ମଞ୍ଚ ଉପରେ ବେହୋସ ହୋଇଗଲେ କେନ୍ଦ୍ରମନ୍ତ୍ରୀ ନୀତିନ ଗଡକରୀ । ମହାରାଷ୍ଟ୍ରର ଅହମ୍ମଦନଗରରେ ଏକ କାର୍ଯ୍ୟକ୍ରମରେ ମଞ୍ଚ ଉପରେ ଛିଡା ହୋଇଥିବା ମୁଣ୍ଡ ବୁଲାଇବା ପରେ ତଳେ ପଡି ଯାଇଥିଲେ । ଆଉ ଘଟଣାସ୍ଥଳରେ ହିଁ ବେହୋସ ହୋଇପଡିଥିଲେ ଗଡକରୀ । ଏହି ସମୟରେ ତାଙ୍କ ସହ ମଞ୍ଚରେ ରାଜ୍ୟପାଳ ବିଦ୍ୟାସାଗର ରାଓ ଉପସ୍ଥିତ ଥିଲେ । ପରେ ତାଙ୍କୁ ସଙ୍ଗେ ସଙ୍ଗେ ହସ୍ପିଟାଲ ନିଆଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ନୀତିନ ଗଡକରୀଙ୍କ କାର୍ଯ୍ୟାଳୟରୁ ମିଳିଥିବା ସୂଚନା ଅନୁଯାୟୀ, ହସ୍ପିଟାଲରେ ଚିକିତ୍ସା ପରେ ତାଙ୍କର ସ୍ୱାସ୍ଥ୍ୟବସ୍ଥା ଠିକ୍ ଥିବା ଜଣାପଡିଛି ଏବଂ ସେ ଆଉ ଏକ କାଯ୍ୟକ୍ରମରେ ଯୋଗ ଦେବାକୁ ଯାଇଛନ୍ତି । ସୂଚନା ଅନୁଯାୟୀ, ଶରୀରରେ ସୁଗାରର ମାତ୍ରା କମ ରହିଥିବାରୁ ମଞ୍ଚ ଉପରେ ହଠାତ୍ ନୀତିନ ଗଡକରୀଙ୍କ ମୁଣ୍ଡ ବୁଲାଇଥିଲା । ଆଉ ସେ ବେହୋସ ହୋଇଯାଇଥିଲେ । ତେବେ ଗଡକରୀଙ୍କୁ ତତକ୍ଷଣାତ ପାଣି ଦିଆଯିବା ସହ ପେଡା ଖାଇବାକୁ ଦିଆଯାଇଥିଲା ।
ଗତ କିଛି ଦିନ ଧରି ବିଭିନ୍ନ କାର୍ଯ୍ୟକ୍ରମ ପାଇଁ ଗଡକରୀ ବ୍ୟସ୍ତ ରହୁଥିଲେ । ତେବେ ଆଜି ଅହମ୍ମଦନଗରର ମହାତ୍ମା ଫୁଲେ କୃଷି ବିଦ୍ୟାପୀଠର ଏକ ସମାବେଶରେ ଯୋଗ ଦେଇଥିଲେ । ପରେ କାର୍ଯ୍ୟକ୍ରମରେ ରାଷ୍ଟ୍ରୀୟ ସଙ୍ଗୀତ ପାଇଁ ନୀତିନ ଗଡକରି ଛିଡା ହୋଇଥିଲେ । କିନ୍ତୁ ଅଚାନକ ତଳେ ପଡିଯାଇ ବେହୋସ ହୋଇଯାଇଥିଲେ । ଏହା ପୂର୍ବରୁ ମଧ୍ୟ ଅନେକ ଥର ଅସୁସ୍ଥ ହୋଇଛନ୍ତି ଗଡକରୀ । ଏପରିକି କିଛି ଦିନ ପୂର୍ବେ ମଧ୍ୟ ଏକ ରାଲିରେ ଯାଉଥିବା ସମୟରେ ଗଡକରୀ ଅସୁସ୍ଥ ହୋଇପଡିଥିବା ଖବର ସାମ୍ନାକୁ ଆସିଥିଲା । ଏବେ ଗଡକରୀ ସଡକ ପରିବହନ ମନ୍ତ୍ରୀ ଦାୟିତ୍ୱ ତୁଲାଉଛନ୍ତି । ତା ଛଡା ଗଙ୍ଗା ସଫା ଅଭିଯାନର ଦାୟିତ୍ୱ ମଧ୍ୟ ତାଙ୍କ କାନ୍ଧ ଉପରେ ରହିଛି ।