ଇଚ୍ଛା ଆଗରେ ହାର ମାନିଲା ଚାକିରି ! ଅମେରିକା ଲୋକଙ୍କର ଜଳପରୀ ହେବାର ଅଜବ ନିଶା
ସଉକ ହେଉଛି ମନୁଷ୍ୟର ସବୁଠାରୁ ବଡ ଜିନିଷ । ପ୍ରତ୍ୟେକ ମନୁଷ୍ୟ ନିଜର କିଛି ସ୍ୱତନ୍ତ୍ର ରୁଚିକୁ ନେଇ ବଂଚିବାର ଇଚ୍ଛା ରଖିଥାନ୍ତି । ଆଉ ମନୁଷ୍ୟର ସଉକ କଥା ଯେତେବେଳେ ଉଠିଥାଏ ସେତେବେଳେ ସେ କୈାଣସି ପ୍ରକାରରେ ମଧ୍ୟ ନିଜର ସଉକକୁ ପୂରଣ କରିବାକୁ ଚେଷ୍ଟା କରିଥାଏ ।
Kanak News is now on WhatsApp
Join and get latest news updates delivered to you via WhatsApp
ଆମେ ଯଦି ସଉକର କଥାକୁ ଭାବିବା ତ’ଏମିତି କିଛି ରୋଚକତଥ୍ୟ ସାମ୍ନାକୁ ଆସିଛି ଆଉ ସେହି ତଥ୍ୟ ମୂତାବକ କିଛି ଲୋକଙ୍କର କିଛି ଅଦଭୁତ ଇଚ୍ଛା ରହିଥାଏ । ଆମେରିକାର କିଛି ଲୋକଙ୍କର ଏମିତି ଏକ ସଉକ ଏବେ ସମ୍ନାକୁ ଆସିଛି ।
ଆମେରିକାର କିଛି ଲୋକଙ୍କୁ ଜଳପରୀ ଏତେ ଭଲ ଲଗିଥାଏ, ଯେ ସେମାନେ ନିଜେ ହିଁ ଜଳପରୀ ହେବାକୁ ଇଚ୍ଛା ରଖିଥାନ୍ତି,ଏମାନଙ୍କୁ “ମେରଫଲକ୍’ ବୋଲି କୁହାଯାଇଥାଏ । “କାଇଟଲିନ୍ ନିଲସେନ୍’ ନାମ୍ନୀ ଜଣେ ମହିଳା ଏହି ସିକ୍ରେଟ୍ କମ୍ୟୁନିଟିର ସଦସ୍ୟା ଅଟନ୍ତି । ଏହି ମହିଳା ଜଣକ ଜଣେ ସାଧାରଣ ମହିଳା ଭାବରେ ନୁହଁ, ଜଳପରୀର ଜୀବନ ବଂଚିଥାନ୍ତି ।
କାଇଟଲିନଙ୍କର ପିଲାବେଳୁ ଜଳପରୀ ହେବାର ନିଶା ରହିଥିଲା, ତେଣୁ ସେ ଜଳପରୀ ହେବା ସହିତ ଆହୁରି ବହୁତ ଲୋକଙ୍କୁ ଜଳପରୀ ହେବାର ତାଲିମ ମଧ୍ୟ ଦେଉଛନ୍ତି ।
ଲୋକଙ୍କ ମଧ୍ୟରେ ଜଳପରୀ ହେବାର ଏମିତି ନିଶା ରହିଛି ଯେ, ଗୋଟିଏ ବର୍ଷ ସେମାନେ ତାଙ୍କର ଜଳପରୀ ହେବାର ପୋଷାକ ତିଆରି କରିବା ପାଇଁ ନିଅନ୍ତି, ଏବଂ ଏହାପାଇଁ ଲକ୍ଷାଧିକ ଟଙ୍କା ମଧ୍ୟ ଖର୍ଚ୍ଚ କରିଥାନ୍ତି । ଏମାନେ ସମସ୍ତେ ଦୁନିଆସାରା ବୁଲି ଜଳପରୀରେ ରୁଚି ରଖୁଥିବା ଲୋକଙ୍କୁ ଭେଟି ତାଙ୍କୁ ତାଲିମ୍ ମଧ୍ୟ ଦେଇଥାନ୍ତି ।
ଜଳପରୀ ହେବାର ନିଶା କେବଳ ଝିଅ ମାନଙ୍କର ନ’ଥାଏ, କିଛି ପୁଅଙ୍କର ମଧ୍ୟ ଜଳପରୀ ହେବାର ନିଶା ରହିଥାଏ, ଏବଂ ସେମାନେ ଜଳପରୀ ଭାବରେ ନିଜର ଜୀବନ ମଧ୍ୟ ଅତିବାହିତ କରିଥାନ୍ତି । କିଛିଲୋକ ଏମିତି ବି ଅଛନ୍ତି, ଯେଉଁମାନେ ତାଙ୍କର ଏହି ନିଶା ପାଇଁ ଚାକିରି ପର୍ଯ୍ୟନ୍ତ ଛାଡିଦେଇଥିବାର ନଜିର ମଧ୍ୟ ରହିଛି ।