୨୦୨୪ ପାଇଁ ବିଜେପିର ମାଷ୍ଟରପ୍ଲାନ: କାହାକୁ ମିଳିବ ଟିକେଟ, କାହାର କଟିବ ଟିକେଟ, ତାକୁ ନେଇ ଦଳର ମାନସ ମନ୍ଥନ
କନକ ବ୍ୟୁରୋ: ୨୦୨୪ ନିର୍ବାଚନ ପାଇଁ ବିଜେପି ତାର ରଣନୀତି ତିଆରି ଆରମ୍ଭ କରିଛି । ଯେଉଁଥିରେ ଯୁବ ବର୍ଗଙ୍କୁ ପ୍ରାଧାନ୍ୟ ଦିଆଯିବା ଉପରେ ଗୁରୁତ୍ୱାରୋପ କରିଛି ଦଳ । ସୂଚନା ଅନୁସାରେ ଦୁଇ ଥର ଲୋକସଭା ନିର୍ବାଚନ ଲଢିଥିବା ଚେହେରାଙ୍କୁ ସଂଗଠନ ଦାୟିତ୍ୱ ନୂଆ ପ୍ରାର୍ଥୀଙ୍କୁ ସୁଯୋଗ ଦେବାକୁ ବିଚାର କରୁଛି ଦଳଳ । ସେହିଭଳି ସାମାଜିକ, ଅର୍ଥନୈତିକ ଓ ବିଜ୍ଞାନ କ୍ଷେତ୍ରରେ ପାରଦର୍ଶିତା ଅର୍ଜନ କରିଥିବା ବ୍ୟକ୍ତିବିଶେଷଙ୍କୁ ରାଜ୍ୟସଭା ପଠାଇବାକୁ ଚିନ୍ତା କରୁଛି ବିଜେପି ।
Kanak News is now on WhatsApp
Join and get latest news updates delivered to you via WhatsApp
ଲୋକସଭା ନିର୍ବାଚନକୁ ଦୃଷ୍ଟିରେ ରଖି ବିଜେପି ନୂଆ ଫର୍ମୂଲା ଉପରେ କାମ କରୁଛି ।ଦଳରେ ଥିବା ସାଂସଦମାନଙ୍କ ଟିକେଟ କାଟିବାଠାରୁ ଆରମ୍ଭ କରି ନୂଆ ଚେହେରାଙ୍କ ସୁଯୋଗ ଦେବା ପର୍ଯ୍ୟନ୍ତ ସବୁ ଦିଗରେ ଚାଲିଛି ମାନସମନ୍ଥନ । ଚର୍ଚ୍ଚା ହେଉଛି ଏଥରକ ନିର୍ବାଚନରେ-
-ବିଜେପି ୧୫୦ ନୂଆ ପ୍ରାର୍ଥୀଙ୍କୁ ଟିକେଟ ଦେଇପାରେ
-୨ଥରରୁ ଅଧିକ ଜିତିଥିବା ସାଂସଦଙ୍କ ଟିକେଟ କଟାଯାଇପାରେ
-ସେମାନଙ୍କୁ ସଂଗଠନର ଦାୟିତ୍ୱ ମିଳିପାରେ
-ଯୁବ ପ୍ରତିନିଧି ସଂଖ୍ୟା ବଢ଼ାଇବା ଉପରେ ଗୁରୁତ୍ୱ
-ଦୁଇଥରରୁ ଅଧିକ ନମିଳିପାରେ ରାଜ୍ୟସଭା ଟିକେଟ
ଦେଶରେ ୬୫%ରୁ ଅଧିକ ଲୋକ ଯୁବ ବର୍ଗର । ତେଣୁ ବିଜେପି ସେମାନଙ୍କ ପ୍ରତିନିଧିତ୍ୱ ବୃଦ୍ଧି ଚାହୁଁଛି । ତେଣୁ ସମସ୍ତଙ୍କୁ ସୁଯୋଗ ଦେବାକୁ ଯାଇ ଏଣିକି ୨ରୁ ୩ଥରରୁ ଅଧିକ ଲୋକସଭା ପ୍ରତିନିଧିତ୍ୱ ଉପରେ ରୋକ ଲଗାଇବାକୁ ଚାହୁଁଛି ।
