କନକ ବ୍ୟୁରୋ: ଦିଲ୍ଲୀର ସରକାରୀ ଓ ସରକାରୀ ଅନୁଦାନପ୍ରାପ୍ତ ବିଦ୍ୟାଳୟ ଗୁଡିକ ପାଇଁ କଡା ନିୟମ । ଏଣିକି ଉପସ୍ଥିତି କମ ରହିଲେ ପିଲାମାନେ ଦେଇପାରିବେ ନାହିଁ ବାର୍ଷିକ ପରୀକ୍ଷା । ଉପରାଜ୍ୟପାଳ କିଛି ସ୍କୁଲ ବୁଲି ଛାତ୍ରଛାତ୍ରୀଙ୍କର କମ୍ ଉପସ୍ଥିତି ଥିବା ଅଭିଯୋଗ କରିବା ପରେ ଏହି ନିୟମକୁ କଡାକଡି କରିଛନ୍ତି ଶିକ୍ଷା ନିର୍ଦ୍ଦେଶକ ।
Kanak News is now on WhatsApp
Join and get latest news updates delivered to you via WhatsApp
ନୂଆ ଶିକ୍ଷା ନିୟମ ଅନୁସାରେ ନବମରୁ ଦ୍ୱାଦଶ ପର୍ଯ୍ୟନ୍ତ ଛାତ୍ରଛାତ୍ରୀମାନଙ୍କର ୬୦ ପ୍ରତିଶତ ଉପସ୍ଥିତି ରହିବା ନିହାତି ଜରୁରୀ । ପିଲାମାନଙ୍କର ଉପସ୍ଥିତି ତାଲିକାକୁ ସେମାନଙ୍କ ଅଭିଭାବକଙ୍କ ପାଖକୁ କଲ, ଏସଏମଏସ , ହ୍ୱାଟ୍ସଆପ ଓ ମେଲରେ ପଠାଯିବ । ଛାତ୍ରଛାତ୍ରୀଙ୍କର ଉପସ୍ଥିତି ପ୍ରତିଶତକୁ ସେମାନଙ୍କର ପରଫରମାନ୍ସ ତାଲିକାରେ ମିଶାଯିବ । ଯଦି କାହାର ଉପସ୍ଥିତି ୬୦ ପ୍ରତିଶତରୁ କମ ହୁଏ ସେମାନଙ୍କୁ ବାର୍ଷିକ ପରୀକ୍ଷା ଦେବାକୁ ଅନୁମତି ମିଳିବ ନାହିଁ ।