ସିଡନୀରେ ଭାରତ-ଅଷ୍ଟ୍ରେଲିଆ ପ୍ରଥମ ଦିନିକିଆ ଜାରି । ଭାରତ ଆଗରେ ୨୮୯ ରନର ବିଜୟ ଲକ୍ଷ୍ୟ
ଭାରତ ଆଗରେ ୨୮୯ ରନର ବିଜୟ ଲକ୍ଷ୍ୟ
କନକ ବ୍ୟୁରୋ : ସିଡନୀରେ ଚାଲିଛି ଭାରତ -ଅଷ୍ଟ୍ରେଲିଆ ପ୍ରଥମ ଦିନିକିଆ ମ୍ୟାଚ୍ । ଟସ୍ ଜିତି ପ୍ରଥମେ ବ୍ୟାଟିଂ କରୁଥିଲା ଅଷ୍ଟ୍ରେଲିଆ । ତେବେ ବର୍ତମାନ ସମୟରେ ଭାରତ ଆଗରେ ୨୮୯ ଟାର୍ଗେଟ ରହିଛି । ଅଷ୍ଟ୍ରେଲିଆ ମୋଟ ୨୮୮ ରନ କରିପାରିଛି । ପ୍ରଥମେ କଙ୍ଗାରୁ ଓପନର ଯୋଡି ଫେଲ ମାରିଥିଲେ । ଯାହା ଦଳକୁ ବ୍ୟାକଫୁଟରେ ରଖିଥିଲା । ଆରୋନ ଫିଂଚ ଏବଂ ଆଲେକ୍ସ କାରୀ ସଅଳ ଆଉଟ ହୋଇ ପାଭିଲିୟନ ଫେରିଥିଲେ । ପରେ ଉସମାନ ଖ୍ୱାଜା ଏବଂ ସନ ମାର୍ସ ପାଳି ସମ୍ଭାଳିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବ୍ୟାଟସମ୍ୟାନ ପିଟର ହାଣ୍ଡସକମ୍ବ ସର୍ବାଧିକ ୭୩ ରନ କରିଥିବା ବେଳେ ସନ ମାର୍ସ ୫୪, ଉସମାନ ଖ୍ୱାଜା ୫୯ ରନ କରିଥିଲେ । ସେହିଭଳି ଭାରତ ପକ୍ଷରୁ କୁଲଦୀପ ଯାଦବ ଏବଂ ଭୁବନେଶ୍ୱର କୁମାର ଦୁଇଟି ଲେଖାଏଁ ୱିକେଟ ଅକ୍ତିଆର କରିଛନ୍ତି । ଏହା ଚଳିତ ବର୍ଷର ଉଭୟ ଦଳ ପାଇଁ ପ୍ରଥମ ପରୀକ୍ଷା । ଚଳିତ ବର୍ଷ ବିଶ୍ୱକପ୍ ହେବାକୁ ଥିବାରୁ ଏହି ଶୃଂଖଳାକୁ ଉଭୟ ଦଳ ବେଶ ଗୁରୁତ୍ୱ ଦେଉଛନ୍ତି । ଆଜିର ମ୍ୟାଚ ଜିତି ମନୋବଳ ଦୃଢ଼ କରିବା ଲକ୍ଷ୍ୟରେ ରହିଛନ୍ତି ଉଭୟ ଦଳ ।