ବିଜେପିର ସବୁଠୁ ଅଧିକ ସାଂସଦଙ୍କ ବୟସ ୬୦ରୁ ୮୦ବର୍ଷ ମଧ୍ୟରେ ରହିଛି । ୮୦ରୁ ୯୦ବର୍ଷ ବୟସର ଦୁଇଜଣ ସାଂସଦ, ୭୦ରୁ ୮୦ବର୍ଷ ବୟସର ୪୧ଜଣ । ୬୦ରୁ ୭୦ ବର୍ଷ ବୟସର ୧୧୦ଜଣ । ୫୦ରୁ ୬୦ବର୍ଷ ବୟସର ୧୦୨ଜଣ । ୪୦ରୁ ୫୦ବର୍ଷ ବୟସର ୪୭ ଜଣ । ୩୦ରୁ ୪୦ବର୍ଷ ବୟସର ୧୩ଜଣ ସାଂସଦ ରହିଛନ୍ତି । ଲୋକସଭାରେ ବିଜେପିର ୧୩୭ଜଣ ସଦସ୍ୟ ପ୍ରଥମ ଥର ଓ ୯୭ଜଣ ଦ୍ୱିତୀୟ ଥର ପାଇଁ ଜିତିଛିନ୍ତି ।
କେବଳ ବୟସ କିମ୍ବା ସଂଖ୍ୟାକୁ ବିଜେପି ଫୋକସ କରୁନି ବଂର ସେମାନଙ୍କ ଜ୍ଞାନ ଓ ପ୍ରତିଭାକୁ ମଧ୍ୟ ଦଳ ଗୁୁରୁତ୍ୱ ଦେଉଛି । ତେଣୁ ରାଜ୍ୟସଭାରେ ୮୦% ଏଭଳି ସଦସ୍ୟଙ୍କୁ ପଠାଇବାକୁ ଯୋଜନା କରାଯାଉଛି ଯେଉଁମାନଙ୍କ ନିକଟରେ ଆଇନ,ଚିକିତ୍ସା,ବିଜ୍ଞାନ, କଳା, ଆର୍ଥିକ, କୌଶଳ, ପରିବେଶ,ଭାଷାରେ ବିଶେଷ ଜ୍ଞାନ ରହିଛି ।
ବର୍ତମାନ ଲୋକସଭାରେ ସାଂସଦଙ୍କ ହାରାହାରି ବୟସ ୫୪ ବର୍ଷ ରହିଛି । ୫୩% ସାଂସଦଙ୍କର ବୟସ ୨୫ରୁ ୫୫ବର୍ଷ ଭିତରେ ରହିଛି । ଆଗାମୀ ଦିନରେ ବୟସ ସଂଖ୍ୟାକୁ ଗୁରୁତ୍ୱ ଦେଇ ହୁଏତ ଦଳ ୪୧ରୁ ୫୫ବର୍ଷ ବୟସର ଚେହେରାଙ୍କୁ ଟିକେଟ ଦେଇପାରେ । ସେହିପରି ୨୫ରୁ ୪୦ବର୍ଷ ବର୍ଷ ବୟସକଙ୍କୁ ପୁଣି ଥରେ ମିଳିପାରେ ଟିକେଟ ।
ଦଳରେ ଏମିତି କିଛି ଚେହେରା ରହିଛନ୍ତି ଯେଉଁମାନେ ଥରେ କି ଦୁଇଥର ନୁହେଁ ଲଗାତାର ୩ରୁ ୮ଥର ସଂସଦ ପାଇଁ ଟିକେଟ ପାଇଛନ୍ତି । ଏମାନଙ୍କ ମଧ୍ୟରେ ମେନେକା ଗାନ୍ଧୀ, ସନ୍ତୋଷ ଗଙ୍ଗୱାର, ବିରେନ୍ଦ୍ର କୁମାରଙ୍କ ପରି ଚେହେରା ରହିଛନ୍ତି । ତେଣୁ ଏମାନଙ୍କୁ ପରବର୍ତୀ ସମୟରେ ସୁଯୋଗ ଦେବା ନେଇ ଚିନ୍ତା କରିପାରେ ଦଳ ।