କନକ ବ୍ୟୁରୋ : ସାରା ରାଜ୍ୟରେ ଗତକାଲିଠାରୁ ପ୍ରବଳ ବର୍ଷାଲାଗି ରହିଛି । ରାଜ୍ୟର ସମସ୍ତ ଜିଲ୍ଲାରେ ପ୍ରବଳ ବର୍ଷା ହେବ ବୋଲି ପୂର୍ବରୁ ପାଣିପାଗ ବିଭାଗ ସୂଚନା ଦେଇଥିଲେ । ଗତରାତିରୁ ଆରମ୍ଭ ହୋଇଥିବା ବର୍ଷାରେ ରାଜଧାନୀ ଭୁଲନେଶ୍ୱର ସହ କଟକ ବେହାଲ ହୋଇପଡିଛି । ରାସ୍ତା ଉପରେ ପାଣିର ସୁଅ ଛୁଟୁଥିବା ବେଳେ ଅନେକ ଅଂଚଳରେ ଘର ଭିତରେ ନାଳ ନର୍ଦ୍ଦମା ପାଣି ପଶିବା ଫଳରେ ଲୋକମାନେ ନାହି ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ରୋଭର ଷ୍ଟ୍ରୀଟ୍, ସୂତାହାଟ, ପଟାପୋଲ, ରାଣୀହାଟ ଓ ଖଟବିନ୍ ସାହି ଇତ୍ୟାଦି ଅଂଚଳ ଜଳମଗ୍ନ ହୋଇପଡିଛି । ଫଳରେ ସାଧାରଣ ଜନଜୀବନ ଅସ୍ତବ୍ୟସ୍ତ ହୋଇପଡିଛି ।
Kanak News is now on WhatsApp
Join and get latest news updates delivered to you via WhatsApp
ଏପଟେ ପ୍ରବଳ ବର୍ଷା ହେବାରୁ ସରକାରଙ୍କ ପକ୍ଷରୁ କଟକର ସମସ୍ତ ସ୍କୁଲଓ କଲେଡକୁ ଛୁଟି ଘୋଷଣା କରାଯାଇଥିବା ସୂଚନା ମିଳିଛି । ତେବେ ସିଏମସି ପକ୍ଷରୁ ପାଣି ନିଷ୍କାସନ ପ୍ରକ୍ରିୟା ଆରମ୍ଭ ହୋଇଥିବା ସୂଚନା ମିଳିଛି । ସିଏମସି ଜଳ ନିଷ୍କାସନ କରୁଥିବା ସମୟରେ ପାଣି କମିନଥିବା ସୂଚନା ମିଳିଛି । ସହରରେ ଭାରି ବର୍ଷା ଲାଗି ରହିଥିବାରୁ ଏବଂ ଡ୍ରେନଜ ବ୍ୟବସ୍ଥା ସଠିକ ଭାବରେ ପରିଚାଳିତ ହୋଇନଥିବାରୁ ଅନେକ ଘରେ ପାଣିପଶିଥିବା ମଧ୍ୟ ଦେଖାଯାଇଛି । ସେପଟେ କତକ ସହରରେ ପାଣି ନିଷ୍କାସନ କରିବା ପାଇଁ ଜାୟିକା ପ୍ରକଳ୍ପ ଓ ଅନେକ ଡ୍ରେନେଜ ବ୍ୟବସ୍ଥା କରାଯାଇଛି । କିନ୍ତୁ ସେ ସମସ୍ତ ବ୍ୟବସ୍ଥା ଆଜି ଫେଲମାରିଥିବା ଦେଖିବାକୁ ମିଳିଛି । ତେବେ ଆଜି ଓ କାଲି ଅର୍ଥାତ୍ ୨୧ ଓ ୨୨ ତାରିଖରେ ୧୯ଟି ଜିଲ୍ଲାରେ ବର୍ଷା ହେବ ବୋଲି ପାଣିପାଗ ବିଭାଗ ଆଗୁଆ ସୂଚନା ଜାରି କରିଥିଲା । ପୁରୀ ଓ ଗଞ୍ଜାମ ଜିଲ୍ଲାର କେତେକ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହେବ ବୋଲି ଆଂଚଳିକ ପାଣିପାଗ ବିଭାଗ ଆକଳନ କରିଥିଲା ।