ସାମ୍ନାକୁ ଆସିଲା କୁଖ୍ୟାତ ମାଓ ନେତା ହିଡମାଙ୍କ ବୋମା ତିଆରି କରିବାର ଚିତ୍ର ! ଦଣ୍ଡକାରଣ୍ୟରେ ସାଥୀ କମ୍ରେଡକୁ ଦେଉଛି ତାଲିମ
କନକ ବ୍ୟୁରୋ: ସାମନାକୁ ଆସିଲା କୁଖ୍ୟାତ ମାଓ ନେତା ହିଡମାଙ୍କ ବୋମା ତିଆରି କରିବାର ଚିତ୍ର । ଛତିଶଗଡ ଦଣ୍ଡକାରଣ୍ୟ ସ୍ପେଶାଲ ଯୋନାଲ କମିଟିର ବାଟାଲିୟନ ନଂ – ୧ ର ମାଓ କମାଣ୍ଡର ହିଡମା ନିଜ ସାଥି କମରେଡ ମାନଙ୍କୁ ବୋମା ତିଆରି ତାଲିମ ଦିଆ ଯାଉ ଥିବା ଚିତ୍ର ଏବେ ସାମନାକୁ ଆସିଛି । କେମିତି ପ୍ରେସର ମାଇନ ତିଆରି କରାଯାଏ ଏବଂ କେମିତି ଶତ୍ରୁକୁ ପ୍ରେସର ମାଇନ ଜରିଆରେ ଟାର୍ଗେଟ କରାଯାଏ ତାହା ବୁଝାଉଛନ୍ତି ହିଡମା ।
Kanak News is now on WhatsApp
Join and get latest news updates delivered to you via WhatsApp
କେବଳ ସେତିକି ନୁହଁ ହିଡମାଙ୍କ ନେତୃତ୍ୱ ରେ ଦକ୍ଷୀଣ ବସ୍ତରର ଜଙ୍ଗଲ ରେ ମାଓବାଦୀଙ୍କ ତାଲିମ ଶିବିର ଚାଲୁ ଥିବା ଦେଖିବାକୁ ମିଳିଛି ଏହି ଭିଡିଓରେ । ତେବେ ଛତିଶଗଡ ପୋଲିସ ଏହି ଭିଡିଓକୁ ଯାଂଚ କରୁଛି । ତେବେ ଏହି ଭିଡିଓ କିଛି ବର୍ଷ ତଳର ଭିଡିଓ ବୋଲି ଜଣା ପଡିଛି । ମାଓନେତା ହିଡମାଙ୍କ ନେତୃତ୍ୱ ରେ ହି ମାଓବାଦୀ ମାନେ ମାଲକାନଗିରି ସୀମାବତତ୍ତୀ ଅଂଚଳରେ ଗତ ଏକ ଦଶନ୍ଧି ଧରି ବହୁ ବଡ ବଡ ହିଂସା କାଣ୍ଡ ଘଟାଇ ଚାଲିଛନ୍ତି ମାଓ ସଙ୍ଗଠନ । ତାଙ୍କ ନାଁ ରେ ଛତିଶଗଡ ସରକାରଙ୍କ ତରଫରୁ ୪୦ ଲକ୍ଷ ଟଙ୍କା ଘୋଷଣା କରାଯାଇ ଥିବା ଜଣା ପଡିଛି ।
ସେପଟେ, ମାଲାକାନାଗିରି ଚିତ୍ରକୁଣ୍ଡାରେ ମାଓବାଦୀଙ୍କ ଉନ୍ମତ କାଣ୍ଡ । ପୁଲିସ ଇନଫର୍ମ ସନ୍ଦେହରେ ବିଚ୍ଛିନ୍ନାଂଚଳ ଅଣ୍ଡରାପାଲି ଗାଁର ଅଁରାପଦର ଗାଁରେ ରାମଚନ୍ଦ୍ର ମୁଦୁଲିକୁ ହତ୍ୟା କରିଛନ୍ତି ମାଓବାଦୀ । ପୋଲିସ ଇନଫର୍ମ ସନ୍ଦେହରେ ମାଓବାଦୀ ଏହି ହତ୍ୟାକଣ୍ଡ କରିଛନ୍ତି । ଗତକାଲି ବିଳମ୍ବିତ ରାତିରେ ୨୦ରୁ ଅଧିକ ମାଓବାଦୀ ଏଭଳି ଉନ୍ମତ କାଣ୍ଡ କରିଛନ୍ତିି । ଘଟଣାସ୍ଥଳରେ ପୋଲିସ ପହଂଚି ଘଟଣାର ତଦନ୍ତ କରୁଛି ।