ଆଜି ସୋନିଆ ସେନାଙ୍କୁ ମିଳିବ ସେନାପତି : ମଲ୍ଲିକାର୍ଜୁନ ଖଡଗେ ନା ଶଶୀ ଥରୁର କିଏ ହେବେ କଂଗ୍ରେସ ସଭାପତି ? ଚାଲିଛି ଭୋଟ ଗଣତି
କନକ ବ୍ୟୁରୋ : କଂଗ୍ରେସ ସଭାପତି ପଦ ପାଇଁ ଭୋଟ୍ ଗଣତି ଚାଲିଛି । ମଲ୍ଲିକାର୍ଜୁନ ଖାଡଗେ ନହେଲେ ଶଶୀ ଥରୁର ହେବେ କଂଗ୍ରେସ ସଭାପତି । ୨୪ ବର୍ଷ ପରେ ଗାନ୍ଧୀ ପରିବାର ବାହାରେ ଜଣେ ନେତା ଦେଶର ସର୍ବ ପୁରାତନ ଦଳର ସଭାପତି ଭାବରେ ନିର୍ବାଚିତ ହେବେ ।
Kanak News is now on WhatsApp
Join and get latest news updates delivered to you via WhatsApp
ସ୍ୱାଧୀନତା ପରଠୁ ୧୭ ସଭାପତି
ଭାରତ ସ୍ୱାଧୀନ ପରଠୁ ୧୭ ଜଣ କଂଗ୍ରେସର ନେତୃତ୍ୱ ନେଇଛନ୍ତି
ସେହି ୧୭ ସଭାପତିଙ୍କ ମଧ୍ୟରୁ ଗାନ୍ଧୀ ପରିବାରର ୫ ଜଣ
୧୯୪୮- ସୀତାରମେୟା ଏଆଇସିସି ମୁଖ୍ୟ ହୋଇଥିଲେ
ସୀତାରମେୟା ୧୯୪୮ରୁ ୧୯୪୯ ଯାଏଁ ଦାୟିତ୍ୱରେ ରହିଥିଲେ
୧୯୫୦- ପୁରୁଷୋତମ ଟଣ୍ଡନ ହେଲେ କଂଗ୍ରେସ ଅଧ୍ୟକ୍ଷ
୧୯୫୧- ଜବାହାରଲାଲ ନେହେରୁ କଂଗ୍ରେସ ଅଧ୍ୟକ୍ଷ ଦାୟିତ୍ୱ ଗ୍ରହଣ କରିଥିଲେ
୧୯୫୧ରୁ ୧୯୫୫ ଯାଏଁ କଂଗ୍ରେସ ମୁଖ୍ୟ ଦାୟିତ୍ୱରେ ଥିଲେ ନେହେରୁ
୧୯୫୫- ୟୁଏନ ଧେବର ଦଳର ଭାର ସମ୍ଭାଳିଥିଲେ
୧୯୫୯- ଇନ୍ଦିରା ଗାନ୍ଧୀ ଦଳର ସଭାପତି ହୋଇଥିଲେ
୧୯୬୦- ଏନଏସ ରେଡ୍ଡି କଂଗ୍ରେସ ସଭାପତି ହୋଇଥିଲେ
୧୯୬୦ରୁ ୬୩ ଯାଏଁ ଦଳର ଦାୟିତ୍ୱ ତୁଲାଇଥିଲେ ଏନଏସ ରେଡ୍ଡୀ
୧୯୬୪-୬୭- କେ କାମରାଜ କଂଗ୍ରେସ ନେତୃତ୍ୱ ଗ୍ରହଣ କରିଥିଲେ
୧୯୬୮-୬୯- ଏସ୍ ନିଜଲିଙ୍ଗପ୍ପା କଂଗ୍ରେସ ଅଧ୍ୟକ୍ଷ ହୋଇଥିଲେ
୧୯୭୦-୭୧ ଜଗଜୀବନ ରାମ ଦଳର ନେତୃ୍ତ୍ୱ ନେଇଥିଲେ
୧୯୭୨-୭୪ – ଡକ୍ଟର ଶଙ୍କର ଦୟାଲ ଶର୍ମା ସଭାପତି ଦାୟିତ୍ୱରେ ରହିଥିଲେ
୧୯୭୫-୭୭- ଦେବକାନ୍ତ ବରୁଆ ଦଳର ମଙ୍ଗ ସଭାଳିଥିଲେ
୧୯୭୭-୭୮- କେ ବ୍ରହ୍ମାନନ୍ଦ ହୋଇଥିଲେ କଂଗ୍ରେସ ଅଧ୍ୟକ୍ଷ
୧୯୭୮-୧୯୮୪- ଇନ୍ଦିରା ଗାନ୍ଧୀ ପୁଣି କଂଗ୍ରେସ ସଭାପତି ହୋଇଥିଲେ
୧୯୮୫-୯୧- ରାଜୀବ ଗାନ୍ଧୀ ସଭାପତି ଦାୟିତ୍ୱ ତୁଳାଇଥିଲେ
୧୯୯୨-୯୬- ପିଭି ନରସିଂହ ରାଓ ସଭାପତି ହୋଇଥିଲେ
୧୯୯୬-୯୮- ସୀତାରାମ କେଶରୀ ଦଳର ସଭାପତି ହୋଇଥିଲେ
୧୯୯୮-୨୦୧୭- ସୋନିଆ ଗାନ୍ଧୀ ସଭାପତି ଦାୟିତ୍ୱ ତୁଲାଇଥିଲେ
୨୦୧୭-୧୯- ରାହୁଲ ଗାନ୍ଧୀ ଦଳର ମଙ୍ଗ ସମ୍ଭାଳିଥିଲେ
୨୦୧୯ରୁ ସୋନିଆ ଗାନ୍ଧୀ ଅନ୍ତରୀଣ ସଭାପତି ଦାୟିତ୍ୱରେ ଅଛନ୍ତି
ଖଡଗେ ହେବେ କି ମୁଖିଆ ?
