ସ୍ତ୍ରୀକୁ ଅପହରଣ ଓ ହତ୍ୟା ଘଟଣାରେ ସ୍ୱାମୀ ଭୋଗିଲା ଜେଲ୍ । ଜେଲରୁ ଫେରିବା ବେଳକୁ ସ୍ତ୍ରୀ କରିଥିଲା ନୂଆ ସଂସାର
କନକ ବ୍ୟୁରୋ: ଆଜିକାଲି ପରିବାର ତଥା ସ୍ୱାମୀ, ସ୍ତ୍ରୀଙ୍କ ମଧ୍ୟରେ ହେଉଥିବା ମନୋମାଳିନ୍ୟ ଭିତରେ ଏଭଳି ଘଟଣା ଘଟୁଛି ଯାହା ଶୁଣିଲେ ଯେ କେହି ଆଶ୍ଚର୍ଯ୍ୟ ହେବ ନିଶ୍ଚୟ । ଏଭଳି ଏକ ଘଟଣା ଘଟିଛି ଇଟାୱାରେ ।
Kanak News is now on WhatsApp
Join and get latest news updates delivered to you via WhatsApp
ସ୍ତ୍ରୀକୁ ହତ୍ୟା ପରେ ମୃତଦେହକୁ କେଉଁଆଡେ ନିଖୋଜ କରିଦେଇଥିବା ମାମଲାରେ ସ୍ୱାମୀ ସହ ଶାଶୁ ଘର ଲୋକେ ଭୋଗିଲେ ୧୩ ମାସ ଜେଲ ଦଣ୍ଡ । ପରେ ଜାମିନରେ ଯେତେବେଳେ ବାହାରି ଆସି ପରିସ୍ଥିତି ଦେଖନ୍ତି ସେଥିରେ ସ୍ୱାମୀର ହୋସ୍ ଉଡିଯାଇଥିଲା । ଯେଉଁ ସ୍ତ୍ରୀକୁ ହତ୍ୟା କରିଥିବା ଅଭିଯୋଗରେ ସେ ଜେଲ ଭୋଗିଲା ସେ ସ୍ତ୍ରୀ ଦେଖିଲାବେଳ କୁ ଆଉ ଏକ ନୂଆ ସଂସାର କରିସାରିଥିଲା । ରାଜସ୍ଥାନ ଜିୟାନପୁର, କୋତୱାଲି ସୁଖପୁର ଗାଁର ଏହି ଘଟଣା ଏବେ ସ୍ଥାନୀୟ ଅଞ୍ଚଳରେ ହଇଚଇ ସୃଷ୍ଟି କରିଛି ।
ସୂଚନା ମୁତାବକ, ଏହି ଗାଁର ଦୀପୁ ନାମକ ବ୍ୟକ୍ତି ୨୦୧୯ରେ ରୁଚି ନାମକ ଝିଅକୁ ବିବାହ କରିଥିଲେ । ବିବାହର କିଛି ଦିନ ଭଲରେ କଟିଯିବା ପରେ ଦୁହିଁଙ୍କ ଭିତରେ ମନୋମାଳିନ୍ୟ , କଥା କଟାକଟି ଆରମ୍ଭ ହୋଇଥିଲା । ଏପରି ଏକ ପରିସ୍ଥିତିକୁ ନେଇ ଦିନେ ରୁଚି ଘରୁ ବାହାରି କେଉଁଆଡେ ଚାଲିଗଲା । ଏହାର ସୁଯୋଗ ନେଇ ରୁଚିର ମା’ ଦୀପୁ ଓ ତାଙ୍କ ପରିବାର ଲୋକଙ୍କ ଉପରେ ଯୌତୁକ ନିର୍ଯାତନା ସହ ହତ୍ୟା ଓ ମୃତଦେହକୁ ଅପହରଣ କରିଥିବା ମାମଲା ଦାଏର କରିଥିଲେ । ଏହି ମାମଲାରେ ପୁଲିସ ଦୀପୁ ଓ ତାଙ୍କ ପରିବାର ଲୋକଙ୍କୁ ଗିରଫ କରି ଜେଲ ପଠାଇଥିଲା । ଜେଲରେ ୧୩ ମାସ କାଟି ଜାମିନରେ ଫେରିବା ପରେ ଦୀପୁ ସତ ଜାଣି ଆଶ୍ଚର୍ଯ୍ୟ ହୋଇଥିଲା ।
ଯେଉଁ ସ୍ତ୍ରୀକୁ ହତ୍ୟା କରିଥିବା ଅଭିଯୋଗରେ ସେ ଜେଲ ଭୋଗିଲା, ଫେରିବା ବେଳକୁ ସେ ନିଜ ପ୍ରେମିକକୁ ବିବାହ କରି ସୁଖରେ ସଂସାର କରୁଥିଲା । ଏହି ଘଟଣା ଅନ୍ୟ ଲୋକଙ୍କଠାରୁ ଶୁଣି ପତ୍ତା ଲଗାଇବା ପରେ ଘଟଣାର ସତ୍ୟାସତ୍ୟ ଜାଣିଥିଲା । ଏହାର ପ୍ରମାଣ ଯୋଗାଡ କରି ପୁଲିସକୁ ଦେଇଥିଲା । ଏହାପରେ ପୁଲିସ ଯାଇ ରୁଚିକାକୁ ଗିରଫ କରିବା ପରେ ଏବେ ତଦନ୍ତ ଚଳାଇଛି ।