କନକ ବ୍ୟୁରୋ : ଦିଲ୍ଲୀରେ ବାସ କରୁଥିବା ୧୪ ବର୍ଷର ବାଳକ ମିହିର ଜେନ୍ ଙ୍କ ଓଜନ ଦିନକୁ ଦିନ ବଢିବାରେ ଲାଗିଛି । ଓଜନ ଏପରି ଭାବରେ ବଢିଲା ଯେ ୨୦୧୮ ଏପ୍ରିଲ ମସିହା ବେଳକୁ ୨୩୭ କିଲୋଗ୍ରାମରେ ପହଞ୍ଚିଲା । ଭାରତରେ ମିହିରଙ୍କୁ ସବୁଠାରୁ ମୋଟା ଛୁଆ କେହି କେହି କହୁଛନ୍ତି । ବର୍ତ୍ତମାନ ସେ ଦିଲ୍ଲୀର ଏକ ଘରୋଇ ମେଡିକାଲରେ ନିଜର ଓଜନ କମାଇବା ଲାଗି ବାଇପାସ ସର୍ଜରି କରାଇଥିବା ଜଣାପଡିଛି । ପୂର୍ବ ଅପେକ୍ଷା ବର୍ତ୍ତମାନ ସମୟରେ ତାଙ୍କର ସ୍ୱାସ୍ଥ୍ୟ ଅବସ୍ଥା ମଧ୍ୟ ସୁଧୁରିଛି । ଅପରେସନ ହେବାପରେ ମିହିରଙ୍କ ଓଜନ କମି ୧୭୨ କିଲୋଗ୍ରାମ ରହିଛି ।
Kanak News is now on WhatsApp
Join and get latest news updates delivered to you via WhatsApp
ମିହିର ଜନ୍ମ ହେଲା ସମୟରେ ଏକ ସାଧାରଣ ଛୁଆଙ୍କ ଭଳି ଜନ୍ମ ହେଇଥିଲେ କିନ୍ତୁ ଜଙ୍କ୍ ଫୁଡ ଖାଇବା କାରଣରୁ ତାଙ୍କର ଓଜନ ବଢିବାରେ ଲାଗିଲା । ତାଙ୍କର ୫ବର୍ଷରେ ଓଜନ ପାଖାପାଖି ୮୭କେଜି ହେଇସାରିଥିଲା । ମିହିର ଏପରି ମୋଟା ହେଇ ସାରିଥିଲା କି ନିଜ ଗୋଡରେ ଛିଡା ହେବାଲାଗି ମଧ୍ୟ ତାକୁ କଷ୍ଟ ହେଉଥିଲା । “ମିହିର ଯେବେ ଦ୍ୱିତୀୟ ଶ୍ରେଣୀରେ ପାଠ ପଢୁଥିଲେ ସେହି ସମୟରେ ବିଦ୍ୟାଳୟକୁ ଯିବା ଆସିବା କରିବାରେ ଅସୁବିଧା ହେଉ ଥିବାରୁ ମିହିର ଆଉ ବିଦ୍ୟାଳୟକୁ ଗଲା ନାହିଁ । ପାଠ ପଢାଇବା ଲାଗି ଜଣେ ମାଷ୍ଟ୍ରରଙ୍କୁ ଘରକୁ ଡକାଯାଇ ମିହିରକୁ ଶିକ୍ଷା ଦାନ କରାଗଲ୍ା । କିନ୍ତୁ ଧିରେ ଧିରେ ଓଜନ ମାତ୍ରାଧିକ ବଢିବାରେ ଲାଗିଲା ତେଣୁ ତାଙ୍କୁ ପାଠ ପଢିବାରେ ଅସୁବିଧା ହେଲା । ଏହା ପରେ ଆମେ ଚିନ୍ତାରେ ରହିଲୁ । କିନ୍ତୁ ପରେ ଡାକ୍ତରଙ୍କ ପରାମର୍ଶ କ୍ରମେ ମିହିର ର ଅପରେସନ କରାଗଲା” ବୋଲି ମିହିରଙ୍କ ମା କହିଛନ୍ତି ।
ଏପଟେ ମିହିରଙ୍କୁ ଅପରେସନ କରିଥିବା ଡାକ୍ତର ଚୋବେ କହନ୍ତି ଯେ, “ମୁଁ ଯେତେବେଳେ ପ୍ରଥମ କରି ମିହିରକୁ ଦେଖିଥିଲି ସେତେ ବେଳେ ଆଶ୍ଚର୍ଯ୍ୟ ହେଲି । କିନ୍ତୁ ପରେ ତାହାର ଓଜନ ହ୍ରାସ କରିବାରେ ଅପରେସନ ଏକମାତ୍ର ବିକଳ୍ପ ଥିଲା । ତେଣୁ ତାହାର ଗ୍ୟାସଟିକ୍ ବାଇପାସ୍ ସର୍ଜରୀ କରାଯାଇଛି । ଏବେ ଧିରେ ଧିରେ ମିହିରର ଓଜନ ହ୍ରାସ ହେଉଛି । ପିଲା ବେଳୁ ହିଁ ତାହାର ଓଜନ ବଢିବାରେ ଲାଗିଥିଲା । ତେବେ ଅତ୍ୟଧିକ ଫାଷ୍ଟ ପୁଡ ଖାଇବା କାରଣରୁ ଏପରି ହେଇଥିବା ଡାକ୍ତର ଚୋବେ କହିଛନ୍ତି” । ତେବେ ମିହିରର ଓଜନ ଏବେ କମି ୧୯୬ କେଜି ରହିଛି ।
ଦେଶରେ ବର୍ତ୍ତମାନ ବହୁ ସଂଖ୍ୟାରେ ଏପରି ପୃଥକ କାୟ ଶରୀରର ବ୍ୟକ୍ତି ଦେଖାଯାଉଛନ୍ତି । ଅତ୍ୟଧିକ ଜଙ୍କ ଫୁଡ ଖାଦ୍ୟ ଖାଉଥିବା ବ୍ୟକ୍ତିଙ୍କର ଏପରି ସମସ୍ୟା ଦେଖା ଯାଇଥାଏ ବୋଲି ଡାକ୍ତରମାନେ ସୂଚନା ଦେଇଛନ୍ତି ।