ଦେଶରେ ବଢୁଛି ଧାର୍ମିକ ହିଂସା, ଉଦୟ ପୁର ପରେ ଏବେ ଅମରାବତୀରେ ଗଳାକାଟି ହତ୍ୟା
କନକ ବ୍ୟୁରୋ : ଉଦୟପୁର ଟେଲର କହ୍ନୈୟାଲାଲ ହତ୍ୟାକାଣ୍ଡକୁ ନେଇ ବିବାଦ ଏବେ ବି ଥମି ନଥିବାବେଳେ ମହାରାଷ୍ଟ୍ରରୁ ଆଉ ଏକ ହତ୍ୟାର ଖବର ସାମ୍ନାକୁ ଆସିଛି । ମହାରାଷ୍ଟ୍ରର ଅମରାବତୀ ଅଂଚଳର ଜଣେ ମେଡିସିନ୍ ବ୍ୟବସାୟୀଙ୍କୁ ଗଳା କାଟି କରାଯାଇଛି ହତ୍ୟା । କୁହାଯାଉଛି ନୂପୁର ଶର୍ମାଙ୍କୁ ସମର୍ଥନ ଜଣାଇ ପୋଷ୍ଟ ସେୟାର କରିଥିବାରୁ ତାଙ୍କୁ ହତ୍ୟା କରାଯାଉଥିବା ସନ୍ଦେହ କରାଯାଉଛି । ଘଟଣାର ଏନଆଇଏ ତଦନ୍ତ କରିବା ପାଇଁ ନିର୍ଦ୍ଦେଶ ଦେଇଛନ୍ତି ଗୃହମନ୍ତ୍ରୀ ଅମିତ ଶାହ ।
Kanak News is now on WhatsApp
Join and get latest news updates delivered to you via WhatsApp
ଉଦୟପୁର କହ୍ନୈୟାଲାଲ ହତ୍ୟାକାଣ୍ଡକୁ ନେଇ ବିବାଦ ଏବେ ବି ଥମି ନଥିବାବେଳେ ମହାରାଷ୍ଟ୍ରରୁ ଆଉ ଏକ ଲୋମହର୍ଷଣକାରୀ ହତ୍ୟାର ଖବର ସାମ୍ନାକୁ ଆସିଛି । ମହାରାଷ୍ଟ୍ର ଅମରାବତୀ ଅଂଚଳର ଔଷଧ ବ୍ୟବସାୟୀ ଉମେଶ କୋହ୍ଲେଙ୍କୁ ଗଳା କାଟି ହତ୍ୟା କରାଯାଇଛି । ଘଟଣାର କନେକ୍ସନ୍ ନୂପୁର ଶର୍ମାଙ୍କ ବିବାଦୀୟ ବୟାନ ସହ ରହିଥିବା ଅନୁମାନ କରାଯାଉଛି । କୁହାଯାଉଛି ନୂପୁର ଶର୍ମାଙ୍କୁ ସମର୍ଥନ କରି ଏକ ପୋଷ୍ଟକୁ ଭୁଲ ବସତଃ ଏକ ଗ୍ରୁପ୍ରେ ସେୟାର କରିଥିଲେ ବୋଲି ତାଙ୍କୁ ହତ୍ୟା କରାଯାଇଥିବା ଅମରାବତୀର ସ୍ଥାନୀୟ ବିଜେପି ନେତା ।
ନିୟମିତ ଭାବେ ନିଜ ମେଡିସିନ୍ ଦୋକାନ ବନ୍ଦ କରି ଘରକୁ ବାହାରିଥିଲେ ବ୍ୟବସାୟୀ ଉମେଶ କୋହ୍ଲେ । ଏହି ସମୟରେ ତିନି ଜଣ ଦୁର୍ବୃତ୍ତ ରାସ୍ତା ମଝିରେ ୫୪ବର୍ଷୀୟ ଉମେଶଙ୍କୁ ଗଳାକାଟ ହତ୍ୟା କରିଥିଲେ । ସମସ୍ତ ଦୁର୍ବୃତ୍ତ ମୁହଁରେ କଳା