ଆପୋଷ ବୁଝାମଣାରେ ରଦ୍ଧ ହୋଇପାରିବ ନାହିଁ ବଡ଼ ଅପରାଧିକ ମାମଲା । ୨୧ ବର୍ଷ ତଳର ମାମଲାର ଶୁଣାଣି କରି ନିର୍ଦ୍ଦେଶ ଦେଲେ ହାଇକୋର୍ଟ
କନକ ବ୍ୟୁରୋ: ଆପୋଷ ବୁଝାମଣାରେ ହୋଇପାରିବ ନାହିଁ ମାମଲା ରଦ୍ଧ । ୨୧ ବର୍ଷ ତଳର ଏକ ପୁରୁଣା ମାମଲାର ଶୁଣାଣି ବେଳେ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ ଦେଇଛନ୍ତି ଓଡ଼ିଶା ହାଇକୋର୍ଟ । କୌଣସି ଏକ ବଡ଼ ଅପରାଧିକ ମାମଲାକୁ ଆପୋଷ ବୁଝାମଣା ଆଧାରରେ ରଦ୍ଧ କରାଯାଇପାରିବ ନାହିଁ ବୋଲି କହିଛନ୍ତି ହାଇକୋର୍ଟ ।
Kanak News is now on WhatsApp
Join and get latest news updates delivered to you via WhatsApp
ଯାଜପୁର ଜିଲ୍ଲା ଧର୍ମଶାଳା ଥାନାରେ ନଟବର ବେହେରାଙ୍କ ବିରୋଧରେ ହୋଇଥିବା ଫୌଜଦାରୀ ମୋକଦ୍ଦମାକୁ ରଦ୍ଧ କରିବା ପାଇଁ ହାଇକୋର୍ଟରେ ପ୍ରାର୍ଥନା କରିଥିଲେ । ହାଇକୋର୍ଟ ଏହି ଆବେଦନକୁ ଖାରଜ କରିବା ସହ ଏଭଳି ଏକ ନିର୍ଦ୍ଦେଶ ଦେଇଛନ୍ତି । ସମାଜ ଉପରେ ପ୍ରଭାବ ପକାଉଥିବା ଅପରାଧିକ ମାମଲାରେ ଆପୋଷ ବୁଝାବଣା ହୋଇପାରିବ ନାହିଁ ବୋଲି ସ୍ପଷ୍ଟ ମତ ରଖିଛନ୍ତି ।
ହାଇକୋର୍ଟଙ୍କ ଏହି ନିର୍ଦ୍ଦେଶ ପରେ ୨୧ ବର୍ଷ ତଳର ଏହି ଅପରାଧିକ ମାମଲା ପୁଣି ଚାଲିବା ସହ ଶୁଣାଣି ଚାଲିବ । ଏହି ରାୟକୁ ଆଇନଜୀବୀ ସ୍ୱାଗତ କରିବା ସହ ଏହା ସମାଜକୁ ଏକ ବଡ଼ ବାର୍ତ୍ତା ଦେବ ବୋଲି କହିଛନ୍ତି । ସାଂଘାତିକ ଭୁଲ କରି ସାକ୍ଷୀ ଓ ଅଭିଯୋଗକାରୀଙ୍କୁ ପ୍ରଭାବିତ କରି ଆପୋଷ ବୁଝାମଣା ପାଇଁ ହେଉଥିବା ଉଦ୍ୟମ ଉପରେ ଏହା ରୋକ୍ ଲାଗି ପାରିବ ବୋଲି କହିଛନ୍ତି ବରିଷ୍ଠ ଆଇନଜୀବୀ ମାନସ ଚାନ୍ଦ ।