ଗାଈସିଲଟରୁ ଗାଡିରୁ ମିଳିଲା ଟଙ୍କା, ପୁଲିସର ତନାଘନା! ବିଜେପୁର ଉପନିର୍ବାଚନ ସହ ନାହିଁ ତ ସର୍ମ୍ପକ
କନକ ବ୍ୟୁରୋ : ବିଜେପୁର ଉପନିର୍ବାଚନ ପୂର୍ବରୁ କାରରୁ ଜବତ ହେଲା ଟଙ୍କା । ଗାଈସିଲଟ ବ୍ଳକ ତାଲପାଲୀ ଛକରୁ ଦୁଇଟି କାରରୁ ୩ ଲକ୍ଷ ୨୦ ହଜାର ଟଙ୍କା ଜବତ କରିଛି ଗାଈସିଲଟ ପୋଲିସ । ହ୍ୟୁଣ୍ଡାଇର ଆଇ-୨୦ କାରରୁ ଜବତ ହୋଇଛି ଏହି ଟଙ୍କା । ତେବେ ଏତେ ପରିମାଣର ଟଙ୍କା କେଉଁଠିକୁ ଯାଉଥିଲା ତାହା ଏଯାଏଁ ସ୍ପଷ୍ଟ ହୋଇନି । ଗୋଟିଏ କାରରୁ ୨ ଲକ୍ଷ ୫୦ ହଜାର ଟଙ୍କା ଜବତ ହୋଇଥିବା ବେଳେ ଅନ୍ୟ କାରରୁ ୭୦ ହଜାର ଟଙ୍କା ଜବତ କରିଛି ପୋଲିସ । ତେବେ ଉପନିର୍ବାଚନ ପୂର୍ବରୁ ପ୍ରଥମ ଥର ପାଇଁ ଏତେ ଟଙ୍କା ଜବତ ହୋଇଛି । ପରେ ପୋଲିସ ପହଞ୍ଚି ଟଙ୍କା ନେଉଥିବା ଯୁବକ ଦ୍ୱୟଙ୍କୁ ଅଟକ ରହିଛି । ତେବେ ଜବତ ହୋଇଥିବା କାର ନମ୍ବର ଯାଞ୍ଚ ପରେ ଏହା ବିକ୍ରମ କୁମାର ସାହୁଙ୍କ ନାମରେ ଥିବା ଜଣା ପଡିଛି ।
Kanak News is now on WhatsApp
Join and get latest news updates delivered to you via WhatsApp
ଉପନିର୍ବାଚନ ପାଇଁ ବିଜେପୁର ଚଳଚଞ୍ଚଳ ହୋଇ ଉଠିଥିବା ବେଳେ ହଠାତ ଏତେ ପରିମାଣର ଟଙ୍କା ଜବତ ହେବା ଘଟଣାକୁ ସହଜରେ ଗ୍ରହଣ କରି ପାରୁନାହାନ୍ତି ରାଜନୈତିକ ଦଳ । ବିଜେପୁର ନିର୍ବାଚନ ସହ ଏହି ଟଙ୍କାର ସର୍ମ୍ପକ ନାହିଁ ତ । କାରଣ ପ୍ରଥମ ଥର ପାଇଁ ଏତେ ଟଙ୍କା ଜବତ କରିଛି ଗାଈସିଲଟ ପୁଲିସ । ତେବେ ଅଟକ ଦୁଇ ଯୁବକ କପା ଚାଷ ପାଇଁ ପଇସା ନେଉଥିବା ସୂଚନା ମିଳିଛି । ବିଜେପୁର ଉପନିର୍ବାଚନ ପାଇଁ ବିଜେପୁର, ଗାଈସିଲଟ ଓ ବରପାଲି ଅଞ୍ଚଳରେ ପ୍ରାୟ ୨୪ଟି ସ୍ଥାନରେ ପୋଲିସ ପ୍ରଶାସନ ପକ୍ଷରୁ ପୋଷ୍ଟ କରି ପ୍ରତି ଗାଡି ମୋଟରକୁ ଯାଞ୍ଚ କରାଯାଉଛି ।