କନକ ବ୍ୟୁରୋ : ଦକ୍ଷୀଣ କାଶ୍ମୀରରେ ଭାରତୀୟ ସେନାର ଏନକାଉଣ୍ଟରରେ ହିଜବୁଲ ଆତଙ୍କବାଦୀ ସଂଗଠନର କମାଣ୍ଡର ଅସରଫ ମୌଲବୀର ମୃତ୍ୟୁ ହୋଇଛି । ଏହି ଆତଙ୍କବାଦୀର ମୃତ୍ୟୁ ଫଳରେ ଘାଟିରେ ଆତଙ୍କୀ ବିରୋଧୀ ଅଭିଯାନକୁ ବଡ ସଫଳତା ମିଳିଛି । ଏହା ସହ ଅନନ୍ତନାଗ ଜିଲ୍ଲା ପହଲଗାମ ନିକଟ ଜଙ୍ଗଲରେ ପୋଲିସ ସହ ଗୁଳି ବିନିମୟ ବେଳେ ଅନ୍ୟ ୨ ଜଣ ଆତଙ୍କବାଦୀ ନିହତ ହୋଇଥିବା କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଏନେଇ କାଶ୍ମୀର ପୋଲିସର ମହାନିର୍ଦ୍ଦେଶକ ବିଜୟ କୁମାର ସୂଚନା ଦେଇ କହିଛନ୍ତି କି, ପହଲଗାମ ଠାରେ ଅଶରଫ ସମେତ ମୋଟ ୩ ଜଣ ଆତଙ୍କବାଦୀଙ୍କ ମୃତ୍ୟୁ ହୋଇଛି । ଅଶରଫ ହିଜବୁଲ ଆତଙ୍କବାଦୀ ସଂଗଠନ କାଶ୍ମୀର ଶାଖାର କମାଣ୍ଡର ଥିଲା । ଏହା ପୂର୍ବରୁ ୨୦୨୦ ମଇ ୬ ତାରିଖରେ ଆତଙ୍କୀ ରିୟାଜ ନାଇକୁର ମୃତ୍ୟୁ ପରେ ଅଶରଫକୁ କମାଣ୍ଡର ଭାବେ ନିଯୁକ୍ତି ମିଳିଥିଲା ।
#UPDATE Anantnag Encounter | One more terrorist killed – a total of 3. Retrieval and identification of the killed terrorists yet to be done. Further details shall follow: J&K Police
— ANI (@ANI) May 6, 2022
ବିିଜୟ କୁମାରଙ୍କ ସୂଚନା ମୁତାବକ ବଟକୁଟ ଜଙ୍ଗଲରେ ଅଶରଫ ଲୁଚିଥିବା ଖବର ପାଇବା ପରେ ପୋଲିସ ଓ ସେନାର ୧୯ଆରଆର ସଂଯୁକ୍ତ ଟିମ୍ ବଟକୁଟ ଜଙ୍ଗଲକୁ ଘେରିଯାଇ ସର୍ଚ୍ଚ ଅପରେଶନ ଆରମ୍ଭ କରିଥିଲେ । ଏହା ଜାଣିବା ପରେ ଅଶରଫ ଓ ତାର ସହଯୋଗୀମାନେ ପୋଲିସ ଉପରକୁ ଗୁଳି ଚଳାଇଥିଲେ । ଏହି କ୍ରମରେ ପୋଲିସ ଗୁଳିରେ ଅଶରଫ ସମେତ ଅନ୍ୟ ୨ ଆତଙ୍କବାଦୀ ନିହତ ହୋଇଛନ୍ତି ।