କାହିଁକି ଏମିତି କହିଲେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ? ରାହୁଲଙ୍କୁ ହିରୋ ବନେଇବାକୁ ଚେଷ୍ଟା କରୁଛି ବିଜେପି ।
କନକ ବ୍ୟୁରୋ: ୨୦୨୪ ଲୋକସଭା ନିର୍ବାଚନକୁ ଆଉ ବର୍ଷେରୁ କମ୍ ସମୟ ବାକି । ରାଜନୈତିକ ଦଳମାନେ ଏବେଠୁ ପରସ୍ପର ବିରୋଧରେ ଶବ୍ଦ ବାଣ ମାରିବା ଆରମ୍ଭ କରିଦେଇଥିବାବେଳେ, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଏହାରି ଭିତରେ ଆଣିଛନ୍ତି ଏକ ସଙ୍ଗୀନ ଅଭିଯୋଗ । ମମତା କହିଛନ୍ତି ଯେ, ଭାରତୀୟ ଜନତା ପାର୍ଟି କଂଗ୍ରେସ ନେତା ରାହୁଲ ଗାନ୍ଧୀଙ୍କ ହିରୋ ବନେଇବାକୁ ଚେଷ୍ଟା କରୁଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ମମତାଙ୍କ କହିବା କଥା, ରାହୁଲ ଗାନ୍ଧୀ ବ୍ରିଟେନରେ ଦେଇଥିବା ଟିପ୍ପଣୀକୁ ନେଇ ବିଜେପି ସଂସଦର କାର୍ଯ୍ୟରେ ବାଧା ସୃଷ୍ଟି କରୁଛି । ରାହୁଲ ଗାନ୍ଧୀଙ୍କୁ ହିରୋ ସଜେଇ, ଅସଲି ମୁଦ୍ଦା ଉପରୁ ଧ୍ୟାନ ହଟାଉଛି ବିଜେପି । ତେବେ ବିଜେପି ସହିତ କଂଗ୍ରେସର ଲଢେଇ ଶେଷ ହୋଇସାରିଛି । ପଶ୍ଚିମବଙ୍ଗରେ ବିଜେପି ଓ କଂଗ୍ରେସ ଭିତରେ ମୌନ ସହମତି ଅଛି ବୋଲି ମମତା ଅଭିଯୋଗ କରିଛନ୍ତି ।
ସୂଚନାଯୋଗ୍ୟ ଯେ, ତୃଣମୂଳ କଂଗ୍ରେସ ପୂର୍ବରୁ ହିଁ ସ୍ପଷ୍ଟ କରିଦେଇଛି ଯେ କଂଗ୍ରେସ ସହ ତାଙ୍କର କୌଣସି ପ୍ରକାର ରାଜନୈତିକ ବୁଝାମଣା ହେବନାହିଁ । ନିକଟରେ ବସିଥିବା ଟିଏମସି ବୈଠକରେ ଏନେଇ ମମତା ନିର୍ଣ୍ଣୟ ନେଇଛନ୍ତି । ତୃଣମୂଳ କଂଗ୍ରେସର ନେତା ସୁଦୀପ ବନ୍ଦୋପାଧ୍ୟାୟ କହିଛନ୍ତି ଯେ, ଭାଜପା ବିରୋଧରେ ସଠିକ୍ ବିରୋଧୀ ପାଇଁ କଂଗ୍ରେସର ଭୂମିକା ଠିକ୍ ନୁହେଁ ।