ବନ୍ୟା ବିପନ୍ନଙ୍କୁ ମିଳିଲାନି ପଲିଥିନ । ତହସିଲଦାରଙ୍କ ପାଦତଳେ ପଡ଼ିଲେ ଜିଲ୍ଲା ପରିଷଦ ସଭ୍ୟ ।
କନକ ବ୍ୟୁରୋ : ବନ୍ୟା ପ୍ରଭାବିତ ଲୋକଙ୍କୁ ପଲିଥିନ ଯୋଗାଇ ଦେବା ପାଇଁ ତହସିଲଦାରଙ୍କ ଗୋଡ ତଳେ ପଡିଲେ ଜିଲ୍ଲା ପରିଷଦ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଅଂଚଳରେ । ଲଗାଣ ବର୍ଷା ଯୋଗୁ ସ୍ଥାନୀୟ ଉଫୁଲା ପଂଚାୟତ ଖମ୍ବେଶ୍ୱରୀପାଲି ଗ୍ରାମର ଅନେକ ଲୋକଙ୍କ ଘର ଭାଙ୍ଗିଯାଇଥଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରଭାବିତ ଲୋକଙ୍କୁ ଘର ଯୋଗାଇ ଦେବାକୁ ଜିଲ୍ଲା ପରିଷଦ ଲବ କୁମାର ସାହୁ ଶୁକ୍ରବାର ତହସିଲଦାରଙ୍କୁ ଫୋନ କରିଥିଲେ । ହେଲେ ତହସିଲଦାର ଫୋନ ଉଠାଇନଥିଲେ । ପରେ ସନ୍ଧ୍ୟାରେ ସେ ଏବଂ ପୂର୍ବତନ ଜିଲ୍ଲା ପରିଷଦ ତହସିଲଦାରଙ୍କ ଅଫିସରେ ପହଂଚିଥିଲେ । ସେମାନେ ଅତିରିକ୍ତ ତହସିଲଦାରଙ୍କୁ ଭେଟି ପଲିଥିନ ଯୋଗାଇଦେବାକୁ ଅନୁରୋଧ କରିଥିଲେ । ହେଲେ ତାଙ୍କ ଠାରୁ ସନ୍ତୋଷଜନକ ଉତର ନ ପାଇବାରୁ ସେମାନେ ତହସିଲଦାର ବିବୁଧ ଗଡ଼ନାୟକଙ୍କ ଅଫିସକୁ ଯାଇଥିଲେ । ସେଠାରେ ସେମାନେ ତହସିଲଦାରଙ୍କ ପାଦ ତଳେ ପଡି ପଲିଥିନ ଦେବାକୁ ଅନୁରୋଧ କରିଥିଲେ । ପରେ ତହସିଲଦାର ତାଙ୍କୁ ପଲିଥିନ ଯୋଗାଇଦେବାକୁ ପ୍ରତିଶ୍ରୁତି ଦେବା ପରେ ସେମାନେ ଉଠିଥିଲେ ।
ତେବେ ବନ୍ୟା ପ୍ରଭାବିତ ଲୋକଙ୍କୁ ସହଯୋଗ କରିବାକୁ ସରକାର ସବୁସ୍ତରରେ ସହଯୋଗ କରୁଥିବା ବେଳେ ଗୋଡ ତଳେ ପଡିବାର କଣ ଆବଶ୍ୟକତା ଥିଲା ତାକୁ ନେଇ ଚର୍ଚ୍ଚା ହୋଇଛି ।