ବାଟ ଓଗାଳିଲା ପୋଲିସ୍! ମୃତକଙ୍କ ପରିଜନଙ୍କୁ ଭେଟିବା ପାଇଁ ମେରଠ ଯାଉଥିଲେ ରାହୁଲ-ପ୍ରିୟଙ୍କା, ଅଧାବାଟରେ ଅଟକାଇଲା ପୋଲିସ୍ ।
କନକ ବ୍ୟୁରୋ: ମୃତକଙ୍କ ପରିବାର ସହ ଭେଟିପାରିଲେନି କଂଗ୍ରେସ ନେତା ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ । ଅଧାବାଟରେ ଅଟକାଇଲା ପୋଲିସ । ଆଗକୁ ବଢ଼ିବାକୁ ଦେଲାନି ଅନୁମତି । ଶେଷରେ ଗାଡ଼ିରେ ବସି ମୃତକ ପରିବାର ସହ ଫୋନ ମାଧ୍ୟମରେ କଥା ହୋଇ ସମବେଦନା ଜଣାଇଲେ ରାହୁଲ, ପ୍ରିୟଙ୍କା । କଂଗ୍ରେସର ଏହି ୨ ନେତା ମେରଠ ଗସ୍ତ କରୁଥିବା ବେଳେ ପରତାପୁର ଥାନା ନିକଟରେ ଅଟକାଇଥିଲା ପୋଲିସ । ଧାରା ୧୪୪ ଲାଗୁ ହେବା କଥା କହିବା ସହ କୌଣସି ରାଜନୈତିକ ବ୍ୟକ୍ତିଙ୍କୁ ଯିବାକୁ ଅନୁମତି ନାହିଁ ବୋଲି ପୋଲିସ ସିଧାସିଧା କହିଥିଲା ।
Kanak News is now on WhatsApp
Join and get latest news updates delivered to you via WhatsApp
ସେପଟେ ରାହୁଲ ପୋଲିସକୁ ପ୍ରଶ୍ନ କରିଥିଲେ କି ତାଙ୍କୁ ମେରଠ ଯିବାକୁ ଦେଉନଥିବା କୌଣସି ନିର୍ଦ୍ଦେଶନାମା ଅଛି କି? ଅନେକ ଯୁକ୍ତି ପରେ ମଧ୍ୟ ମେରଠ ଛାଡ଼ିନଥିଲା ପୋଲିସ । ଶେଷରେ ଫୋନ ମାଧ୍ୟମରେ ମୃତକ ପରିଜନଙ୍କ ସହ କଥା ହୋଇଥିଲେ ରାହୁଲ । ସୂଚନା ଅନୁଯାୟୀ ଶୁକ୍ରବାର ଦିନ ମେରଠରେ ନାଗରିକତା ସଂଶୋଧନ ଆଇନକୁ ବିକ୍ଷୋଭ ପ୍ରଦର୍ଶନ କରାଯାଇଥିଲା । ପଥର ମାଡ଼ କରିବା ସହ ଗାଡ଼ିଗୁଡ଼ିକ ମଧ୍ୟ ଭଙ୍ଗାରୁଜା କରାଯାଇଥିଲା । ଏହି ବିକ୍ଷୋଭ ଭିତରେ ୪ଜଣ ବିକ୍ଷୋଭକାରୀଙ୍କ ମୃତ୍ୟୁ ହୋଇଥିଲା । ଆଜି ମୃତ ପରିବାରକୁ ଭେଟିବା ପାଇଁ ଯାଉଥିଲେ ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ ।