ଅଶାନ୍ତ ହୋଇପଡ଼ିଛି କାଶ୍ମୀର । ପୁଣିଥରେ ମାତିଛନ୍ତି ପଥର ଫିଙ୍ଗାଳୀ । ଜମ୍ମୁ-କାଶ୍ମୀରର ଗ୍ରୀଷ୍ମକାଳୀନ ରାଜଧାନୀ ଶ୍ରୀନଗରରେ ସିଆରପିଏଫ ଗାଡ଼ି ତଳେ ଚାପି ହୋଇ ଜଣେ କାଶ୍ମୀର ଯୁବକଙ୍କ ମୃତ୍ୟୁ ପରେ ତାତି ଉଠିଛନ୍ତି ପଥର ଫିଙ୍ଗାଳି । ଶୁକ୍ରବାର ଜାମା ମସଜିଦ୍ ନିକଟରେ ହୋଇଥିବା ଏହି ଦୁର୍ଘଟଣାରେ କେଶର ଅହମ୍ମଦ ନାମକ ଯୁବକ ଆହତ ହୋଇଥିଲେ । ଆଉ ଶନିବାର ହସ୍ପିଟାଲରେ ହିଁ ମୃତ୍ୟୁବରଣ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ସ୍ଥାନୀୟ ଲୋକଙ୍କ କହିବା ଅନୁଯାୟୀ, ନୋହଟା ଅଞ୍ଚଳରେ ସିଆରପିଏଫ ଗାଡ଼ି ତଳେ ଚାପି ହେବା ଯୋଗୁଁ କେଶର ଅହମ୍ମଦଙ୍କର ମୃତ୍ୟୁ ହୋଇଥିଲା । ଘଟଣା ଅନୁଯାୟୀ, ନମାଜ ପାଠ କରିବା ପରେ ଶୁକ୍ରବାର ଜାମା ମସଜିଦ୍ ନିକଟରେ କିଛି ଯୁବକ ବିକ୍ଷୋଭ ପ୍ରଦର୍ଶନ କରୁଥିବା ବେଳେ ଏହି ଗାଡ଼ିଟି ଘଟଣାସ୍ଥଳରେ ପହଞ୍ଚିଥିଲା । ଏପରିକି ବିକ୍ଷୋଭ ସମୟରେ ସୁରକ୍ଷାକର୍ମୀଙ୍କ ଏହି ଗାଡ଼ି ଯୁବକ ମାନଙ୍କୁ ଆଡ଼କୁ ମାଡ଼ି ଆସିଥିଲା । ଫଳରେ ଗାଡ଼ି ତଳେ ଚାପି ହୋଇ ଯୁବକଙ୍କ ମୃତ୍ୟୁ ହୋଇଥିବା ଅଭିଯୋଗ କରିଛନ୍ତି ସ୍ଥାନୀୟ ଲୋକ ।
ତେବେ ସିଆରପିଏଫ ଅଧିକାରୀଙ୍କ କହିବା ମୁତାବିକ ଏହି ଗାଡ଼ିଟି ଭୁଲ ରାସ୍ତାରେ ଯାଉଥିଲା । କିନ୍ତୁ ବିକ୍ଷୋଭ କରୁଥିବା ୫୦୦ରୁ ଅଧିକ ଯୁବକ ସୁରକ୍ଷାକର୍ମୀଙ୍କ ଗାଡ଼ି ଦେଖିବା ପରେ ଏହାକୁ ଘେରି ଯାଇଥିଲେ । ଏପରିକି ଭିଡ଼ ମଧ୍ୟରୁ କିଛି ଯୁବକ ଗାଡ଼ି ମଧ୍ୟରେ ଥିବା ସିଆରପିଏଫର ବରିଷ୍ଠ ଅଧିକାରୀଙ୍କୁ ବାହାରକୁ ଟାଣିବାକୁ ଚେଷ୍ଟା କରିଥିଲେ । ଏପରିକି ଗାଡ଼ିର କାଚ ମଧ୍ୟ ଭାଙ୍ଗି ଦେଇଥିଲେ । ଯେଉଁ ଅଞ୍ଚଳରେ ଏହି ଘଟଣାଟି ଘଟିଥିଲା ସେଠାରେ ନମାଜକୁ ଦୃଷ୍ଟିରେ ରଖି ପୋଲିସ ଫୋର୍ସଙ୍କୁ ସେଠାରେ ମୁତୟନ କରାଯାଇନଥିଲା । ତେବେ ସିଆରପିଏଫ ବିଭାଗ ଏବେ ଏହି ଘଟଣାର ଯାଞ୍ଚ କରୁଛି । ତେବେ ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି । ତେବେ ଏହାକୁ ରାଜନୈତିକ ରଙ୍ଗ ଦେବାକୁ ଆଦୌ ସୁଯୋଗ ହାତଛଡ଼ା କରିନାହାନ୍ତି ପୂର୍ବତନ ମୁଖ୍ୟମନ୍ତ୍ରୀ ଉମର ଅବଦୁଲ୍ଲା । ଏହି ଘଟଣାକୁ ଊମର ନିନ୍ଦା କରିବା ସହ ମୁଫତି ସରକାରଙ୍କୁ ଟାର୍ଗେଟ କରିଛନ୍ତି । ଉମର କହିଛନ୍ତି, ସିଜଫାୟାର ଅର୍ଥ ଗୁଳି ମାରିବା ନୁହେଁ ବରଂ ଜିପ୍ ବ୍ୟବହାର କରିବା ବୋଲି କହି ତାତ୍ସଲ୍ୟ କରିଛନ୍ତି । ପୂର୍ବରୁ ଜିପ ଉପରେ ବାନ୍ଧି ଗାଁ ଗାଁ ପରେଡ଼ କରାଯାଉଥିଲା କିନ୍ତୁ ଏବେ ସିଧା ଜିପ ଚଢ଼ାଇ ଦିଆଯାଉଛି ।