ପ୍ରତିବାଦ କରିବାରୁ କଠୋର ହେଲେ ସରକାର , କାରରେ ବସିଥିବା ବେଳେ କାର ସହ ମୁଖ୍ୟମନ୍ତ୍ରୀଙ୍କ ଭଉଣୀକୁ ଉଠାଇନେଲା କ୍ରେନ
କନକ ବ୍ୟୁରୋ : ହାଇଦ୍ରାବାଦ ସଡକ ଉପରେ ଆଜି ଦେଖିବାକୁ ମିଳିଛି କିଛି ଏଭଳି ଦୃଶ୍ୟ । ଯେଉଁ ଦୃଶ୍ୟ ଦେଖିଲେ ଆପଣ ଭାବିବାକୁ ବାଧ୍ୟ ହେବେ ଯେ ରାଜନୀତିରେ ପ୍ରତିଶୋଧ ନେବାକୁ ନେତାମାନେ କେତେ ତଳକୁ ଖସିଯାଇପାରନ୍ତି । ଏ ଚିତ୍ର ଆପଣଙ୍କୁ ବ୍ୟଥୀତ କରିଦେବ । ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀଙ୍କ ଭଉଣୀ ଶର୍ମିଲା ଏକ କାରରେ ବସିଥିବା ବେଳେ ଏକ କ୍ରେନ ସହାୟତାରେ କାରକୁ ଘୋଷାଡି ଘୋଷାଡି ନେଇଯାଇଛି କ୍ରେନ । ଏହାପରେ ଶର୍ମିଲାଙ୍କୁ ପୋଲିସ ହେପାଜତକୁ ନିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଶର୍ମିଲାଙ୍କ ୱାଇଏସଆର ତେଲେଙ୍ଗାନା ପାର୍ଟି ତରଫରୁ ଚନ୍ଦ୍ରଶେଖର ରାଓଙ୍କ ସରକାର ବିରୋଧରେ ପଦଯାତ୍ରା ଆରମ୍ଭ କରିଛି । ଏହି କ୍ରମରେ ବାରଂଗଲ ଠାରେ କ୍ଷମତାସୀନ ଟିଆରଏସ ସମର୍ଥକ ଓ ୱାଇଏସଆର ତେଲେଙ୍ଗାନା ପାର୍ଟିର ସମର୍ଥକଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ଏହାପରେ ଏକ କ୍ରେନ ଆସି ଶର୍ମିଲା ବସିଥିବା କାରକୁ ଟାଣି ଟାଣି ନେଇଯାଇଥିଲା । ଶର୍ମିଲାଙ୍କ ପଦଯାତ୍ରା ଏପର୍ଯ୍ୟନ୍ତ ୩.୫୦୦ କିଲୋମିଟର ପାର କରିଛି । ସେ ଚନ୍ଦ୍ରଶେଖର ରାଓ ସରକାରଙ୍କ ଉପରେ ଦୁର୍ନୀତି ଅଭିଯୋଗ ଆଣି ଏହି ପଦଯାତ୍ରା କରୁଛନ୍ତି ।
#WATCH | Hyderabad: Police drags away the car of YSRTP Chief Sharmila Reddy with the help of a crane, even as she sits inside it for protesting against the Telangana CM KCR pic.twitter.com/i7UTjAEozD
— ANI (@ANI) November 29, 2022
ଏହି କ୍ରମରେ ସେ ଆଜି ସକାଳେ ମୁଖ୍ୟମନ୍ତ୍ରୀ କେସିଆରଙ୍କ ବାସଭବନ ନିକଟରେ ବିରୋଧ ପ୍ରଦର୍ଶନ କରୁଥିଲେ । ଏଥିରେ ନିଜେ ଶର୍ମିଲା ଉପସ୍ଥିତ ଥିଲେ । ପ୍ରଦର୍ଶନ ସରିବା ପରେ ଯେତେବେଳେ ଶର୍ମିଲା ଆସି ତାଙ୍କ ନିଜ କାରରେ ବସିଥିଲେ ଠିକ୍ ସେତିକି ବେଳେ ପୋଲିସ ଏକ କ୍ରେନ ଆଣି ଉଭୟ ଶର୍ମିଲା ଓ ତାଙ୍କ କାରକୁ ଘୋଷାଡି ଘୋଷାଡି ନେଇଯାଇଥିଲେ ।