ଲଦାଖରେ ଭାରତୀୟ ସେନାର ଶକ୍ତି ପ୍ରଦର୍ଶନ। ସ୍ୱଦେଶୀ ଅତ୍ୟାଧୁନିକ ହତିଆର ସହ ଦମ ଦେଖାଇଲେ ଯବାନ।
କନକ ବ୍ୟୁରୋ: ସମୟ ସହ ଅଧିକ ମଜବୁତ ହେଉଛି ଭାରତୀୟ ସେନା । ଲଦାଖରେ ମୃତୟନ ହେଲା ସ୍ୱଦେଶୀ କୌଶଳରେ ନିର୍ମିତ ସୈନ୍ୟ ବୋଟ ଓ ଡ୍ରୋନ । ସୈନ୍ୟ ବୋଟରେ ଏକାସହ ୩୫ଜଣ ଯବାନ ହ୍ରଦର କୌଣସି ଭାଗକୁ ଖୁବ କମ ସମୟରେ ପହଁଚିପାରିବେ । ଏଥିସହ ଫରୱାର୍ଡ ପୋଷ୍ଟରେ ଏକାଧିକ ହତିଆର ଓ ଯୁଦ୍ଧ ଯାନକୁୁ ମୃତୟନ କରାଯାଇଛି । ସେପଟେ ଚୀନକୁ ନିଜର ଦମ ଦେଖାଇ ଲଦାଖରେ ସେନା ଶକ୍ତି ପ୍ରଦର୍ଶନ ମଧ୍ୟ କରିଛି ଭାରତୀୟ ସେନା । ପାଙ୍ଗଗଂ ଦ୍ରଦ ନିକଟରେ ମୃତୟନ ଲ୍ୟାଡିଂ କ୍ରାପ୍ଟ ଆସଲଟ ନିଜର ଶକ୍ତି ପ୍ରଦର୍ଶନ କରିଛି । । ଲଦାଖରେ ଚୀନ ଉପରେ କଡ଼ା ନଜର ରଖିବା ପାଇଁ ସମୟ ଅନୁସାରେ ସେନାକୁ ଅଧିକ ମଜବୁତ କରୁଛି ଭାରତ । ଆଧୁନିକ ଉପାୟ ଆପଣାଇ ଚୀନ ଉପରେ କଡ଼ା ନଜର ରଖିବାକୁ ଚେଷ୍ଟା କରୁଛି ଭାରତ । ସେନାକୁ ଅଧିକ ମଜୁବତ କରିବ ସ୍ୱଦେଶୀ ହତିଆର । ମଙ୍ଗଳବାର ସେନାକୁ ମିଳିଛି ସ୍ୱଦେଶୀ ତଥା ଶକ୍ତିଶାଳୀ ଓ ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ହତିଆରା ସେନାକୁ ଏକେ ୨୦୩ ଆସଲଟ ରାଇଫଲ ଓ ଏଫ-ଇନସାସ ରାଇଫଲ ସହ ଆଂଟି ପର୍ସନାଲ ମାଇନ ନିପୁଣ ଡ୍ରୋନ, ବାଲେଷ୍ଟିକ ହେଲମେଟ, ଗଗଲସ, ବୁଲେଟପ୍ରୁଫ ଜ୍ୟାକେଟ ଏଲବୋ ପ୍ୟାକ୍, ରାତି ସମୟରେ ଶତ୍ରୂଙ୍କୁ ଚିହ୍ନଟ କରିବା ପାଇଁ ଇନଫ୍ରିଟିଂ ସୋଲଜରକୁ ଏକ ବିଶେଷ ଲାଇଟ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଏଥିସହ ସିଆଚିନ ଗ୍ଲାସିୟର ନିକଟରେ ପରତାରପୁର ଆର୍ମି ବେସ ପାଇଁ ୧ହଜାର ମେଗା ୱାଟରର ସୌରଶକ୍ତି ପରିଯୋଜନାର ଶୁଭାରମ୍ଭ ହୋଇଛି । କୋର ଅଫ ଇଂଜିନିୟରଙ୍କ ଦ୍ୱାରା ନିର୍ମିତ ଏହି ପାୱାର ପ୍ଲାଂଟ ଏବେ ଡିଜେଲ ଉପରେ ନିର୍ଭରକୁ କମ କରିବାରେ ସହାୟକ ହେବ ଓ ଆବଶ୍ୟକତା ଅନୁସାରେ ବିଜୁଳି ପାଇପାରିବେ ଯବାନ । ଏହି ସମସ୍ତ ହତିଆର ଭାରତୀୟ କମ୍ପାନୀ ଇଇଏଲ ଦ୍ୱାରା ନିର୍ମାଣ କରାଯାଇଛି । ଚୀନ ଚାଲକୁ ରୋକିବା ପାଇଁ ଏଲଏସିରେ ମୃତୟନ ଜାବନଙ୍କୁ ଏହା ବେଶ ସହାୟକ ହେବ ।