କପଡା ଗୁଡାଇ ହୋଇଥିଲେ । ସେଠାରୁ ୧୫ ମିଟର ଦୂରରେ ଉମେଶଙ୍କ ପୁଅ ସଙ୍କେତ ମଧ୍ୟ ଉପସ୍ଥିତ ଥିଲେ । ସଂକେତ ଦୌଡିକି ଯାଇ ନିଜ ବାପାଙ୍କୁ ବଂଚାଇବାରୁ ସେଠାରୁ ଫେରାର ହୋଇଯାଇଥିଲେ ଦୁର୍ବୃତ୍ତ । ତୁରନ୍ତ କିଛି ସ୍ଥାନୀୟ ଲୋକଙ୍କ ସହାୟତାରେ ଉମେଶଙ୍କୁ ନିକଟସ୍ଥ ଏକକ୍ସନ ଡାକ୍ତରଖାନାରେ ଭର୍ତି କରାଯାଇଥିଲା । ସେଠେରେ ଚିକିତ୍ସାଧିନ ଅବସ୍ଥାରେ ଉମେଶଙ୍କ ମୃତ୍ୟୁ ହୋଇଥିଲା । ସଂକେତ ସଠିକ୍ ସମୟରେ ପହଁଚି ନଥିଲେ ଦୁର୍ବୃତମାନେ ଉମେଶଙ୍କ ମୁଣ୍ଡ କାଟ କରିଥାନ୍ତେ ବୋଲି ଦାବି କରିଛି ତଦନ୍ତ କରୁଥିବା ସ୍ଥାନୀୟ ପୋଲିସ । ଉଦୟପୁର କହ୍ନୈୟାଲାଲ ହତ୍ୟାକାଣ୍ଡ ସାରା ଦେଶରେ ଚର୍ଚ୍ଚିିତ ବିଷୟ ପାଲଟିବା ପରେ ଅମରାବତୀରେ ମଧ୍ୟ ଉମେଶ କୋହ୍ଲେଙ୍କ ହତ୍ୟାକୁ ଏକ ଟାର୍ଗେଟ କିଲିଂ ବୋଲି ଦାବି କରିଛି ବିଜେପି ।
ଉମେଶ କୋହ୍ଲେଙ୍କ ହତ୍ୟାକାଣ୍ଡକୁ ଜାତୀୟ ତଦନ୍ତକାରୀ ସଂସ୍ଥା ଏନଆଇଏ କରିବାକୁ ନିର୍ଦ୍ଦେଶ ଦେଇଛନ୍ତି ଗୃହମନ୍ତ୍ରୀ ଅମିତ ଶାହ । ହତ୍ୟାକାଣ୍ଡର ସମ୍ପୃକ୍ତି ଆତଙ୍କବାଦୀ ଗତିବିଧି ସହ ଜଡିତ ଥିବା ନେଇ ମହାରାଷ୍ଟ୍ର ଏଟିଏସ ବା ଆଂଟି ଟେରୋରିଷ୍ଟ ସ୍କ୍ୱାର୍ଡ ବି ଦାବି କରିଛି । ଘଟଣାରେ ୫ଜଣଙ୍କୁ ଗିରଫ କରାଯାଇ ପଚରା ଉଚୁରା କରୁଛି । ମାତ୍ର ମୁଖ୍ୟ ଅଭିଯୁକ୍ତ ଏବେ ସୁଦ୍ଧା ଫେରାର ଥିବା ପୋଲିସ ପକ୍ଷରୁ ସୂଚନା ମିଳିଛି ।
ଉମେଶଙ୍କ ହତ୍ୟାପରେ ତାଙ୍କ ପରିବାର ମଧ୍ୟରେ ଭୟର ମାହୋଲ ଦେଖିବାକୁ ମିଳିଛି । ଘଟଣାରେ ଗିରଫ ହୋଇଥିବା ଅଭିଯୁକ୍ତଙ୍କ ଉମେଶଙ୍କ ସହ କୌଣସି ବି ସମ୍ପର୍କ ନଥିଲା । କେବେ ଏଭଳି ସମୟରେ ତାଙ୍କ ହତ୍ୟାକୁ ନେଇ ସନ୍ଦେହ ବଢିବାରେ ଲାଗିଛି । ଘଟଣାର ଆତଙ୍କବାଦୀ ସମ୍ପୃକ୍ତି ଥିବା ଅନୁମାନ କରାଯାଉଛି ।