ପିପଲି ବୀରପୁରୋଷୋତ୍ତମପୁର ଷ୍ଟେସନ ନିକଟରେ ଆଟାଚ୍ ବୋମା ଗୁଜବ : ଟ୍ରେନ ଚଳାଚଳା ବାଧାପ୍ରାପ୍ତ
କନକ ବ୍ୟୁରୋ : ପିପଲି ବୀରପୁରୋଷୋତ୍ତମପୁର ଷ୍ଟେସନ ନିକଟରେ ଆଟାଚ୍ ବୋମା ଗୁଜବ । ରେଳ ଲାଇନ କଡରେ ଆଟାଚଟି ପଡିଥିବାରୁ ସେଥିରେ ବୋମା ଥିବା ନେଇ ସନ୍ଦେହ ହୋଇଥିଲା । ତାପରେ ଷ୍ଟେସନର ଉଭୟ ପାଶ୍ୱର୍ରେ ୫ଟି ଟ୍ରେନ୍ ଅଟକି ରହିଥିଲା । ତେବେ ସାଇଣ୍ଟିଫିକ୍ ଟିମ୍ ପହଁଚି ଆଟାଚ୍ ଖୋଲିବା ପରେ ସେଥିରୁ କିଛି ବାହାରିନଥିଲା ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଆଜି ସକାଳେ ପୁରୀ ନିକଟସ୍ଥ ବୀରପୁରୁଷୋତ୍ତମପୁର ରେଳବାଇ ଗେଟ୍ ନିକଟସ୍ଥ ରେଳେଓ୍ଵ ଟ୍ରାକ୍ରେ ଏକ ଆଟାଚ୍ରେ ବିଦ୍ୟୁତ ତାର ଓ ଏକ ପ୍ଲାଷ୍ଟିକ୍ ଡବା ସଂଯୁକ୍ତ ହୋଇ ପଡ଼ିଥିବାର ଦେଖି ରେଳବାଇ ପୁଲିସକୁ କେତେକ ଲୋକ ଜଣାଇଥିଲେ । ଏହି ଆଟାଚ୍ରେ ବୋମା ଥିବା ନେଇ ସନ୍ଦେହ ହେବାରୁ ସଙ୍ଗେ ସଙ୍ଗେ ଏହି ରୁଟରେ ରେଳ ଚଳାଚଳକୁ ବନ୍ଦ କରି ଦିଆଯାଇଥିଲା । ଫଳରେ ବୀରପୁରୁଷୋତ୍ତମପୁର ନିକଟରେ ପୁରୀ- ଓଖା ଟ୍ରେନ ଓ ମେମୁ ଟ୍ରେନ ଅଟକି ଥିବା ବେଳେ ଡେଲାଙ୍ଗ ଷ୍ଟେସନରେ ପୁରୀ- ଅନୁଗୁଳ ଟ୍ରେନ୍ ଅଟକି ରହିଥିଲା ।
ସେହିପରି ସାକ୍ଷୀଗୋପାଳ ନିକଟରେ ନୀଳାଚଳ ଟ୍ରେନ୍ ସହିତ ଅନ୍ୟ ଏକ ଟ୍ରେନ ମଧ୍ୟ ଅଟକି ରହିଥିଲା । ଏହାକୁ ନେଇ ଆତଙ୍କଜନକ ପରିସ୍ଥିତି ସୃଷ୍ଟି ହୋଇଥିବା ବେଳେ ଡଗ୍ ସ୍କ୍ଵାଡ୍ ସହାୟତାରେ ଏହି ଆଟାଚ୍ରେ ବୋମା ଅଛି କିମ୍ବା ନାହିଁ ତାର ତଦାରଖ ପାଇଁ ରେଳବାଇ ପୁଲିସ ଓ ସୁରକ୍ଷା ଅଧିକାରୀମାନେ ପହଞ୍ଚିଥିଲେ । ଜିଆରପି ଓ ଅନ୍ୟ ପୁଲିସ ଅଧିକାରୀମାନେ ଘଟଣାସ୍ଥଳରେ ଡଗ୍ ସ୍କ୍ଵାଡ୍ ସହିତ ପହଞ୍ଚି ତଦନ୍ତ କରିବା ପରେଏହା ଏକ ନକଲି ବାମା ବୋଲି ଜଣାପଡ଼ିଥିଲା । ପରେ ଟ୍ରେନ୍ ଚଳାଚଳ ସ୍ୱାଭାବିକ ହୋଇଛି ।