ଜଣେ ବାପାଙ୍କ ଅଜବ ସଉକ ! ବିଭିନ୍ନ ଦେଶର ନାଁ ଅନୁସାରେ ୬ ଝିଅଙ୍କ ନାମକରଣ
ଏଭଳି ଏକ ଅଜବ ଖବର ଶୁଣିବାକୁ ମିଳିଛି ଉଦୟପୁର ଅଂଚଳରେ । ଯେଉଁଠି ଏକ ଘରେ ଆଉ ଏକାସଙ୍ଗେ ବାସ କରୁଛନ୍ତି ଗୋଟେ ନୁହେଁ କି ଦୁଇଟା ନୁହେଁ ପାଖାପାଖି ଛ’ଟି ଦେଶର ଝିଅ । କଥା ଆପଣଙ୍କୁ ଟିକେ ଅଜବ ଲାଗୁଥିବ ନିଶ୍ଚୟ । ତେବେ ପ୍ରକୃତ ଘଟଣାଟି ହେଲା ନିଜର ବନ୍ଧୁତାକୁ ସୁଦୁଢ କରିବାକୁ ଯାଇ ଜଣେ ବ୍ୟକ୍ତି ତାର ଝିଅମାନଙ୍କ ନାମକରଣ କରିଛନ୍ତି କିଛି ଏଭଳି ଢଙ୍ଗରେ । ଅର୍ଥାତ୍ ସେ ତାଙ୍କ ୬ଟି ଝିଅଙ୍କ ନାଁ ରଖିଛନ୍ତି ସତ ମାତ୍ର ସେ ପୁଣି ୬ଟି ଦେଶର ନାଁକୁ ନେଇ । ଯାହାଦ୍ୱାରା ସେ କେବଳ ନିଜ ଦେଶରେ ନୁହେଁ ବରଂ ବିଦେଶରେ ମଧ୍ୟ ପାଲଟି ଯାଇଛନ୍ତି ଚର୍ଚ୍ଚାର ବିଷୟ ।
Kanak News is now on WhatsApp
Join and get latest news updates delivered to you via WhatsApp
ତେବେ ଉଦୟପୁରରେ ବାସକରୁଥିବା ରାମଲାଲ ପାରଗୀ ଏକ ସେବାମନ୍ଦିରରେ ପାଖାପାଖି ୩୦ ବର୍ଷ ଧରି କାମ କରି ଆସୁଛନ୍ତି । ମାତ୍ର ତାଙ୍କର ସେବାତ୍ମକ ମନଭାବରେ ସେଠାକୁ ଆକର୍ଷିତ ହୋଇ ଆସନ୍ତି ବିଶ୍ୱର କୋଣ ଅନୁକୋଣରୁ ଅନେକ ପର୍ଯ୍ୟଟକ । ଯାହା ଫଳରେ ରାମଲାଲଙ୍କ ସହ ସେମାନଙ୍କ ବନ୍ଧୁତା ସୃଷ୍ଟି ହୋଇଥିଲା । ବନ୍ଧୁତାର ଅନାବିଡ ସଂପର୍କ ତଥା ନିଜର ଏହି ବନ୍ଧୁତାକୁ ସୁଦୁଢ କରିବାକୁ ଯାଇ ରାମଲାଲ ନିଜ ୬ ଝିଅଙ୍କ ନାଁ ସେହି ଦେଶଗୁଡିକ ନାଁରେ ରଖିଛନ୍ତି ଯେଉଁଠାରୁ ତାଙ୍କ ବନ୍ଧୁମାନେ ବୁଲିବାକୁ ଆସିଥାନ୍ତି । ରାମଲାଲଙ୍କ ବଡ ଝିଅ ନାଁ ଆମେରିକା କୁମାରୀ,ଦ୍ୱିତୀୟ ଝିଅ ନାଁ ଜାପାନ,ତୃତୀୟ ଝିଅ ନାଁ ମଲେସିଆ କୁମାରୀ, ଚତୁର୍ଥ ଝିଅ ନାଁ ଇଣ୍ଡିଆ କୁମାରୀ,ପଂଚମ ଝିଅର ନାଁ ଜର୍ମାନୀ ଏବଂ ଷଷ୍ଠ ଝିଅଟିର ନାଁ ରଖିଛନ୍ତି ଇଟାଲୀ କୁମାରୀ ।
ଏହା ବ୍ୟତୀତ ରାମଲାଲଙ୍କ ଏକ ପୁଅ ମଧ୍ୟ ଅଛି ଯାହାର ନାଁ ଆଜାଦ୍ ବୋଲି ରଖିଛନ୍ତି । ନିଜ ସନ୍ତାନମାନଙ୍କରଏଭଳି ନାମ ରଖିବା କାରଣରୁ ରାମଲାଲଙ୍କୁ ନିଜ ପଂଚାୟତରେ ନୁହେଁ ବରଂ ସାରା ଦେଶରେ ବିଶେଷ ରୂପରେ ଜାଣିବାକୁ ମିଳିଛି । ଝିଅଙ୍କୁ ବୋଝ ପରି ମନେକରୁଥିବା ବ୍ୟକ୍ତିଙ୍କ ପାଇଁ ରାମଲାଲ ବାସ୍ତବରେ ଏକ ମିଶାଲ ପାଲଟିିଛନ୍ତି । ବର୍ତ୍ତମାନ ରାମଲାଲଙ୍କ ୬ଟି ଝିଅ ଉଚ୍ଚ ଶିକ୍ଷିତା ହେବା ସହ ବିଭିନ୍ନ କାର୍ଯ୍ୟରେ ମଧ୍ୟ ବାପାଙ୍କୁ ସହଯୋଗ କରୁଛନ୍ତି ।