ବନ୍ୟା ପାଇଁ ଓଡ଼ିଶାକୁ ଦୋଷ ଦେଲା ଛତିଶଗଡ଼ : ଜଳ ନିଷ୍କାସନ କରୁନଥିବାରୁ ବନ୍ୟାସ୍ଥିତି ଉପୁଜିଥିବା ଅଭିଯୋଗ
କନକ ବ୍ୟୁରୋ : ବନ୍ୟା ପାଇଁ ଓଡ଼ିଶାକୁ ଦୋଷ ଦେଲା ଛତିଶଗଡ଼ । ଓଡ଼ିଶା ହୀରାକୁଦ ଡ୍ୟାମରୁ ଆବଶ୍ୟକ ଜଳ ନିଷ୍କାସନ କରୁନଥିବାରୁ ବନ୍ୟାସ୍ଥିତି ଉପୁଜିଥିବା ଅଭିଯୋଗ କଲା ଛତିଶଗଡ଼ । ଛତିଶଗଡ଼ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ଏନେଇ ଏକ ବୁଲେଟିନ୍ ଜାରି ହୋଇଛି । ଯେଉଁଥିରେ ଏନେଇ ଅଭିଯୋଗ କରାଯାଇଛି । କୁହାଯାଇଛି ହୀରାକୁଦ ଜଳଧାରଣ କ୍ଷମତାରୁ ଛଡ଼ା ଯାଉଛି ମାତ୍ର ଅଧାପାଣି ।
Kanak News is now on WhatsApp
Join and get latest news updates delivered to you via WhatsApp
#ଓଡ଼ିଶାକୁ_ଦୋଷ_ଦେଲା_ଛତିଶଗଡ଼
ବନ୍ୟା ପାଇଁ ଓଡ଼ିଶାକୁ ଦୋଷ ଦେଲା ଛତିଶଗଡ଼ । ଜଳ ନିଷ୍କାସନ କରୁନଥିବାରୁ ବନ୍ୟା ହୋଇଥିବା ଅଭିଯୋଗ #KanakNews #Odisha #Chhattisgarh pic.twitter.com/PNP0WRksAm— Kanak News (@kanak_news) August 16, 2022
ବର୍ତ୍ତମାନ ସୁଧା ପ୍ରାୟ ୪ଲକ୍ଷ ୫୦ ହଜାର କ୍ୟୁସେକ ଜଳ ନିଷ୍କାସନ ହୋଇଛି । ଏହା ଦ୍ୱାରା ଛତିଶଗଡ଼ରେ ଜାଞ୍ଜଗିରି ଚାମ୍ପା ଓ ରାୟଗଡ଼ରେ ବନ୍ୟାସ୍ଥିତି ସଙ୍ଗୀନ ହେବାରେ ଲାଗିଛି । ଏନେଇ ହୀରାକୁଦ ଡ୍ୟାମର କର୍ତ୍ତୃପକ୍ଷଙ୍କ ସହ ଆଲୋଚନା ହୋଇଥିଲା । ଏହା ପରେ ହୀରାକୁଦରୁ ପାଣି ଛଡ଼ାଯିବା ନେଇ ସହମତି ପ୍ରକାଶ କରିଥିବା ଛତିଶଗଡ଼ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ଦିଆଯାଇଛି ।