ଭାରତର ଆତଙ୍କବାଦ ଲଢେଇକୁ ମିଳିବ ନୂଆଶକ୍ତି ! ଶପଥ ଗ୍ରହଣ ଅଭିଭାଷଣରେ ଟ୍ରମ୍ପ ଦେଲେ ସଂକେତ
କନକ ବ୍ୟୁରୋ: ଆମେରିକାର ନୂଆ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଶପଥଗ୍ରହଣର ଏକ ସିଧା ପ୍ରଭାବ ଭାରତ ଉପରେ ପଡିବାର ସମ୍ଭାବନା ରହିଛି । ଦଶନ୍ଧି ଦଶନ୍ଧି ଧରି ଭାରତର ଆତଙ୍କବାଦ ବିରୋଧି ଲଢେଇକୁ ଏକ ନୂଆ ଶକ୍ତି ମିଳିବାର ସମ୍ଭାବାନ ରହିଛି । କାରଣ ଟ୍ରମ୍ପ ତାଙ୍କ ପ୍ରଥମ ଅଭିଭାଷଣରେ କହିଛନ୍ତି, ସବୁ ସଭ୍ୟ ରାଷ୍ଟ୍ର ମାନଙ୍କୁ ଏକାଠି କରି ଇସାଲମୀୟ ଆତଙ୍କବାଦକୁ ମୂଳପୋଛ କରାଯିବ । ଏବଂ ଏହା ସତ ଯେ, ଇସାଲମୀୟ ଆତଙ୍କବାଦ ଦ୍ୱାରା ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଛି ଭାରତ ।
Kanak News is now on WhatsApp
Join and get latest news updates delivered to you via WhatsApp
ତେବେ ଉଲ୍ଲେଖନୀୟ କଥା ହେଉଛି, ଇସାଲମୀୟ ଆତଙ୍କବାଦ ଉପରେ ଟ୍ରମ୍ପଙ୍କ ଗୁରୁତ୍ୱାରୋପ ଭାରତ ଭଳି ରାଷ୍ଟ୍ର ପାଇଁ ବେଶ ଉପାଦେୟ ହେବ ବୋଲି ବିବେଚନା କରାଯାଉଛି ।
ଟ୍ରମ୍ପଙ୍କ ଶପଥ ଗ୍ରହଣ ଉତ୍ସବରେ ପୂର୍ବତନ ରାଷ୍ଟ୍ରପତି ବାରାକ ଓବାମା ଓ ପତ୍ନୀ ମିସେଲ ଓବାମା ମଧ୍ୟ ଉପସ୍ଥିତ ଥିଲେ । ଏଥିସହ ଆମେରିକାରେ ଏନ ନୂଆ ଯୁଗର ଆରମ୍ଭ ହୋଇଛି । ତେବେ ମୋଟାମୋଟି କହିବାକୁ ଗଲେ, ଟ୍ରମ୍ପଙ୍କ ଯୁଗ ପାକିସ୍ତାନ ଉପରେ ଭାରି ପଡିବାର ଅନେକ ସମ୍ଭାବନା ରହିଛି ଓ ଭାରତର ଆତଙ୍କବାଦ ବିରୋଧି ଅଭିଯାନକୁ ଏକ ବଡ ଶକ୍ତି ମଧ୍ୟ ମିଳିପାରେ ।