ସାରା ରାଜ୍ୟରେ ଲାଗିି ରହିଛି ଲଘୁଚାପ ଜନିତ ବର୍ଷା : ଲଗାଣ ବର୍ଷା ଲାଗି କଟକର ସମସ୍ତ ସ୍କୁଲ କଲେଜକୁ ଛୁଟି ଘୋଷଣା କଲେ ଜିଲ୍ଲାପାଳ
କନକ ବ୍ୟୁରୋ : ସାରା ରାଜ୍ୟରେ ପ୍ରବଳ ବର୍ଷା ଲାଗି ରହିଛି । ରାଜଧାନୀ ଭୂବନେଶ୍ୱର ସମେତ କଟକ, ଯାଜପୁର, କେନ୍ଦୁଝର ଆଦି ଅନେକ ଉପକୂଳବର୍ତ୍ତୀ ଜିଲ୍ଲାରେ ପ୍ରବଳ ବର୍ଷା ହୋଇଥିବା ସୂଚନା ମିଳିଛି । ଏପଟେ ଆଗାମୀ ୨୪ ଘଣ୍ଟା ପର୍ଯନ୍ତ ରାଜ୍ୟରେ ଆହୁରି ପ୍ରବଳ ବର୍ଷା ଲାଗି ରହିବ ବୋଲି ଆଞ୍ଚଳିକ ପାଣିପାଗ ବିଭାଗ ପୂର୍ବାନୁମାନ କରିଛି । ବର୍ଷା ଲାଗି କଟକର ସମସ୍ତ ସ୍କୁଲ ଓ କଲେଜକୁ ଛୁଟି ଘୋଷଣା କରିଛନ୍ତି ଜିଲ୍ଲାପାଳ । ମିଳିଥିବା ସୂଚନା ଅନୁସାରେ କଟକର ଅନେକ ଅଞ୍ଚବୁଡି ରହିଛି । ଡ୍ରେନେଜ ବ୍ୟବସ୍ଥା ସଠିକ ନଥିବାରୁ ରାସ୍ତାରେ ପାଣି ଜମିରହିଛି । ତେଣୁ ଗାଡିମଟର ଚଳାଚଳ ବିଶେଷ ଭାବରେ ପ୍ରଭାବିତ ହୋଇଥିବା ସୂଚନା ମିଳିଛି । କେବଳ କଟକ ନୁହେଁ ବରଂ ରାଜଧାନୀ ଭୂବନେଶ୍ୱରରେ ମଧ୍ୟ ଅନେକ ସ୍ଥାନରେ ପାଣି ଜମିରହିଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ନୟାପଲ୍ଲୀ, ଆଚାର୍ଯ୍ୟ ବିହାର, ଭିଏସଏସନଗର, ବେହେରା ସାହି ଆଦି ଅନେକ ସ୍ଥାନରେ ଘରେ ପାଣି ପଶିଥିବା ଦେଖିବାକୁ ମିଳିଛି । ଟ୍ୟୁୟିନ ସିଟିରେ ସଠିକ ଭାବରେ ବର୍ଷାପାଣି ନିଷ୍କାସନର ସଠିକ ବ୍ୟବସ୍ଥା ନଥିବାରୁ ବର୍ଷା ହେଲା ମାତ୍ରେ ସହରର ଅନେକ ଲୋକଙ୍କ ଘରେ ପାଣି ପଶି ରହିଛି । ଏପରିକି ରାଜଧାନୀର କେତେକ ସ୍ଥାନରେ ଘର ଭିତରେ ଅଣ୍ଟାଏ ଉତ୍ତର ପାଣି ଜମିରହିଥିବା ସୂଚନା ମିଳିଛି । କେବଳ ରାଜଧାନୀରେ ଏହି ଅବସ୍ଥା ନୁହେଁ ବରଂ ସାରା ଓଡିଶାରେ ଅନେର ସ୍ଥାନରେ ଏପରି ବର୍ଷା ହୋଇଥିବା ସୂଚନା ମିଳିଛି । ସେପଟେ ଜଳକା ନଦୀର ଉପରମୁଣ୍ଡରେ ପ୍ରବଳ ବର୍ଷା ହେବାରୁ ବାଲେଶ୍ୱରର ମଥାନାଠାରେ ଜଳକା ବିପଦ ସଙ୍କେତ ଟପିଥିବା ସୂଚନା ମିଳିଛି । ତଳିଆ ଅଞ୍ଚଳର ଲୋକମାନଙ୍କୁ ସତର୍କ ସୂଚନା ଜାରି କରିଛନ୍ତି ସ୍ଥାନୀୟ ବିଡିଓ । ତେବେ ବର୍ତ୍ତମାନ ସମୟରେ ବନ୍ୟା ବିଷୟରେ କୈାଣସି ସୂଚନା ମିଳିପାରିନାହିଁ ।