କନକ ବ୍ୟୁରୋ: ବିଳମ୍ବିତ ରାତିରେ ବାପା-ମାଆଙ୍କୁ ହାଣି ପକାଉଥିଲା ଦୁର୍ବୃତ୍ତ, ବାପାଙ୍କୁ ହାଣିବା ପରେ ମାଆଙ୍କୁ ଭୁଜାଲିରେ ହାଣି ରକ୍ତାକ୍ତ କରିଥିଲା ରକ୍ତମୁଖା ଅଭିଯୁକ୍ତ । ଆଉ ଏତିକି ବେଳେ ସାହାସ ଜୁଟାଇ ଅଭିଯୁକ୍ତ ସହ ଲଢି ତାକୁ କାବୁ କରିନେଇଥିଲା ନାବାଳକ ପୁଅ । ଆଖି ସାମ୍ନାରେ ବାପା-ମାଆଙ୍କ ଉପରେ ହେଉଥିବା ଆକ୍ରମଣକୁ ପ୍ରତିହତ କରିବା ସହ ଅଭିଯୁକ୍ତକୁ ଗାମୁଛାରେ ବାନ୍ଧି, ଗାଁ ଲୋକ ଏବଂ ପୁଲିସକୁ ଖବର ଦେଇଥିଲା ଦଶମ ଶ୍ରେଣୀର ସାହସୀ ଛାତ୍ର ।
Kanak News is now on WhatsApp
Join and get latest news updates delivered to you via WhatsApp
ଉପସ୍ଥିତ ବୁଦ୍ଧି ଖଟାଇ ବାପା, ମାଆଙ୍କୁ ମୃତ୍ୟୁ ମୁଖରୁ ବଞ୍ଚାଇ ଦେଇଛି କେନ୍ଦ୍ରାପଡା ସଦର ଥାନା ଅନ୍ତର୍ଗତ କଂସର ଗାଁର ନାବାଳକ ଛାତ୍ର । ଅଭିଯୁକ୍ତକୁ କାବୁ କରି ପୁଲିସର ଜିମା ଦେଇଛନ୍ତି ସାହସୀ ଛାତ୍ର । ଘଟଣାଟି ସମଗ୍ର ଅଂଚଳରେ ଚହଳ ସୃଷ୍ଟି କରିଥିବା ବେଳେ ପୁଲିସ ଅଭିଯୁକ୍ତକୁ ଗିରଫ କରିଛି । ପୋଲିସର ସୂଚନା ଅନୁସାରେ, କେନ୍ଦ୍ରାପଡା କଂସର ଗାଁର ଗଗନ ଲେଙ୍କାଙ୍କ ମିଝିଆଁ ଝିଅ ତିନି ବର୍ଷ ତଳେ ଅଭିଯୁକ୍ତକୁ ବିବାହ କରିଥିଲେ । ପରେ ସ୍ୱାମୀ-ସ୍ତ୍ରୀ ମଧ୍ୟରେ ମତାନ୍ତର ହେବାରୁ ଝିଅକୁ ଆଣି ଅନ୍ୟତ୍ର ବାହା ଦେଇଥିଲେ ବାପା ଗଗନ ଲେଙ୍କା । ଏହି ଘଟଣାର ପ୍ରତିଶୋଧ ନେବାକୁ ଯାଇ ପୂର୍ବତନ ଜ୍ୱାଇଁ ଗଗନ ଲେଙ୍କା ଓ ତାଙ୍କ ପତ୍ନୀଙ୍କୁ ଆକ୍ରମଣ କରିଛି ।
ତେବେ ଏତେ କମ୍ ବୟସରେ ସାହସ ଜୁଟାଇ ବାପା-ମାଆଙ୍କ ଜୀବନ ବଞ୍ଚାଇଥିବା ନାବାଳକ ପୁଅକୁ ପ୍ରଶଂସା କରିଛନ୍ତି ସ୍ଥାନୀୟ ବାସିନ୍ଦା ।