ଖଣି ମାଫିଆଙ୍କ ଆତଙ୍କ । ଚଢଉ ସମୟରେ ଡିଏସପିଙ୍କୁ ଡମ୍ପର ଚଢାଇ କଲେ ହତ୍ୟା
କନକ ବ୍ୟୁରୋ: ପୁଣି ସାମନାକୁ ଆସିଲା ଖଣିମାଫିଆଙ୍କ ଆତଙ୍କ । ହରିୟାଣାରେ ବେଆଇନ୍ ଖଣି ଖନନ ଖବର ପାଇ ଚଢଉ କରିବାକୁ ଯାଇଥିବା ସମୟରେ ଡିଏସପି ସୁରେନ୍ଦ୍ର ସିଂହ ବିଷ୍ଣୋଇଙ୍କୁ ଡମ୍ପର ଚଢାଇ ଦେଲେ ଖଣି ମାଫିଆ । ଫଳରେ ଘଟଣାସ୍ଥଳରେ ହିଁ ଡିଏସପିଙ୍କର ମୃତ୍ୟୁ ହୋଇଛି । ବର୍ଷକ ପରେ ଚାକିରୀରୁ ଅବସର ନେଇଥାନ୍ତେ ଡିଏସପି ସୁରେନ୍ଦ୍ର ସିଂହ
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଉପ ପୋଲିସ ଅଧୀକ୍ଷକ ସୁରେନ୍ଦ୍ର କୁମାର ତାବଡୁରେ ମୁତୟନ ଥିଲେ । ଏଠାରେ ପାହାଡି ଇଲାକାରେ ବେଆଇନ ଖଣି ଖୋଳାଯାଉଥିବା ଖବର ମିଳିଥିଲା । ଖବର ପାଇଁ ତୁରନ୍ତ ଖଣି ନିକଟକୁ ଯାଇ ପଥର ବୋଝେଇ ଟ୍ରକକୁ ରୋକିବାକୁ ଚେଷ୍ଟା କରିଥିଲେ । ହେଲେ ଏହି ସମୟରେ ତାଙ୍କ ଉପରେ ଡମ୍ପର ଚଢାଇଦେଇଥିଲେ ମାଫିଆ । ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି ।
ଘଟଣା ଘଟାଇ ଫେରାର ହୋଇଯାଇଛନ୍ତି ଅଭିଯୁକ୍ତ ମାଫିଆ । ସେମାନଙ୍କୁ ଗିରଫ କରିବାକୁ ତନାଘନା ଚଳାଇଛି ପୋଲିସ । ତେବେ ଏପରି ଦୁଃସାହିସିକ ଘଟଣା ଘଟାଇବାରେ ଖଣିମାଫିଆଙ୍କର ଏହା ପ୍ରତମ ଘଟଣା ନୁହେଁ । ଏହା ପୂର୍ବରୁ ମଧ୍ୟ ଏଠିକାର ମାଫିଆ ସ୍ପୋଶାଲ ଏନଫୋର୍ସମେଣ୍ଟ ଟିମ୍ ଉପରକୁ ମରଣାନ୍ତକ ଆକ୍ରମଣ କରିଥିଲେ ।