କନକ ବ୍ୟୁରୋ : ଗୋରଖପୁର ଠାରେ ଥିବା ଗୋରଖନାଥ ମନ୍ଦିର ନିକଟରେ ପୋଲିସ କର୍ମୀଙ୍କ ଉପରେ ଆକ୍ରମଣ ଘଟଣା ଏବେ ନୂଆ ମୋଡ ନେଇଛି । ଏହି ମାମଲାର ଅଭିଯୁକ୍ତ ଭାବେ ଗିରଫ ହୋଇଥିବା ମୁର୍ତୁଜାର ସଂପର୍କ ଆଇଏସଆଇଏସ ସହ ଥିବା କଥା କହିଛନ୍ତି ଉତ୍ତର ପ୍ରଦେଶ ଏଡିଜି ପ୍ରଶାନ୍ତ କୁମାର । ସେ କହିଛନ୍ତି କି ଆଇଏସଆଇଏସ ଆତଙ୍କବାଦୀ ମେହନ୍ଦୀ ମସୁଦ ସହ ମୁର୍ତୁଜାର ସଂପର୍କ ରହିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଉତ୍ତର ପ୍ରଦେଶ ଏଡିଜି ଓ ଏଟିଏସ ଦ୍ୱାରା ମୁର୍ତୁଜାକୁ ପଚରା ଉଚରା ବେଳେ ଏଭଳି ତଥ୍ୟ ସାମ୍ନାକୁ ଆସିଛି । ମୁର୍ତୁଜା ସାମାଜିକ ଗଣମାଧ୍ୟମ ସହାୟତାରେ ଲଗାତର ଭାବେ ବିଦେଶରେ ରହୁଥିବା ଆଇଏସଆଇଏସ ଆତଙ୍କବାଦୀଙ୍କ ସହ ସଂପର୍କରେ ଥିଲା । ୨୦୧୪ ରେ ବେଙ୍ଗାଲୋର ପୋଲିସ ଦ୍ୱାରା ଗିରଫ ହୋଇଥିବା ଆଇଏସଆଇଏସ ଆତଙ୍କବାଦୀ ମେହନ୍ଦୀ ମସୁଦ ସହ ବିଶେଷ ସଂପର୍କରେ ମୁର୍ତୁଜା ରହିଥିବା କଥା ଏଡିଜି ପ୍ରଶାନ୍ତ କୁମାର ଗଣମାଧ୍ୟମକୁ ସୂଚନା ଦେଇଛନ୍ତି ।
ୟୁପି ଏଟିଏସର ସୂଚନା ମୁତାବକ ମୁର୍ତୁଜା ଆଇଏସଆଇଏସ ସଂଗଠନ ସହ କାମ କରିବାକୁ ଶପଥ ନେବା ସହ ସେମାନଙ୍କୁ ଆର୍ଥିକ ସହାୟତା ଯୋଗାଉଥିଲା । ମୁର୍ତୁଜା ଇଣ୍ଟରନେଟରେ ଏକେ-୪୭, ୫-୪ କାର୍ବାଇନ ସମେତ ଅନେକ ଅସ୍ତ୍ରଶସ୍ତ୍ର ବାବଦରେ ପଢାପଢି କରୁଥିଲା । ଏହାପରେ ସେ ଘରେ ରଖିଥିବା ଏୟାର ରାଇଫଲ ପ୍ରାକ୍ଟିସ କରିଥିଲା ।
Accused was in contact with ISIS fighters & sympathizers via social media. He was arrested by Bengaluru Police in 2014 for being in connection with ISIS propaganda activist Mehdi Masroor Biswas. He was influenced by terror orgs radical preachers & ISIS-terrorism promoters:ADG L&O
— ANI UP/Uttarakhand (@ANINewsUP) April 30, 2022
କହିରଖୁ କି ଅହମଦ ମୁର୍ତୁଜା ଓୱାସୀ ଏପ୍ରିଲ ୩ ତାରିଖରେ ଜବରଦସ୍ତ ଗୋରଖନାଥ ମନ୍ଦିରରେ ପ୍ରବେଶ କରିବାକୁ ଚେଷ୍ଟା କରିଥିଲା । ଏହାକୁ ସେଠାରେ ଥିବା ଯବାନମାନେ ଅଟକାଇବାକୁ ଚେଷ୍ଟା କରିବା ବେଳେ ମୁର୍ତୁଜା ସେମାନଙ୍କ ଉପରକୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲା । ଏହି ଘଟଣାରେ ଗିରଫ ହୋଇ ମୁର୍ତୁଜା ଏବେ ଜେଲରେ ଅଛନ୍ତି ।