ଘରେ ରହିଛି ୩୦ କୋଟିର ସମ୍ପତ୍ତି, ହେଲେ ଖାଇବାକୁ ନପାଇ ଆତ୍ମହତ୍ୟା କଲେ ବୃଦ୍ଧ ଦମ୍ପତି
କନକ ବ୍ୟୁରୋ : ଇଏ କାହାଣୀ ହେଉଛି ଏମିତି ଏକ ପରିବାରର । ଯାହାଙ୍କ ଘରେ ଅଚଳାଚଳ ସଂପତି । ଘର, ଦ୍ୱାର, ଗାଡ଼ି ଘୋଡ଼ା କୌଣସିଥିରେ ଅଭାବ ନାହିଁ । ପରିବାର ଲୋକଙ୍କ ପାଖରେ ୩୦ କୋଟିର ସଂପତି । କିନ୍ତୁ ଏଭଳି ଏକ ପରିବାର’ର ମୂଳ ଦୁଆ ଥିବା ବୃୃଦ୍ଧ ଦମ୍ପତି, ଦୁଇ ଦୁଇ ଓଳି ଖାଇବାକୁ ନପାଇଁ ଆତ୍ମହତ୍ୟା କରିବା ଭଳି ଖବର ଏବେ ଚାଂଚଲ୍ୟ ଖେଳାଇ ଦେଇଛି । ଏଭଳି ଏକ ଘଟଣା ଘଟିଛି ହରିୟାଣାର ଚର୍ଖିଦ୍ରାହି ଦ୍ରାହି ସହରରେ । ଖାଇବାକୁ ମାଗିଲେ ମିଳୁଥଲା ବାସୀ ରୁଟି । ଆପତି କରୁଥିଲେ ମିଳୁଥିଲା ମାଡ଼ । ଯନ୍ତ୍ରଣା ଅସହ୍ୟ ହୋଇଯିବାରୁ ମୃତ୍ୟୁର ବାଟ ବାଛି ନେଇଛନ୍ତି ଏହି ବୃଦ୍ଧ ଦମ୍ପତି । କିନ୍ତୁ ମୃତ ଦମ୍ପତିଙ୍କ ପୁଅ କହିଛନ୍ତି ବାପା ମା ତାଙ୍କର ମାନସିକ ରୋଗୀ ଥିଲେ ତେଣୁ ଏଭଳି ଆତ୍ମହତ୍ୟା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆତ୍ମହତ୍ୟା କରିଥିବା ଏହି ଦମ୍ପତିଙ୍କ ହେଉଛନ୍ତି ୭୮ ବର୍ଷିୟ ଜଗଦୀଶ ଚନ୍ଦ୍ର ଆର୍ଯ୍ୟ ଏବଂ ତାଙ୍କ ପତ୍ନୀ, ଭାଗଲୀ ଦେବୀ, ଯାହାଙ୍କା ବୟସ ୭୭ ବର୍ଷ । ଏହି ଦମ୍ପତିଙ୍କ ମୁଳ ଘର ହରିୟାଣାର ଗୋପୀ ଗାଁରେ । ଏହି ବୃଦ୍ଧ ଦମ୍ପତି ବାଢ଼ଡାରେ ନିଜ ପୁଅ ବୀରେନ୍ଦ୍ର ଆର୍ଯ୍ୟଙ୍କ ଘରେ ରହୁଥିଲେ । ଆତ୍ମହତ୍ୟା ସମ୍ପର୍କରେ ଜାଣିବା ପରେ ସମ୍ପର୍କୀୟମାନେ ପୁଲିସକୁ ଖବର ଦେଇଥିଲେ । ଘଟଣା ସ୍ଥଳରେ ପୁଲିସ ପହଂଚି ମାମଲା ରୁଜୁ କରିଛି ।
ବଡ଼ କଥା ହେଉଛି ଆତ୍ମହତ୍ୟା କରିବା ପୂର୍ବରୁ ବୃଦ୍ଧ ଦମ୍ପତି ଏକ ସୁସାଇଡ୍ ନୋଟ୍ ଛାଡ଼ି ଯାଇଛନ୍ତି । ଯେଉଁ ଚିଠିରେ ରହିଛି ତାଙ୍କ ଦୁଃଖ ଓ ଯନ୍ତ୍ରଣାର ପୁରା କାହାଣୀ । ସେପଟେ ବୃଦ୍ଧ ଦମ୍ପତିଙ୍କ ନାତି ପୁଅ ବିବେକ ଆର୍ଯ୍ୟ ୨୦୨୧ ବ୍ୟାଚ୍ର ଆଇଏସ୍ ଅଧିକାରୀ । ହରିଆଣା କ୍ୟାଡରରେ କାର୍ଯ୍ୟରତ ବୋଲି ଜଣାପଡିଛି ।