନୀଙ୍କ ମୋବାଇଲରୁ ମେସେଜ କରିଥିଲା ଦୀପୁ । ଆଉ ମେସେଜ ପାଇ ଶୈଳେନ୍ଦ୍ର ଗତ ଡିସେମ୍ବର ୩ ତାରିଖରେ ନୟାଗଡ଼ ଆସିଥିଲା । ସେବେଠୁ ଆଉ ଘରକୁ ଫେରିନଥିଲେ ଶୈଳେନ୍ଦ୍ର । ନିଖୋଜ ନେଇ ଶୈଳେନ୍ଦ୍ରଙ୍କ ପରିବାର ଲୋକ ପ୍ରଥମେ କଟକ ପରେ ନୟାଗଡ଼ର ନୂଆଗାଁ ଥାନରେ ଏନେଇ ଅଭିଯୋଗ କରିଥିଲେ ।