ପଳାତକ ବିଜୟ ମାଲ୍ୟାଙ୍କ ଲଜ୍ଜାହୀନ ଯୁକ୍ତି ! କହିଲେ, ଦୁଇ ପ୍ରମୁଖ ଦଳ ନିର୍ବାଚନରେ ଫାଇଦା ପାଇଁ ତାଙ୍କୁ ଫୁଟବଲ୍ ପରି ବ୍ୟବହାର କରିଛନ୍ତି
କନକ ବ୍ୟୁରୋ : ପଳାତକ ବିଜୟ ମାଲ୍ୟାଙ୍କ ଲଜ୍ଜାହୀନ ଯୁକ୍ତି । କିଙ୍ଗଫିସର ନାଁରେ ହଜାର ହଜାର କୋଟି ଟଙ୍କା ଠକି ନେଇଥିବା ବିଜୟ ମାଲ୍ୟା ନିଜ ସପକ୍ଷରେ ଓକିଲାତି କରିଛନ୍ତି । ସେ କହିଛନ୍ତି କିଙ୍ଗଫିସର ଏକ ପବ୍ଲିକ କମ୍ପାନୀ ହୋଇଥିଲେ ବି ଋଣ ପରିଶୋଧ ନହୋଇ ପାରିବାରୁ ବ୍ୟକ୍ତିଗତ ଭାବରେ ଅଯଥାରେ ତାଙ୍କୁ ଦାୟୀ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
କେବଳ ଏତିକି ନୁହେଁ ସେ ଆହୁରୀ କହିଛନ୍ତି ଯେ, ଋଣ ଖିଲାପ ଏକ ସିଭିଲ ବ୍ୟାପାର ହୋଇଥିଲେ ମଧ୍ୟ ତାଙ୍କ ବିରୋଧରେ ଫୌଜଦାରୀ ମାମଲା କରାଯାଇଛି । ସିବିଆଇ ତାଙ୍କୁ ଜଣେ ଅପରାଧୀ ଭାବେ ଚିତ୍ରଣ କରିଛି । ଭାରତୀୟ ରାଜନୀତିକୁ ଏଥିପାଇଁ ସେ ଦାୟୀ କରି କହିଛନ୍ତି ଦୁଇ ପ୍ରମୁଖ ଦଳ ନିର୍ବାଚନରେ ଫାଇଦା ନେବା ପାଇଁ ତାଙ୍କୁ ଫୁଟବଲ୍ ପରି ବ୍ୟବହାର କରିଛନ୍ତି ।
ସେପଟେ ଭାରତୀୟ ଗଣମାଧ୍ୟମ ଉପରେ ମଧ୍ୟ ଦୋଷ ଲଦିଛନ୍ତି ମାଲ୍ୟା । ଭାରତୀୟ ଗଣମାଧ୍ୟମ ତାଙ୍କୁ ନିନ୍ଦା କରୁଛି ବୋଲି କହିଛନ୍ତି ବିଜୟ ମାଲ୍ୟା । ଲଣ୍ଡନରେ ଫର୍ମୁଲା ୱାନ୍ ରେସିଂ ପାଇଁ ନିଜ କାର୍ ଲଂଚ କରିବା ଅବସରରେ ନିଜ ସପକ୍ଷରେ ଓକିଲାତି କରିଛନ୍ତି ମାଲ୍ୟା ।
ସମଗ୍ର ଘଟଣାରେ ସେ ଆଇନଗତ ଲଢେଇ ଲଢିବେ କାରଣ ଭାରତ ନିକଟରେ ତାଙ୍କ ବିରୋଧରେ କୌଣସି ପ୍ରମାଣ ନାହିଁ ବୋଲି ମାଲ୍ୟା କହିଛନ୍ତି । ୯ହଜାର କୋଟି ଟଙ୍କାର ଋଣ ଠକେଇ ଅଭିଯୋଗ ପରେ ଗତବର୍ଷ ସେ ଲଣ୍ଡନକୁ ପଳାଇ ଯାଇଥିଲେ । ସିବିଆଇ ଓ ଇଡି ଏହି ମାମଲାର ଯାଂଚ କରୁଛି ।