ସଭାପତି ରେସରେ ମଲ୍ଲିକାର୍ଜୁନ ଖଡଗେଙ୍କ ପଲଡା ଭାରି ରହିଛି । ଗାନ୍ଧୀ ପରିବାରର ଘନିଷ୍ଟ ଓ ବରିଷ୍ଠ ନେତାଙ୍କ ସମର୍ଥନ ରହିଛି । ସେ୨୦୨୧ରୁ ରାଜ୍ୟସଭାରେ ବିରୋଧୀ ଦଳ ନେତା ଥିଲେ ।
୨୦୧୪-୧୯ ଲୋକସଭାରେ କଂଗ୍ରେସ ନେତା ଦାୟିତ୍ୱ ତୁଳାଇଥିଲେ । କର୍ଣ୍ଣାଟକର ଗୁଲବର୍ଗରୁ ଲୋକଭାସକୁ ନିର୍ବାଚିତ ହୋଇଥିଲେ । ବିଜେପି ପ୍ରାର୍ଥୀଙ୍କୁ ୭୩,୦୦୦ରୁ ଅଧିକ ଭୋଟରେ ପରାସ୍ତ କରିଥିଲେ । ଲଗାତାର ୧୦ଥର ନିର୍ବାଚନ ଜିଣିଥିବା ରେକର୍ଡ ରହିଛି । କର୍ଣ୍ଣାଟକ ଅନୁସୂଚିତ ଜାତିର ସାଂସଦ । ତେବେ ଖଡଗେ ୪୦ ବର୍ଷ ବିଧାୟକ ଓ ୫ ବର୍ଷ ସାଂସଦ ରହିଛନ୍ତି । ବିଭିନ୍ନ ବିଧାନସଭା ଆସନରୁ ଲଗାତାର ୯ ଥର ବିଜୟ ହୋଇଥିଲେ । ୨୦୦୫ରେ କର୍ଣ୍ଣାଟକ କଂଗ୍ରେସ ଅଧ୍ୟକ୍ଷ ହୋଇଥିଲେ । ଗୁଲବର୍ଗରେ ପ୍ରାଥମିକରୁ ଆଇନରେ ସ୍ନାତକ ହାସଲ କରିଛନ୍ତି ।
୧୯୬୯ – ଏମଏସକେ ମିଲ କର୍ମଚାରୀ ସଂଘର ଆଇନ ପରାମର୍ଶ ଦାତା । ୧୯୭୨ରେ ପ୍ରତ୍ୟ କ୍ଷ ରାଜନୀତିକୁ ଓହ୍ଲାଇଥିଲେ ମଲ୍ଲିକାର୍ଜୁନ ଖଡଗେ । ଗୁରମିତକଲ ବିଧାନସଭା ଆସନରୁ ଖଡଗେ ବିଜୟୀ ହୋଇଥିଲେ ।
ଶଶି ହେବେ କି ସଭାପତି ?
ଦଳର ଯୁବନେତାଙ୍କ ସମର୍ଥନ ମିଳିଥିବା କୁହାଯାଉଛି । ଦଳକୁ ମଜବୁତ କରିବାକୁ ଥରୁର ନାରା ଦେଇଛନ୍ତି । କଂଗ୍ରେସରେ ବହୁ ଗୁରୁତ୍ୱପୂର୍ଣ୍ଣ ଦାୟିତ୍ୱ ତୁଳାଇଛନ୍ତି । ୨୦୦୯ରେ ପ୍ରଥମ ନିର୍ବାଚନ ଲଢି ଲୋକସଭାକୁ ଆସିଥିଲେ । ତିରୁଅନନ୍ତପୁରମ ଆସନରୁ ନିର୍ବାଚିତ ହୋଇଥିଲେ । ଜାତିସଂଘରେ ୨୯ ବର୍ଷ ଭାରତର ପ୍ରତିନିଧିତ୍ୱ କରିଛନ୍ତି । ବିଦେଶ ବ୍ୟାପରରେ ଥରୁରଙ୍କ ଅଭିଜ୍ଞତା ରହିଛି । ଭାରତ ସରକାରଙ୍କ ବିଦେଶ ରାଷ୍ଟ୍ରମନ୍ତ୍ରୀ ଭାବେ କାମ କରିଛନ୍ତି ।