କନକ ବ୍ୟୁରୋ : ଦେଶର ବଢୁଥିବା ଜନସଂଖ୍ୟାକୁ ନେଇ ମତ ରଖିଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ତଥା ବରିଷ୍ଠ ବିଜେପି ନେତା ମୁକତାର ଅବାସ ନକଭି । ସେ କହିଛନ୍ତି କି ଜନସଂଖ୍ୟା ବିସ୍ଫୋରଣ ସହିତ କୌଣସି ଧର୍ମକୁ ଯୋଡିବା ଉଚିତ୍ ନୁହେଁ କାରଣ ବଢୁଥିବା ଜନସଂଖ୍ୟା କୌଣସି ଧର୍ମ ପାଇଁ ନୁହେଁ ବରଂ ସାରା ଦେଶ ପାଇଁ ଏକ ପ୍ରମୁଖ ସମସ୍ୟା । କହିରଖୁ କି ସୋମବାର ଦିନ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଥିଲେ କି ଏଭଳି ହେବା ଉଚିତ ନୁହେଁ କି ବଢୁଥିବା ଜନସଂଖ୍ୟାରେ ଏକ ନିର୍ଦ୍ଦିଷ୍ଟ ସମୁଦାୟର ପ୍ରତିଶତ ବୃଦ୍ଧି ପାଇବ ଓ ଆମେ କେବଳ ଦେଶର ମୂଳନିବାସୀଙ୍କୁ ଜନସଂଖ୍ୟା ରୋକିବାକୁ ଜାଗ୍ରତ କରାଇବା ।
Kanak News is now on WhatsApp
Join and get latest news updates delivered to you via WhatsApp
ଏହାର ପ୍ରତି ଉତ୍ତରରେ ପୂର୍ବ କେନ୍ଦ୍ରମନ୍ତ୍ରୀ ତଥା ବିଜେପିର ବରିଷ୍ଠ ନେତା ମୁକତାର ଅବାସ ନକଭୀ ଏକ ଟ୍ୱିଟ କରିଛନ୍ତି । ଏଥିରେ ସେ ଲେଖିଛନ୍ତି କି ଜନସଂଖ୍ୟା ବିସ୍ଫୋରଣ କୌଣସି ଧର୍ମ ପାଇଁ ସମସ୍ୟା ନୁହେଁ ବରଂ ଏହା ସାରାଦେଶ ପାଇଁ ସମସ୍ୟା । ଜନସଂଖ୍ୟା ବୃଦ୍ଧିକୁ କୌଣସି ଧର୍ମ ସହିତ ଯୋଡିବା ଉଚିତ ନୁହେଁ ବୋଲି ସେ କହିଛନ୍ତି ।
बेतहाशा जनसंख्या विस्फोट किसी मज़हब की नहीं,मुल्क की मुसीबत है,इसे जाति,घर्म से जोड़ना जायज़ नहीं🙏 #populationday2022
— Mukhtar Abbas Naqvi (@naqvimukhtar) July 11, 2022
ବିଶ୍ୱ ଜନସଂଖ୍ୟା ଦିବସ ଅବସରରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଥିଲେ କି ଜନସଂଖ୍ୟା ନିୟନ୍ତ୍ରଈ କାର୍ୟ୍ୟକ୍ରମ ସଫଳତାର ସହ ଚାଲିବା ଦରକାର, ହେଲେ ଏହା ଜନସଂଖ୍ୟା ଅସନ୍ତୁଳନ ସ୍ଥିତି ଯେଭଳି ସୃଷ୍ଟି ନହେବ ତାହା ଉପରେ ବି ନଜର ରଖିବା ଦରକାର । ସେପଟେ କେନ୍ଦ୍ରମନ୍ତ୍ରୀ ତଥା ବେଗୁସରାଇ ସାଂସଦ ଗିରିରାଜ ସିଂ କହିଛନ୍ତି କି ଦେଶର ସବୁଧର୍ମର ଲୋକଙ୍କ ପାଇଁ ସମାନ ଆଇନ ପ୍ରଣୟନ ହେବା ଆବଶ୍ୟକ ।