ବିନା ଟିକେଟରେ ଯାତ୍ରା କରୁଥିବା ଯାତ୍ରୀଙ୍କ ପାଇଁ କାଳ ସାଜିଛନ୍ତି ଏହି ମହିଳା କର୍ମଚାରୀ, ଏକାକୀ ଆଦାୟ କରିଛନ୍ତି ୧କୋଟି ଟଙ୍କା ଜରିମାନା
କନକ ବ୍ୟୁରୋ : ରେଳ ବିଭାଗରେ କାମ କରୁଥିବା ଜଣେ ମହିଳା କର୍ମଚାରୀ ଏବେ ଚର୍ଚ୍ଚାରେ ରହିଛନ୍ତି । ଏହି ମହିଳା କର୍ମଚାରୀଜଣଙ୍କ ବିନା ଟିକେଟରେ ଯାତ୍ରା କରୁଥିବା ଯାତ୍ରୀଙ୍କ ଠାରୁ ଏକାକୀ ୧କୋଟି ଟଙ୍କା ଜରିମାନା ଆଦାୟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରୋଜାଲୀନ ଓରୋକିୟା ମେରୀ ନାମକ ଏହି ମହିଳା କର୍ମଚାରୀ ଜଣଙ୍କ ଦକ୍ଷିଣ ରେଲୱେରେ ମୁଖ୍ୟ ଟିକେଟ ଇନସ୍ପେକ୍ଟର ଭାବେ କାର୍ଯ୍ୟ କରୁଛନ୍ତି । ରେଳ ବିଭାଗର ୧କୋଟି ଟଙ୍କା ଜରିମାନା ଆଦାୟ କରିବାରେ ସେ ପ୍ରଥମ ମହିଳା ଟିଟିଇ ।
ଏନେଇ ରେଳ ମନ୍ତ୍ରଣାଳୟର ଅଧିକାରୀକ ଟ୍ୱିଟର ଆକାଉଣ୍ଟରେ ରୋଜାଲୀନଙ୍କ ଫଟୋ ସେୟାର କରାଯାଇଛି । ଏହି ଫଟୋରେ ରୋଜାଲୀନ ରେଳଯାତ୍ରୀଙ୍କ ଟିକେଟ ଚେକ୍ କରୁଥିବା ଦେଖିବାକୁ ମିଳିଛି । ଏହା ବ୍ୟତୀତ ସେ ପେନାଲଟି ମଧ୍ୟ ଆଦାୟ କରିଛନ୍ତି ।
ରେଳ ମନ୍ତ୍ରଣାଳୟ ତରଫରୁ ଏହି ଟ୍ୱିଟରେ ଲେଖାଯାଇଛି କି, ରୋଜାଲୀନ ନିଜର କାମକୁ ପୁରା ନିଷ୍ଠାର ସହ କରୁଛନ୍ତି । ସେ ବିନା ଟିକେଟରେ ଯାତ୍ରା କରୁଥିବା ଯାତ୍ରୀ ଓ ବେଆଇନ ଭାବେ ଯାତ୍ରା କରୁଥିବା ଯାତ୍ରୀଙ୍କ ଠାରୁ ମୋଟ ୧.୦୩କୋଟି ଟଙ୍କା ଜରିମାନା ଆକାରରେ ଆଦାୟ କରିଛନ୍ତି ।
Showing resolute commitment to her duties, Smt.Rosaline Arokia Mary, CTI (Chief Ticket Inspector) of @GMSRailway, becomes the first woman on the ticket-checking staff of Indian Railways to collect fines of Rs. 1.03 crore from irregular/non-ticketed travellers. pic.twitter.com/VxGJcjL9t5
— Ministry of Railways (@RailMinIndia) March 22, 2023
ଦକ୍ଷିଣ ରେଳ ବିଭାଗ ତରଫରୁ ଜାରି କରାଯାଇଥିବା ଏକ ତାଲିକା ମୁତାବକ ରୋଜାଲୀନଙ୍କ ବ୍ୟତୀତ ଅନ୍ୟ ୨ଜଣ ଟିଟିଇ ମଧ୍ୟ ୧କୋଟି ଟଙ୍କାରୁ ଅଧିକ ଜରିମାନା ଆଦାୟ କରିଛନ୍ତି । ଏସବୁ ଜରିମାନା ୨୦୨୨ ମାର୍ଚ୍ଚରୁ ୨୦୨୩ ମଧ୍ୟରେ ଆଦାୟ କରାଯାଇଛି । ଚେନ୍ନାଇ ଡିଭିଜନର ଡେପୁଟୀ ଚିଫ୍ ଟିଟିଇ ଏସ୍ ନନ୍ଦା କୁମାର ୧.୫୫ କୋଟି ଟଙ୍କା ଜରିମାନା ଆଦାୟ କରିଥିବା ବେଳେ ଅନ୍ୟଜଣେ କର୍ମଚାରୀ ୧.୧୦ କୋଟି ଟଙ୍କା ଜରିମାନା ଆଦାୟ କରିଛନ୍ତି ।