ମର୍ଡରର ମାଷ୍ଟର୍ : ସତ୍ୟ ହତ୍ୟା ମିଛ କାହାଣୀ
କନକ ବ୍ୟୁରୋ : ରାଜଧାନୀର ମର୍ଡରର ମାଷ୍ଟର୍। କୋଚିଂ କ୍ଲାସର କ୍ରୋଧୀ ଟିଚର୍ । ଯିଏ ଟ୍ୟୁସନ୍ ପଢାଉ ପଢାଉ ବନିଯାଇଛନ୍ତି ହତ୍ୟାକାରୀ। ଚନ୍ଦ୍ରଶେଖରପୁର ଥାନାରେ ବସି ନାଲି ଆଖି ଦେଖାଉଥିବା ଏ ହେଉଛନ୍ତି ରଶ୍ମୀରଂଜନ ସାହୁ। ଯିଏ ଗତକାଲି ଅପରାହ୍ନରେ ଜଣେ ଛାତ୍ରଙ୍କ ମାଆକୁ ତଂଟି ଚିପି ମାରିଦେଇଛନ୍ତି।
Kanak News is now on WhatsApp
Join and get latest news updates delivered to you via WhatsApp
ରଶ୍ମୀରଂଜନ କାହିଁକି ମାରିଲେ ଶୀଲାଙ୍କୁ। ଦୀର୍ଘ ୩ ବର୍ଷ ଧରି ଚନ୍ଦ୍ରଶେଖରପୁର ସ୍ଥିତ ଏହି କୋଚିଂ ସେଂଟରର ମାଷ୍ଟର ରଶ୍ମୀରଂଜନ ଘରୋଇ ଟ୍ୟୁଟର ହୋଇ ଯାଉଥିଲେ ଶୀଲାଙ୍କ ଘରକୁ। ୧୦ମ ଶ୍ରେଣୀରେ ପାଠ ପଢୁଥିବା ଶୀଲାଙ୍କ ପୁଅକୁ ସେ ଦେଉଥିଲେ କୋଚିଂ। ଏସବୁ ଭିତରେ ମାଷ୍ଟର ଓ ଛାତ୍ରଙ୍କ ପରିବାର ଭିତରେ ସୃଷ୍ଟି ହୋଇଥିଲା ଏକ ଭାବଗତ ସଂପର୍କ।
ସୂଚନା ଅନୁସାରେ , ଗଲା ୧୦ ଦିନ ହେଲା ରଶ୍ମୀ ଟ୍ୟୁସନ୍ ପଢାଇବାକୁ ଶୀଲାଙ୍କ ଘରକୁ ଆସିନଥିଲେ । ନ ଆସିବାର କାରଣ ଜାଣିବାକୁ ଶୀଲା ଗତକାଲି ଆସିଥିଲେ ଏହି କୋଚିଂ ସେଂଟରକୁ। ହେଲେ କଣ ହେଲା କେଜାଣି, ହଠାତ୍ ମାଷ୍ଟର ମାରିଦେଲେ ଛାତ୍ରଙ୍କ ମାଆକୁ।
ତେବେ ଶୀଲା ଓ ରଶ୍ମୀରଂଜନଙ୍କ ଭିତରେ କେଉଁ ସଂପର୍କ ଶତ୍ରୁତାର ରୂପ ନେଲା। ଏକ କର୍ପୋରେଟ ଅଧିକାରୀଙ୍କ ପଇସାବାଲା ପତ୍ନୀ ଥିଲେ ଶୀଲା। ଆଉ ୩ ବର୍ଷ ଦରି ଟ୍ୟୁସନ୍ ପଢାଇବା ଭିତରେ ପରିବାର ସହ ସୃଷ୍ଟି ହୋଇଥିଲା ବ୍ୟକ୍ତିଗତ ସଂପର୍କ। ତେଣୁ ଏହି ହତ୍ୟାକାଣ୍ଡକୁ ସହଜରେ ଗ୍ରହଣ କରିପାରୁନାହିଁ କମିଶନରେଟ ପୋଲିସ।