କନକ ବ୍ୟୁରୋ : ସଂସଦ ସଦସ୍ୟତା ରଦ୍ଦ ହେବା ପରେ ଶନିବାର ଦିନ ସରକାରୀ ବଙ୍ଗଳା ଖାଲି କରିଛନ୍ତି କଂଗ୍ରେସର ପୂର୍ବତନ ସାଂସଦ ରାହୁଲ ଗାନ୍ଧୀ । ଏହାସହ ତୁଗଲକ ଲେନରେ ଥିବା ବଙ୍ଗଳା ଖାଲି କରି ସେ ଏହାର ଚାବି ଅଧିକାରୀଙ୍କୁ ଦେଇଛନ୍ତି । ଗତ ୧୯ବର୍ଷ ଧରି ସେ ସେହି ଘରେ ରହୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ବଙ୍ଗଳା ଖାଲି କରିବା ପରେ ରାହୁଲ ଗାନ୍ଧୀ କହିଛନ୍ତି କି ସତ୍ୟ କହିବାରୁ ତାର ମୂଲ୍ୟ ଦେବାକୁ ପଡିଛି । ଏହାସହ ହିନ୍ଦୁସ୍ତାନର ଜନତା ତାଙ୍କୁ ୧୯ ବର୍ଷ ଧରି ରହିବାକୁ ଘର ଦେଇଥିବାରୁ ସେ ଦେଶବାସୀଙ୍କୁ କୃତଜ୍ଞତା ଜଣାଇଛନ୍ତି ।
ସେପଟେ ରାହୁଲ ଗାନ୍ଧୀଙ୍କ ଭଉଣୀ ତଥା କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ କହିଛନ୍ତି କି, ମୋ ଭାଇ ଯାହା କହିଛନ୍ତି ତାହା ସତ୍ୟ, ସେ ସରକାରଙ୍କ ବିରୋଧରେ କହିବାରୁ ଏଭଳି ଘଟିଲା, ସେ ଅଦମ୍ୟ ସାହାସର ଅଧିକାରୀ ଓ ମୁଁ ତାଙ୍କ ସହିତ ରହିଛି ବୋଲି ପ୍ରିୟଙ୍କା କହିଛନ୍ତି ।
ସୂତ୍ର ସୂଚନା ମୁତାବକ ସରକାରୀ ବଙ୍ଗଳା ଖାଲି କରିବା ପରେ ଏବେ ରାହୁଲ ଗାନ୍ଧୀ ତାଙ୍କ ମା ତଥା କଂଗ୍ରେସ ସଂସଦୀୟ ଦଳର ଅଧ୍ୟକ୍ଷା ସୋନିଆ ଗାନ୍ଧୀଙ୍କ ସହ ୧୦-ଜନପଥ ସ୍ଥିତ ଆବାସରେ ରହିବେ । ସୂଚନା ଥାଉକି ସରକାରୀ ବଙ୍ଗଳା ଖାଲି କରିବା ପୂର୍ବରୁ ଏପ୍ରିଲ ୧୪ ତାରିଖରେ ରାହୁଲ ଗାନ୍ଧୀ ତାଙ୍କର କିଛି ନିତ୍ୟାବଶକୀୟ ସାମଗ୍ରୀ ସୋନିଆ ଗାନ୍ଧୀଙ୍କ ଆବାସକୁ ନେଇଯାଇଥିଲେ ।