କନକ ବ୍ୟୁରୋ: କାନପୁର ବ୍ୟବସାୟୀ ପିୟୁଷ ଜୈନଙ୍କୁ ନେଇ ଆରମ୍ଭ ହୋଇ ଯାଇଛି ରାଜନୀତି । ପିୟୁଷ ଜୈନ୍ଙ୍କ ଘରୁ ୨ଶହ କୋଟିରୁ ଅଧିକ ଟଙ୍କା ଜବତ ହେବା ପରେ ଏହାକୁ ନେଇ ଉତରପ୍ରଦେଶରେ ରାଜନୀତି ଜୋର ଧରିଛି । ଏହି ଘଟଣାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସମାଜବାଦୀ ପାର୍ଟିକୁ ଟାର୍ଗେଟ କରିଛନ୍ତି । ନାଁ ନନେଇ ସପା ମୁଖ୍ୟ ଅଖିଳେଶ ଯାଦବଙ୍କୁ କଟାକ୍ଷ କରିଛନ୍ତି ମୋଦୀ । ସେପଟେ ଧନ କୁବେର ପିୟୁଷ ଜୈନ ସହ ସମାଜବାଦୀ ପାର୍ଟିର କୌଣସି ସମ୍ପର୍କ ନଥିବା ସଫେଇ ଦେଇଛନ୍ତି ଅଖିଳେଷ ଯାଦବ । ସେ କହିଛନ୍ତି ଭୁଲରେ ନିଜ ଲୋକଙ୍କ ଘରେ ରେଡ୍ କରିଦେଇଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ।
Kanak News is now on WhatsApp
Join and get latest news updates delivered to you via WhatsApp
କାନପୁରର ଧନକୁବେର ପିୟୁଷ ଜୈନଙ୍କ ଘରୁ ୨ଶହ କୋଟିରୁ ଅଧିକ ନଗଦ ଟଙ୍କା ଜବତ ହେବା ପରେ ଜୋର ଧରିଛି ରାଜନୀତି । ଘଟଣାରେ ବିଜେପି ଓ ସମାଜବାଦୀ ପାର୍ଟି ହୋଇଛନ୍ତି ମୁହାଁମୁହିଁ । ମଙ୍ଗଳବାର କାନପୁରରେ ଏକ କାର୍ଯ୍ୟକ୍ରମରେ ଯୋଗଦେଇ ପ୍ରଧାନମନ୍ତ୍ରୀ ମୋଦୀ ସାମାଜବାଦୀ ପାର୍ଟି ନେତା ଅଖିଳେଷ ଯାଦବଙ୍କୁ ଟାର୍ଗେଟ କରିଛନ୍ତି । ନାଁ ନନେଇ ମୋଦୀ କହିଛନ୍ତି, ବାକ୍ସ ଭର୍ତି ହୋଇ ରହିଥିବା ବିଡ଼ା ବିଡ଼ା ଟଙ୍କା ସର୍ବ ସମ୍ମୁଖକୁ ଆସିଗଲା । ମୁଁ ଭାବିଥିଲି ସେମାନେ କହିବେ ଏହା ଆମ ଦ୍ୱାରା ହୋଇଛି । କିନ୍ତୁ ଏବେ ସେମାନେ ପାର୍ଟି ବନ୍ଦ କରି ବସିଛନ୍ତି ।
