ଗୋପରେ ନିଜ ଝିଅକୁ ପୋଡି ମାରିଲା ବାପା । ମାଲଭାଇଙ୍କୁ ବାନ୍ଧିଲା ପୋଲିସ, ପ୍ରମାଣ ନଷ୍ଟରେ କରିଥିଲେ ସହଯୋଗ ।
କନକ ବ୍ୟୁରୋ : ଗୋପ ବିଜିପୁର ଗାଁରେ ନିଜ ଝିଅକୁ ବାପା ପୋଡି ମାରିଦେବା ଘଟଣାରେ ୩ ଜଣଙ୍କୁ ବାନ୍ଧିଲା ପୁଲିସ । ଅଭିଯୁକ୍ତ ବାପାଙ୍କ ସହିତ ତିନି ମାଲ ଭାଇଙ୍କୁ ପୁଲିସ ଗିରଫ କରିଛି । ଏମାନେ ଯୁବତୀଙ୍କ ୨ ଦାଦା ଓ ସମ୍ପର୍କୀୟ ଜେଜେ ବୋଲି ଜଣାପଡିଛି । ସମସ୍ତେ ଯୁବତୀଙ୍କ ମୃତଦେହ ପୋଡିବାରେ ସହଯୋଗ କରିଥିବା ଅଭିଯୋଗରେ ପୁଲିସ ସେମାନଙ୍କୁ ଅଟକ ରଖି ପଚରା ଉଚୁରା କରୁଥିଲା । ସେହିଭଳି ଅଭିଯୁକ୍ତ ବାପାଙ୍କୁ ପୁଲିସ କାବୁ କରିଥିବା ବେଳେ ସାବତ ମାଆ ଫେରାର ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଘଟଣା ଅନୁସାରେ ଯୁବତୀଙ୍କ ସାବତ ମାଆ କଥାରେ ପଡି ତାଙ୍କ ବାପା ନିଜ କଲେଜ ପଢୁଆ ଝିଅକୁ ପିଟି ପିଟି ହତ୍ୟା କରିଦେଇଥିଲା । ପ୍ରମାଣ ଲୁଚାଇବାକୁ କିଛି ସମ୍ପର୍କୀୟଙ୍କ ସହ ପୋଡି ଦେଇଥିବା ହୋଇଥିଲା ଅଭିଯୋଗ । ଘଟଣା ନେଇ ମୃତ ଯୁବତୀଙ୍କ ବଡ ଭଉଣୀ ଗୋପ ଥାନାରେ ଏତଲା ଦେଇଥିଲେ । ସେ ବାହାରେ ଚାକିରୀ କରୁଥିବା ବେଳେ ନିଜ ସାନ ଭଉଣୀକୁ ପାଠ ପଢାଉଥିଲେ । ସେପଟେ ତାଙ୍କ ବାପା ଦ୍ୱିତୀୟ ବିବାହ କରିବା ପରଠାରୁ ସାବତ ମାଆ କଥାରେ ପଡି ବିଭିନ୍ନ ସମୟରେ ଉଭୟଙ୍କୁ ନିର୍ଯାତନା ଦେଉଥିଲେ । ତାଙ୍କ ସହିିତ ସାବତ ମାମୁଁ ମଧ୍ୟ ଶାରିରୀକ ମାନସିକ ନିର୍ଯାତନା ଦେଉଥିବା ଅଭିଯୋଗ କରିଛନ୍ତି ମୃତକଙ୍କ ଭଉଣୀ ।