ସ୍କୁଲରେ ପଶି ସ୍ୱରସ୍ୱତୀଙ୍କ ମୂର୍ତ୍ତି କଚାଡି ଭାଙ୍ଗିଦେଲେ ୨ ଭଉଣୀ : ପୁଣିଥରେ ନୂଆ ମୂର୍ତ୍ତି ଆଣି ପୂଜାର୍ଚ୍ଚନା କଲେ ଛାତ୍ରଛାତ୍ରୀ
କନକ ବ୍ୟୁରୋ : ସ୍କୁଲରେ ପଶି ସରସ୍ୱତୀ ମୂର୍ତ୍ତିକୁ କଚାଡି ଭାଙ୍ଗି ଦେଲେ ଦୁଇ ଭଉଣୀ । ଢେଙ୍କାନାଳ ଜିଲ୍ଲା କଙ୍କଡାହାଡ ଥାନା ଅନ୍ତର୍ଗତ କଣ୍ଟାପାଳ ସ୍ଥିତ ସରକାରୀ ଉଚ୍ଚପ୍ରାଥମିକ ବିଦ୍ୟାଳୟରେ ଦେଖିବାକୁ ମିଳିଛି ଏଭଳି ଅଘଟଣ । ଗତକାଲି ସରସ୍ୱତୀ ପୂଜା ଚାଲିଥିବା ବେଳେ କଣ୍ଟାପାଳ ଗାଁର ଦୁଇ ଭଉଣୀ ଉର୍ମିଲା ସାହୁ ଓ ପ୍ରମିଳା ସାହୁ ସ୍କୁଲ ପହଞ୍ଚି ହଟ୍ଟଗୋଳ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସ୍କୁଲ ତିଆରି ହୋଇଥିବା ଜାଗା ତାଙ୍କ ବାପାଙ୍କ ନାଁରେ ଥିବା ଦାବି କରି ଜମି ଛାଡିବାକୁ କହି ଉତ୍ପାତ କରିଥିଲେ । ଏହାପରେ ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟିତ୍ରୀଙ୍କୁ ସ୍କୁଲର ବାହାରିଯିବାକୁ କହିଥିଲେ । ଏହା ପରେ ସ୍କୁଲରେ ପୂଜା କରାଯାଉଥିବା ମୂର୍ତ୍ତିକୁ ଭୂଇଁରେ କଚାଡି ଭାଙ୍ଗି ଦେଇଥିଲେ । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚିି ୨ ଭଉଣୀଙ୍କୁ ଥାନାକୁ ନେଇ ପଚରାଉଚରା କରୁଛି । ସେପଟେ ଛାତ୍ରଛାତ୍ରୀ ପୁଣି ଏକ ନୂଆ ମୂର୍ତ୍ତି ଆଣି ପୂଜାର୍ଚ୍ଚନା କରିଛନ୍ତି ।