ଦିଲ୍ଲୀବାସୀଙ୍କୁ ମୁଖ୍ୟମନ୍ତ୍ରୀଙ୍କ ଉପହାର : ବିଜୁଳି ବିଲ ପରେ ଏବେ ବକେୟା ପାଣି ବିଲ ଛାଡ କରିବାକୁ ଘୋଷଣା କଲେ ଅରବିନ୍ଦ କେଜରିୱାଲ
କନକ ବ୍ୟୁରୋ : ରାଜଧାନୀ ଦିଲ୍ଲୀବାସୀଙ୍କ ପାଇଁ ଖୁସି ଖବର । ପୁଣି ଦିଲ୍ଲୀ ବାସିଙ୍କ ପାଇଁ ବଡ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ । ପାଣିର ବକେୟା ବିଲ ଛାଡ କରିବା ନେଇ ଘୋଷଣା କରିଛନ୍ତି ଅରବିନ୍ଦ କେଜରିୱାଲ । ତେବେ ଏହି ଯୋଜନା କେବଳ ସେହିମାନଙ୍କୁ ମିଳିବ, ଯେଉଁମାନଙ୍କ ଘରେ ଫଙ୍କସନାଲ ମିଟର ଅଛି । ଯେଉଁ ଉପଭୋକ୍ତାମାନେ ୩୦ ନଭେମ୍ବର ପୂର୍ବରୁ ମିଟର ଲଗାଇଛନ୍ତି ସେମାନେ ଏହି ଯୋଜନାର ଲାଭ ଉଠାଇପାରିବେ । ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀରେ ଇ,ଏଫ ଜି, ଏଚ କ୍ୟାଟାଗୋରୀ ଲୋକଙ୍କୁ ଶହେ ପ୍ରତିଶତ ବିଲ ମାର୍ଚ୍ଚ ୩୧ ତାରିଖ ଭିତରେ ଛାଡ କରିଦିଆଯିବ । ଏହି କ୍ୟାଟୋଗୋରୀରେ ୧୦ ଲକ୍ଷ ଲୋକ ଉପକୃତ ହେବେ । ସେହିପରି ଏ-ବି କ୍ୟାଟାଗୋରୀର ଲୋକଙ୍କ ପାଇଁ ୨୫ ପ୍ରତିଶତ ବିଲ ଛାଡ ହେବ । ସେହିପରି ସି କ୍ୟାଟାଗୋରୀର ଲୋକଙ୍କୁ ୫୦ ପ୍ରତିଶତ ବିଲ ଛାଡ କରାଯିବାର ସୁବିଧା ମିଳିବ । ଏହି ଯୋଜନାରେ ସରକାରଙ୍କ ରାଜକୋଷକୁ ୬ଶହ କୋଟି ଟଙ୍କା ଆସିବ । ଏହାଦ୍ୱାରା ଦିଲ୍ଲୀ ଆର୍ଥିକ ସ୍ଥିତି ସୁଧୁରିବ ବୋଲି ଏକେ କହିଛନ୍ତି ।