କନକ ବ୍ୟୁରୋ: ମଧ୍ୟପ୍ରଦେଶ ପରେ କଂଗ୍ରେସର ଭାରତ ଯୋଡୋ ଯାତ୍ରାର ଆଗାମୀ ଗନ୍ତବ୍ୟସ୍ଥଳ ରାଜସ୍ଥାନ । ଏହାକୁ ନେଇ ପ୍ରସ୍ତୁତି ଜୋରଦାର ଜାରିରହିଛି । ତେବେ କିଛି ଦିନ ତଳେ ଦଳର ଭିତରେ ହିଁ ରାଜସ୍ଥାନକୁ ନେଇ ଯେଉଁଭଳି ମାହୋଲ ଥିଲା ତାକୁ ନେଇ ଚିନ୍ତାର ଦଳର ଶୀର୍ଷ ନେତୃତ୍ୱ । ତେବେ ନିକଟରେ ସିଏମ ଅଶୋକ ଗେହଲଟ ଏବଂ ସଚିନ ପାଇଲଟ ଏକ ବୈଠକରେ ସାମିଲ ହୋଇଥିଲେ । ଏହି ବୈଠକରେ ଉଭୟ ନେତାଙ୍କ ମଧ୍ୟରେ କୌଣସି ଆଲୋଚନା ହୋଇନଥିଲା । ଏଥିପାଇଁ ଆଶଙ୍କା ସୃଷ୍ଟି ହେଉଛି ଯେ ଉଭୟଙ୍କ ମଧ୍ୟରେ ସମ୍ପର୍କ ଠିକ୍ ନାହିଁ । ଭାରତ ଯୋଡୋ ଯାତ୍ରା ରାଜସ୍ଥାନରେ ପ୍ରବେଶ କରିବା ପୂର୍ବରୁ ଦଳର ବରିଷ୍ଠ ନେତା ଦଳୀୟ କନ୍ଦଳରେ ଲଗାମ ଲଗାଇବା ପାଇଁ ଚାହୁଁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଭାରତ ଯୋଡୋ ଯାତ୍ରା ରାଜସ୍ଥାନରେ ପହଞ୍ଚିବା ପୂର୍ବରୁ ସଂଗଠନର ମହାସଚିବ କେସି ବେଣୁଗୋପାଲ ସମସ୍ତ ପ୍ରସ୍ତୁତିର ଅନୁଧ୍ୟାନ ପାଇଁ ଜୟପୁର ଅଭିମୁଖେ ଯାଇଛନ୍ତି । ନଭେମ୍ବର ୨୯ରେ ଯାତ୍ରା କମିଟିର ବୈଠକ ଅନୁଷ୍ଠିତ ହେବ । ବୈଠକରେ ମୁଖ୍ୟମନ୍ତ୍ରୀ ଗେହଲଟ ଏବଂ ସଚିନ ପାଇଲଟ ମଧ୍ୟ ଉପସ୍ଥିତ ରହିବେ । ଡିସେମ୍ବର ୫ରେ ଭାରତ ଯୋଡୋ ଯାତ୍ରା ରାଜସ୍ଥାନରେ ପହଞ୍ଚିବ । ଦଳର ସମସ୍ତ ନେତା ଚାହୁଁଛନ୍ତି ସମସ୍ତ ନେତା ଓ କର୍ମୀ ଏହି ସମୟରେ ଏକ ହୋଇ କାମକରୁନ୍ତୁ । ଏହି ଯାତ୍ରା ଜରିଆରେ ସବୁ ଜିନିଷିରେ ବ୍ରେକ ଲାଗୁ ।