ଓଡ଼ିଶା ପୋଲିସକୁ ବଡ଼ ସଫଳତା । ସ୍ୱତନ୍ତ୍ର ଅଭିଯାନରେ ନିଖୋଜ ପିଲାଙ୍କୁ କଲେ ଉଦ୍ଧାର, ମାତ୍ର ୮ ଦିନରେ ସାରା ରାଜ୍ୟରୁ ୮୯୪ ପିଲା ଉଦ୍ଧାର ।
କନକ ବ୍ୟୁରୋ: ସଫଳ ହେଉଛି ସ୍ପେଶାଲ ଡ୍ରାଇଭ୍ । ରାଜ୍ୟରେ ଶିଶୁ ନିଖୋଜ ଘଟଣାକୁ ରୋକିବା ପାଇଁ ଓଡ଼ିଶା ପୋଲିସ ଆରମ୍ଭ କରିଥିଲା ଏକ ସ୍ୱତନ୍ତ୍ର ଡ୍ରାଇଭ୍ । ଯେଉଁଥିରେ ୮୯୪ ପିଲାଙ୍କୁ ଉଦ୍ଧାର କରାଯାଇଛି । ଏବଂ ସେଥିରେ ୯୪ ଜଣ ବାଳକ ଥିବାବେଳେ ୮୦୦ ଜଣ ବାଳିକା ଥିବା ରାଜ୍ୟ ପୋଲିସ ବିଭାଗ ସୂଚନା ଦେଇଛି ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ଼କଥା ହେଲା କି, ଏହି ସ୍ୱତନ୍ତ୍ର ଅଭିଯାନରେ ସର୍ବାଧିକ କେନ୍ଦ୍ରାପଡ଼ା ଜିଲ୍ଲାର ୧୨୭ ଜଣ ପିଲା, ମୟୂରଭଞ୍ଜର ୧୧୧ ଏବଂ ବାଲେଶ୍ୱରର ୮୮ ଜଣ ପିଲାଙ୍କୁ ଉଦ୍ଧାର କରାଯାଇଥିବାବେଳେ ବାକି ଅନ୍ୟ ସବୁ ଜିଲ୍ଲାରୁ ଉଦ୍ଧାର ହୋଇଛନ୍ତି । ତେବେ ନିଖୋଜ ପିଲାମାନଙ୍କ ବିଷୟରେ ରୁଜୁ ହୋଇଥିବା ୮୩୪ ମାମଲା ଆଧାରରେ ଏହି ଉଦ୍ଧାର କାର୍ଯ୍ୟ କରାଯାଇଥିଲା ।
ତେବେ ଏହି ଉଦ୍ଧାର କାର୍ଯ୍ୟ ସାରା ରାଜ୍ୟର ବିଭିନ୍ନ ଜିଲ୍ଲା ଆରକ୍ଷୀଙ୍କ ଅଧିକ୍ଷକଙ୍କ ଦ୍ୱାରା କରାଯାଇଥିଲା । ଆଉ ଏଭଳି ଭଲ କାର୍ଯ୍ୟକୁ ମଧ୍ୟ ପ୍ରଶଂସା କରିଛନ୍ତି ଡିଜିପି ଅଭୟ ।