କାନପୁରର କୁବେର ବ୍ୟବସାୟୀ ପିୟୁଷ ଜୈନ ଗିରଫ ହେବା ପରଠାରୁ ୟୁପିରେ ରାଜନୈତିକଝଡ ସୃଷ୍ଟି ହୋଇଛି । ବିଭିନ୍ନ ରାଜନତିକ ଦଳ ପିୟୁଷକୁ ନେଇ ଟଣା ଓଟରା ହେଇଛନ୍ତି । ତେବେ ନିକଟରେ ସମାଜବାଦୀ ପାର୍ଟି ଲଂଚ କରିଥିବା ଅତର ପୟୁଷ ଜୈନଙ୍କ ଦ୍ୱାରା ପ୍ରସ୍ତୁତ ହୋଇଥିଲା । ଆଉ ଏହି ଅତର ଧରି ସପା ନେତା ଅଖିଳେଷ ଯାଦବ କହିଥିଲେ, ଏହା ସାହାଯ୍ୟରେ ସମଗ୍ର ଉତରପ୍ରଦେଶରେ ସମାଜବାଦୀ ପାର୍ଟିର ମହକ ବାସିବ । ଆଉ ପିୟୁଷ ଜୈନ ଗିରଫ ହେବା ପରେ ତାର ସମ୍ପର୍କ ଦଳ ସହ ଥିବା ବିଜେପି ଦୋଷାରୋପ କରିଛି । ସେପଟେ ପିୟୁଷ ଜୈନ ସହ ସମାଜବାଦୀ ପାର୍ଟିର କୌଣସି ସମ୍ପର୍କ ନଥିବା ସ୍ପଷ୍ଟ କରିଛନ୍ତି ଅଖିଳେଷ ଯାଦବ । ସେ କହିଛନ୍ତି ମୁଖ୍ୟମନ୍ତ୍ରୀ ଯୋଗୀ ଭୁଲରେ ନିଜ ପାର୍ଟି ଲୋକ ଘରେ ରେଡ୍ କରିଦେଇଛନ୍ତି ।
ଉତରପ୍ରଦେଶ ରେ ପ୍ରଥମ ଥର ପାଇ ଜଣେ ବ୍ୟବସାୟୀ ଠାରୁ ଏତେ ପରିମାଣରେ କଳା ଟଙ୍କା ଓ ସୁନା ଗହଣା ଜବତ ହୋଇଛି । ଅତି ସାଧାରଣ ଚାଲି ଚଳଣି ଥିବା ଏହି ବ୍ୟବସାୟୀର ସମ୍ପତି ଦେଶ ବାସିଙ୍କୁ ଆଚମ୍ବିତ କରିଛି । ଅନ୍ୟପଟେ ଘଟଣାକୁ ନେଇ ରାଜନୈତିକ ବୟାନ ବାଜି ଥମିବାର ନା ନେଉନାହିଁô । କଂଗ୍ରେସ ନେତା ମେମ ଅଫଜଲ ବିଜେପିକୁ ସିଧାସଳଖ ଟାର୍ଗେଟ କରିଛନ୍ତି । ମମାଲା ପଛରେ ବିଜେପିର ହାତଥିବା ସେ ଅଭିଯୋଗ କରିଛନ୍ତି । ସେହପରି ବ୍ୟବସାୟୀ ପିୟୁଷ ଜୈନର କଲ ରେର୍କଡକୁ ସର୍ବସାଧାରାଣ କରାଗଲେ ମାମଲା ପଛରୁ ପରଦା ଆପେ ଆପେ ହଟିଯିବ ବେଲି ଆରଜେଡି ନେତା କହିଛନ୍ତି ।
ଅତରରୁ ଆରମ୍ଭ କରି ପାନ ମସଲା ଅଳି ଅନେକ ବେପାର କରୁଥିବା ବୈବସାୟୀ ପିୟୁଷ ଜୈନ ଘର ଓ ଫ୍ୟାକ୍ଟ୍ରିରେ ଗତ ୬ଦିନଧରି ଖାନ ତଲାସି ଜାରି ରହିଥିଲା । ଏହି ରେଡ୍ ଉତରପ୍ରଦେଶର ବର୍ତମାନ ସୁଦ୍ଧା ସବୁଠାରୁ ବଡ ଚଢାଉ । ଆଉ ଆଗକୁ ୟୁପି ନିର୍ବାଚନ ଥିବାରୁ ଏହାକୁ ନେଇ ରାଜନୀତି ବି ସେଭଳି ବଡ ହେବା ସ୍ୱାଭାବିକ୍ ।