ବୁହାନରେ ରିସର୍ଚ୍ଚ କରୁଥିବା ବୈଜ୍ଞାନିକଙ୍କ ବଡ ଖୁଲାସା, ୪ ପ୍ରକାର ଭୂତାଣୁ ସୃଷ୍ଟି କରି ବିଶ୍ୱକୁ ଧ୍ୱଂସ କରିବାକୁ ଯୋଜନା କରିଥିଲା ଚୀନ
କନକ ବ୍ୟୁରୋ : ସାରା ବିଶ୍ୱରେ ଏବେ କରୋନା ସଂକ୍ରମଣ ଥମିଯାଇଛି । ହେଲେ କରୋନା ଭୂତାଣୁକୁ ନେଇ ଏବେ ଯେଉଁ ଖବର ଆସିଛି ତାହା ଆପଣଙ୍କୁ ଚକିତ କରିଦେବ । ଚୀନର ବୁହାନ ଇନଷ୍ଟିଚ୍ୟୁଟ୍ ଅଫ୍ ବାୟରୋଲୋଜୀର ବୈଜ୍ଞାନିକ ଦାବି କରିଛନ୍ତି କି, ଚୀନ ଦ୍ୱାରା କରୋନାକୁ ଏକ ଜୈବିକ ଅସ୍ତ୍ର ଭାବେ ପ୍ରସ୍ତୁତ କରାଯାଇଥିଲା । ଏହି କ୍ରମରେ ଲ୍ୟାବରେ ୪ ପ୍ରକାରର ଭିନ୍ନ ଭିନ୍ନ ଷ୍ଟେନ ପ୍ରସ୍ତୁତ କରାଯାଇ ଯାଂଚ କରାଯାଇଥିଲା କି କେଉଁ ଭୂତାଣୁ ସର୍ବାଧିକ ବେଗରେ ସଂକ୍ରମିତ କରୁଛି ।
Kanak News is now on WhatsApp
Join and get latest news updates delivered to you via WhatsApp
ଚାଓ ସାଓ ନାମକ ଏହି ବୈଜ୍ଞାନିକ ଇଣ୍ଟରନ୍ୟାସନାଲ ପ୍ରେସ ଆସୋସିଏସନର ସଦସଞ ଜେନିଫର ଜେଙ୍ଗଙ୍କ ସହ ହୋଇଥିବା ଏକ ଇଣ୍ଟରଭ୍ୟୁରେ ଏଭଳି ଦାବି କରିଛନ୍ତି । ୨୬ ମିନିଟର ଏହି ସ୍ୱତନ୍ତ୍ର ସାକ୍ଷାତକାରରେ ଚାଓ ସାଓ କହିଛନ୍ତି କି କିଭଳି ଅନ୍ୟ ଜଣେ ବୈଜ୍ଞାନିକ ଶାନ ଚାଓ ସ୍ୱୀକାର କରିଛନ୍ତି କି , ତାଙ୍କର ସିନିଅର କିଭଳି ଭାବେ ତାଙ୍କୁ ୪ଟି ଭିନ୍ନ ଭିନ୍ନ ପ୍ରକାରର ଷ୍ଟେନ ଦେଇ ତାଙ୍କୁ ପରୀକ୍ଷା କରିବାକୁ ନିର୍ଦ୍ଦେଶ ଦେଇଥିଲେ ।
ଚାଓ ସେଓ ଆହୁରି ଦାବି କରିଛନ୍ତି କି, କିଭଳି ଭାବେ ୨୦୧୯ ରେ ମିଲିଟାରୀ ୱାର୍ଲ୍ଡ ଗେମ୍ସ କ୍ରମରେ ଅନେକ ସହଯୋଗୀ ଗାଏବ ହୋଇଯାଇଥିଲେ । ଗାଏବ ହୋଇଥିବା ବୈଜ୍ଞାନିକଙ୍କ ମଧ୍ୟରୁ କିଛିଦିନ ପରେ ଜଣେ ଫେରିଥିଲେ ଓ ସେ କହିଥିଲେ କି, ତାଙ୍କୁ ଆଥଲେଟମାନଙ୍କର ସ୍ୱାସ୍ଥ୍ୟ ଓ ଖାଦ୍ୟ ପଦାର୍ଥ ଯାଂଚ କରିବାକୁ ହୋଟେଲ ପଠାଯାଇଥିଲା ।