କନକ ବ୍ୟୁରୋ: ଋଣ ଭାର ନେଲା ଜୀବନ ।ୠଣ ଭାର ସହିନପାରି ଆତ୍ମହତ୍ୟା କଲେ ଟ୍ରକ୍ ମାଲିକ । କେନ୍ଦୁଝର ତେଲକୋଇ ଛାମୁଣ୍ଡା ଗାଁର ମୁକୁନ୍ଦ ମହାକୁଡ଼ ୧୨ ଚକିଆ ଟ୍ରକ୍ କିଣି ଭଡ଼ା କରି ପରିବାର ପ୍ରତିପୋଷଣ କରୁଥିଲେ । ସବୁ କିଛି ଠିକ୍ ଠାକ୍ ଥିଲା । କିନ୍ତୁ କିଛି ମାସ ହେଲେ ମାଇନ୍ସ ଚାଲୁନଥିବାରୁ ଟ୍ରକ୍ ମଧ୍ୟ ଚାଲୁନଥିଲା । ଫଳରେ ଟ୍ରକରୁ କୌଣସି ରୋଜଗାର ହେଉନଥିଲା । ଯାହାକୁ ନେଇ ଚାପରେ ପଡ଼ିଥିଲେ ମୁକୁନ୍ଦ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଯେଉଁ ସଂସ୍ଥାରୁ ଋଣ ଆଣି ଟ୍ରକ କିଣିଥିଲେ ସେ ସଂସ୍ଥା ବାରମ୍ବାର କିସ୍ତି ପାଇଁ ଘରକୁ ଆସି ତାଗିଦ୍ କରୁଥିଲା । ଏପରିକି ତାଙ୍କର ଜମିବାଡ଼ି ବିକ୍ରି କରି ଋଣ ସୁଝୁଥିଲେ ମୁକୁନ୍ଦ । ହେଲେ କିସ୍ତି ଟଙ୍କା ଦେବାର ବାରମ୍ବାର ବିଫଳ ହେଉଥିଲେ । ଯାହାକୁ ନେଇ ମାନସିକ ଭାରସାମ୍ୟ ହରାଇ ଗତକାଲି ନିଜ ଘର ଆଗରେ ବିଦ୍ୟୁତ୍ ତାରରେ ରଶି ଲଗାଇ ଆତ୍ମହତ୍ୟା କରିଛନ୍ତି ମୁକୁନ୍ଦ । ଘଟଣା ସ୍ଥଳରେ ପୋଲିସ ପହଞ୍ଚି ତାଙ୍କ ଝୁଲନ୍ତା ମୃତଦେହ ଉଦ୍ଧାର କରିଛି । ସ୍ଥାନୀୟ ଅଞ୍ଚଳରେ ମୁକୁନ୍ଦଙ୍କ ମୃତ୍ୟୁକୁ ନେଇ ଶୋକର ଛାୟା ଖେଳିଯାଇଛି ।