କନକ ବ୍ୟୁରୋ : ଶ୍ରୀଲଙ୍କାର କାର୍ଯ୍ୟକାରୀ ସଭାପତି ରାନିଲ ବିକ୍ରମାସିଂଘେ ହେଲେ ଶ୍ରୀଲଙ୍କାର କାର୍ଯ୍ୟନିର୍ବାହୀ ରାଷ୍ଟ୍ରପତି । ଗୋଟାବାୟା ରାଜପକ୍ଷେ ଦେଶ ଛାଡିପଳାଇଛନ୍ତି । ଏହାପରେ ପ୍ରଧାନମନ୍ତ୍ରୀ ରାନିଲ ବିକ୍ରମାସିଂଘେଙ୍କୁ ବାଚସ୍ପତି କାର୍ଯ୍ୟନିର୍ବାହୀ ରାଷ୍ଟ୍ରପତି ଭାବେ ଘୋଷଣା କରିଛନ୍ତି । ଏହାପରେ କାର୍ଯ୍ୟନିର୍ବାହୀ ରାଷ୍ଟ୍ରପତି ଦେଶରେ ଜରୁରୀକାଳୀନ ପରିସ୍ଥିତି ଘୋଷଣା କରିଛନ୍ତି । ଏବଂ ଶ୍ରୀଲଙ୍କାର ପଶ୍ଚିମପ୍ରାନ୍ତରେ କର୍ଫ୍ୟୁ ଲାଗୁ କରିଛନ୍ତି । ତେବେ ଶ୍ରୀଲଙ୍କାର ଜନତା ରାଜରାସ୍ତାକୁ ଓହ୍ଲାଇ ପ୍ରତିବାଦ କରିଛନ୍ତି । ସେମାନେ ଏବେ ରାନିଲଙ୍କର ଇସ୍ତଫା ଦାବି କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ପ୍ରଧାନମନ୍ତ୍ରୀଙ୍କ ଅଫିସ ମଧ୍ୟ ହିଂସାକାରୀଙ୍କ ଉପରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସୁରକ୍ଷା କର୍ମୀଙ୍କୁ ନିର୍ଦ୍ଦେଶ ଦେଇଛନ୍ତି । ହିଂସାକାରୀ ଯେଉଁ ଗାଡିରେ ଆସି ଏପରି କରୁଛନ୍ତି ତାକୁ ଜବତ କରିବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି । ସୁରକ୍ଷାକର୍ମୀ ଲୋକଙ୍କୁ ନିୟନ୍ତ୍ରଣ କରିବାକୁ ଯାଇ ଫାଙ୍କା ଗୁଳି ଚାଳନା କରୁଛନ୍ତି । ଦେଶରେ ଅନ୍ତରଣ ସରକାର ଗଠନ ହେବ ବୋଲି ସର୍ବଦଳୀୟ ବୈଠକରେ ନିଷ୍ପତ୍ତି ହୋଇଛି । ଜୁଲାଇ ୨୦ରେ ଏ ନେଇ ନିର୍ବାଚନ ହେବ । ରାନିଲ ବିକ୍ରମାସିଂଘେ କହିଛନ୍ତି, ଅନ୍ତରୀଣ ସରକାର ଗଠନ ହେବା ପରେ ସେ ତାଙ୍କ ପଦରୁ ଇସ୍ତଫା ଦେବେ ।