ଚୀନର ନୂଆ ଷଡଯନ୍ତ୍ର ! ଭାରତରେ ଅଶାନ୍ତି ସୃଷ୍ଟି ପାଇଁ ଉଗ୍ରବାଦୀଙ୍କୁ କରୁଛି ହତିଆର
କନକ ବ୍ୟୁରୋ : ଚୀନର ନୂଆ ଷଡଯନ୍ତ୍ର । ଭାରତରେ ଅଶାନ୍ତି ସୃଷ୍ଟି କରିବା ପାଇଁ ଚୀନ ଏଥର ଉଗ୍ରବାଦୀଙ୍କୁ ହତିଆର କରୁଛି । ଅରୁଣାଚଳପ୍ରଦେଶ ସକ୍ରିୟ ଥିବା ଏନଏସସିଏନ ଉଗ୍ରବାଦୀ ସଂଗଠନକୁ ଚୀନ ଅସ୍ତ୍ର ଯୋଗାଉଥିବା ସୂଚନା ମିଳିଛି । ଉଗ୍ରବାଦୀ ସଂଗଠନ ସହ ଚୀନ ସେନା ପିଏଲଏର ଇଂଟଲିଜେନ୍ସ ୱିଙ୍ଗସ ସିଧା ସର୍ମ୍ପକରେ ରହିବା ସହ ସବୁ ପ୍ରକାର ସହାୟତା କରୁଛନ୍ତି । ଏହାଛଡା ଅରୁଣାଚଳପ୍ରଦେଶର ଏକ ଦୁର୍ଗମ ଗାଁରେ ଚୀନ ଏକ ଶିବିରରେ ଉଗ୍ରବାଦୀଙ୍କୁ ପ୍ରଶିକ୍ଷଣ ଦେଉଥିବା ମଧ୍ୟ ଜଣାପଡିଛି । ନୂଆ ଉଗ୍ରବାଦୀ ସଂଗଠନ ଚୀନର ଷଡଯନ୍ତ୍ରକୁ ଆଗକୁ ବଢାଇ, ପଶ୍ଚିମ ବଙ୍ଗ, ଝାଡଖଣ୍ଡ, ଓଡିଶା ଓ ଛତିଶଗଡର ନକ୍ସଲ ସଂଗଠନକୁ ଅର୍ଥ ଓ ଅସ୍ତ୍ରଶସ୍ତ୍ର ଯୋଗାଇ ଶକ୍ତିଶାଳୀ କରୁଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଏପଟେ ଶୀଘ୍ର ଡୋକାଲାମ ବିବାଦର ସମାଧାନ ଆସିବ ବୋଲି ଭାରତର ଗୃହମନ୍ତ୍ରୀ ରାଜନାଥ ସିଂହ କରିଥିବା ଆଶାକୁ ବେକାର କହିଛି ଚୀନ । ଚୀନର ବିଦେଶ ମନ୍ତ୍ରାଳୟ ପ୍ରବକ୍ତା ହୁଆ ଚୁନିୟାଙ୍ଗ କହିଛନ୍ତି, ବିବାଦର ସମାଧାନ ପାଇଁ ଭାରତ ସେନା ନିସର୍ତ୍ତର୍ ନିଜ ଜିନିଷ ପତ୍ର ସହ ଡୋକଲାମ ଛାଡିଦେବା ଉଚିତ୍ । କାରଣ ଭାରତୀୟ ଯବାନ ଅବୈଧ ଭାବେ ସୀମା ପାର କରିଥିବା ଚୁନିୟାଙ୍ଗ କହିଛନ୍ତି । ହୁଆ ଚୁନିୟାଙ୍ଗ କହିଛନ୍ତି, ଭାରତ ଡୋକଲାମରେ ଚୀନର ସଡକ ନିର୍ମାଣ ରୋକିବା ନେଇ ହାସ୍ୟାସ୍ପଦ ତର୍କ ଓ କୁଟନୈତିକ ଚାଲ । ପୂର୍ବରୁ ରାଜନାଥ ସିଂହ କହିଥିଲେ ଡୋକଲାମ ବିବାଦର ଅଚଳାବସ୍ଥା ଦୁର କରିବା ପାଇଁ ଚୀନ ସକରାତ୍ମକ ପଦକ୍ଷେପ ଉଠାଇବ । ଏବଂ ଶୀଘ୍ର ଡୋକଲାମ ବିବାଦର ସମାଧାନ ହେବ ।
ଅନ୍ୟପଟେ ଆତଙ୍କବାଦଙ୍କୁ ନେଇ ଆମେରିକା ରାଷ୍ଟ୍ରପତି ପାକିସ୍ତାନକୁ କଡା ଚେତାବନୀ ଦେଇଛନ୍ତି । ଟ୍ରଂପଙ୍କ ଏହି ବୟାନକୁ ଖଣ୍ଡନ କରି ପାକିସ୍ତାନ ପାଇଁ ଓକିଲାତି ଆରମ୍ଭ କରିଛି ଚୀନ । ଚୀନର ବିଦେଶ ମନ୍ତ୍ରାଳୟର ପ୍ରବକ୍ତା ହୁଆ ଚୁନୟାଙ୍ଗ କହିଛନ୍ତି, ପାକିସ୍ତାନ ଆତଙ୍କବାଦ ବିରୋଧରେ ଲଢେଇ କରୁଛି । ହୁଆ ଚୁନୟାଙ୍ଗ କହିଛନ୍ତି, ଆମେରିକା ଏସିଆ ନୀତି ଅନୁସାରେ ଅଂଚଳର ସ୍ଥିରତା ଓ ଶାନ୍ତି ପାଇଁ କାମ କରିବ ବୋଲି ଆଶା କରାଯାଇଛି । ଟ୍ରଂପ ପାକିସ୍ତାନ ଉପରେ ଆତଙ୍କବାଦୀଙ୍କୁ ଶରଣ ଦେଉଥିବା ଅଭିଯୋଗ କରିଛନ୍ତି । ଟ୍ରଂପ ଏହା ମଧ୍ୟ ଦେଖିବା ଉଚିତ ଖୋଦ ପାକିସ୍ତାନ ଆତଙ୍କବାଦରେ ଜର୍ଜରିତ । ଆତଙ୍କବାଦ ବିରୋଧରେ ଲଢେଇ ପାକିସ୍ତାନ ବହୁତ ବଳିଦାନ ଦେଇଛି ବୋଲି ଚୀନ କହିଛି ।