କନକ ବ୍ୟୁରୋ : ଥମିବାରେ ନା ନେଉ ନାହିଁ ଚୋରା ଗୋରୁଚାଲାଣ । ସାରା ଦେଶରେ ବର୍ତ୍ତମାନ ସମୟରେ ଚୋରା ଗୋରୁଚାଲାଣ କୁ ନେଇ ଚିନ୍ତାରେ ସରକାର । ଏପରି ଏହି ମାମଲାରେ ଅନେକ ହିଂସା ମଧ୍ୟ ଦେଶରେ ହେଉଛି । ତେବେ ଗତକାଲି ରାତିରେ ଆନ୍ଧ୍ର ପ୍ରଦେଶରୁ ଓଡିଶା ଦେଇ ପଶ୍ଚିମବଙ୍ଗକୁ ଗୋରୁ ଚାଲାଣ ହେଉଥିବା ଖବର ପାଇ ଥିଲା ପୋଲିସ । କଟକ ହାଡୀଆପଠାସ୍ଥିତ ଗୋଷଳାରେ ଆନିମଲ ଓଲଫେୟାର ବୋର୍ଡର ସଦସ୍ୟ ଓ ପୋଲିସଙ୍କ ଉପସ୍ଥିତିରେ ଗାଡିକୁ ଜବତ କରାଯାଇଥିଲା । ତେବେ ସେତେବେଳେ ଗାଡି ଭିତରେ ଥିବା ୫୦ ବାଛୁରୀଙ୍କର ମୃତ୍ୟୁ ହୋଇଥିବା କଥା ଜଣାପଡିଥିଲା । ଓଡିଶା ଦେଇ ବାରମ୍ବାର ଗୋରୁଚାଲାଣ ହେଉଛି ।
Kanak News is now on WhatsApp
Join and get latest news updates delivered to you via WhatsApp
କେଉଁଥି ପାଇଂ କେବଳ ଓଡିଶା ଦେଇ ଅତ୍ୟଧିକ ପରିମାଣରେ ଗୋରୁ ଚାଲାଣ ହେଉଛି ତାହାର ତଦନ୍ତ କରିବାର ଆବଶ୍ୟକ ବୋଲି ବୁଦ୍ଧିଜୀବି ମାନେ ମତ ପ୍ରକାଶ କରିଛନ୍ତି । ପୂର୍ବରୁ ଅନେକ ଥର ଏପରି ଗୋରୁଚାଲାଣ ହେଉଥିବା ବେଳେ ପୋଲିସ ତ କେତେବେଳେ ବଜରଙ୍ଗୀ ଦଳର କର୍ମୀମାନେ ଗାଡିକୁ ଜବତ କରୁଛନ୍ତି । ତେଣୁ ପରିସ୍ଥତି ଉତ୍ତେଜନା ପୂର୍ଣ୍ଣ ରହୁଛି । ତେଣୁ ଏପରି ସମ୍ବେଦନଶୀଳ ପ୍ରସଙ୍ଗରେ ପୂର୍ବରୁ ମଧ୍ୟ ସର୍ବୋଚ୍ଚ ନ୍ୟାୟାଳୟ ଚିନ୍ତା ପ୍ରକାଶ କରିବା ସହ ଏପରି ହିଂସା ରୋକିବା ପାଇଁ ସମସ୍ତ ରାଜ୍ୟ ସରକାର ଏକ କମିଚି ଗଠନ କରିବା ପାଇଂ କୋର୍ଚଟ କହିଥିଲେ । ତେବେ ଗତକାଲି ରାତିରେ ପୁଣି ଗୋରୁଚାଲାଣ ଟ୍ରକ ଜବତ ହୋଇଥିବାରୁ ଜାତୀୟ ରାଜପଥରେ ଜୋରଦାର ଗାଡି ଗୁଡିକ ଯାଞ୍ଚ କରିବା ପାଇଁ ସାଧାରଣରେ ଦାବି ହେଉଛି ।