ଆପଣଙ୍କ ଫେସବୁକ ଡାଟା କିଏ ବ୍ୟବହାର କରିଛି ? ଜାଣିବେ କିପରି, ଆପଣାନ୍ତୁ କିଛି ସରଳ ଉପାୟ । ଆକାଉଣ୍ଟ ଖୋଲିବା ଦିନ ଠାରୁ ଆଜି ଯାଏଁ ଗୋଟିଏ ଫାଇଲରେ ରହିଛି ସବୁ ତଥ୍ୟ
ଫେସବୁକରୁ ଡାଟା ଚୋରି ହେଉଥିବା କଥା ପ୍ରଘଟ ହେବା ପରେ ୟୁଜର୍ସଙ୍କ ମଧ୍ୟରେ ଫେସବୁକର ସୁରକ୍ଷାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଆଉ ଏଥିପାଇଁ କ୍ଷମା ମଧ୍ୟ ମାଗିଛନ୍ତି ଫେସବୁକ ସିଇଓ ମାର୍କ ଜୁକରବର୍ଗ ।ଏପରିକି ଭାରତରେ ନିର୍ବାଚନ ହେବା ପୂର୍ବରୁ ଫେସବୁକକୁ ସମ୍ପୂର୍ଣ୍ଣ ଭାବେ ସୁରକ୍ଷିତ କରାଯିବ ବୋଲି କହିଛନ୍ତି ଜୁକରବର୍ଗ । ତେବେ ଏଭଳି ସମୟରେ କିଛି ସରଳ ଉପାୟ ଆପଣାଇ ଆପଣଙ୍କ ଫେସବୁକ ଡାଟା କାହା ପାଖରେ ମହଜୁଦ ଅଛି ତାହା ଜାଣିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଆପଣଙ୍କ ଫେସବୁକ ଡାଟା ଅନ୍ୟ କାହା ପାଖରେ ଅଛି କି ନାହିଁ ଜାଣିବା ପାଇଁ ସର୍ବପ୍ରଥମେ କିଛି ସରଳ ଉପାୟ ଆପଣାଇବାକୁ ପଡିବ । ଏଥିପାଇଁ ପ୍ରଥମେ ଫେସବୁକ ଲଗଇନ କରିବା ପରେ ଏହାର ଡାହାଣ ପାଶ୍ୱର୍ରେ ଥିବା ତୀର ଚିହ୍ନ ଉପରେ କ୍ଲିକ କରିବାକୁ ପଡିବ । ଏହାଦ୍ୱାରା ଏକ ନୂଆ ପେଜ ଖୋଲିବ । ଏଥିରେ ଥିବା setting ବିକଳ୍ପ ଉପରେ କ୍ଳିକ କରିବା ପରେ ପେଜର ତଳ ପାଶ୍ୱର୍ରେ Download a copy of your facebook data ଲେଖାଥିବା ଲିଙ୍କ୍ ମିଳିବ ।
ଏହି ଲିଙ୍କ ଉପରେ କ୍ଳିକ୍ କରିବା କ୍ଷଣି ଫେସବୁକ ପକ୍ଷରୁ ୟୁଜର୍ସଙ୍କ ନିକଟକୁ ଇମେଲରେ ଏକ ଲିଙ୍କ ଆସିବ । ଏହି ଲିଙ୍କ ଦ୍ୱାରା ଏକ ଜିପ୍ ଫାଇଲ ଡାଉନଲୋଡ କରାଯାଇପାରିବ । ଏହାବାଦ ଫେସବୁକ ୟୁଜର୍ସଙ୍କୁ ଡାଉନଲୋଡର ବିକଳ୍ପ ଦେବ । ଏହି ଫାଇଲରେ ଆପଣଙ୍କ ଫେସବୁକର ସମସ୍ତ ତଥ୍ୟ ରହିଛି । ଫେସବୁକ ଆକାଉଣ୍ଟ ଖୋଲିବା ଦିନ ଠାରୁ ଏବେ ପର୍ଯ୍ୟନ୍ତ ସମସ୍ତ ତଥ୍ୟ ଏଥିରେ ଉଲ୍ଲେଖ ରହିଛି । ଏହାବାଦ ଆପଣଙ୍କ ପ୍ରୋଫାଇଲକୁ ଆସୁଥିବା ସମସ୍ତ ବିଜ୍ଞାପନର ସୂଚନା ମଧ୍ୟ ଏହିଠାରୁ ପାଇପାରିବେ ।