ଏହି ଗ୍ରାମରେ ନାହିଁ ଗୋଟିଏ ବି ଧର୍ମପୀଠ । ଦେବା ଦେବୀ ପୂଜା କରିନଥାନ୍ତି ଗ୍ରାମବାସୀ, ଅସ୍ଥି ବିସର୍ଜନ ପରମ୍ପରାକୁ କରିଥାନ୍ତି ବିରୋଧ
କନକ ବ୍ୟୁରୋ : ପରମ୍ପରା ଓ ସଂସ୍କୃତିର ଦେଶ ଆମ ଭାରତ । ଭାରତର ପ୍ରତି କୋଣ ଅନୁକୋଣରେ ରହିଛି ନିଆରା ପରମ୍ପରା । ଏହାସହ ଆଜି ମଧ୍ୟ ପ୍ରଚଳିତ ହେଉଛି ଅନେକ ଅନ୍ଧବିଶ୍ୱାସର ଧାରା । ଭାରତର ପ୍ରତି ଗାଁରେ ରହିଛି ଅନେକ କାହାଣୀ । ଆଜି ଆମେ ଆପଣଙ୍କୁ ଆମ ଦେଶର ଏମିତି ଏକ ଗାଁ ସମ୍ପର୍କରେ କହିବୁ ଯାହାର ପରମ୍ପରା ବିଷୟରେ ଶୁଣିଲେ ଆପଣ ଆଶ୍ଚର୍ଯ୍ୟ ହେବେ । ରାଜସ୍ଥାନର ଚରୁ ଜିଲ୍ଲାର ଲାମ୍ବା କି ଧାନି ଗାଁ । ବୋଧହୁଏ ଦେଶର ଏହା ଏକମାତ୍ର ଗ୍ରାମ ଯେଉଁଠାରେ କୌଣସି ମନ୍ଦିର ନାହିଁ । ଏହି ଗାଁରେ କୌଣସି ଦେବାଦେବୀ ପୂଜା ମଧ୍ୟ ପାଆନ୍ତି ନାହିଁ । ଏବଂ ସବୁଠାରୁ ବଡ କଥା ହେଉଛି ଏହି ଗାଁ ରେ ଲୋକଙ୍କ ଅସ୍ଥି ମଧ୍ୟ ବିସର୍ଜନ କରାଯାଏ ନାହିଁ । ତେବେ ଆସନ୍ତୁ ଜାଣିବା ଏହି ଗାଁ ସମ୍ପର୍କରେ ।
Kanak News is now on WhatsApp
Join and get latest news updates delivered to you via WhatsApp
ରାଜସ୍ଥାନର ଲାମ୍ବା କି ଧାନି ଗ୍ରାମ, ଏହି ଗ୍ରାମର ଲୋକମାନେ କୌଣସି ଧାର୍ମିକ ରୀତିନୀତି କିମ୍ବା ଅନ୍ଧବିଶ୍ୱାସରେ ବିଶ୍ୱାସ ରଖନ୍ତି ନାହିଁ । ୧୦୫ ଘର ଥିବା ଲାମ୍ବା କିଧାନି କି ଗ୍ରାମର ଜନସଂଖ୍ୟା ପ୍ରାୟ ୭୫୦, ଏବଂ ଏହି ଗାଁର ଅଧିକାଁଶ ଲୋକ ଉଚ୍ଚପଦବୀରେ ଚାକିରି ମଧ୍ୟ କରିଛନ୍ତି । ଏହି ଗ୍ରାମର ଲୋକମାନେ ଅନ୍ଧବିଶ୍ୱାସ ଅପେକ୍ଷା ସେମାନଙ୍କର ପରିଶ୍ରମ ଉପରେ ବିଶ୍ୱାସ କରନ୍ତି । ସବୁଠାରୁ ଆଶ୍ଚର୍ଯ୍ୟକର କଥା ହେଉଛି ହିନ୍ଦୁ ଧର୍ମରେ ଅନ୍ତିମ ସଂସ୍କାର ପରେ ପବିତ୍ର ନଦୀରେ ଅସ୍ଥି ବିସର୍ଜନ କରିବାର ପରମ୍ପରା ରହିଥିବା ବେଳେ ଏହି ଗାଁର ଲୋକମାନେ ଏହାକୁ ଅଣଦେଖା କରିଥାନ୍ତି । ଅନ୍ତିମ ସଂସ୍କାର ପରେ ପ୍ରିୟଜନଙ୍କ ଅସ୍ଥି ଗଙ୍ଗାରେ ପକା ଯାଇନଥାଏ । ଦୀର୍ଘ ୭୦ ବର୍ଷ ଧରି ଏହି ପରମ୍ପରା ଚାଲିଆସୁଅଛି । ଏହି ଗାଁର ସମସ୍ତ ଲୋକ ପୂଜାପାଠ ଏବଂ ଧାର୍ମିକ କାର୍ଯ୍ୟ ପରିବର୍ତ୍ତେ ସେମାନଙ୍କ କାର୍ଯ୍ୟକୁ ଗୁରୁତ୍ୱ ଦେଇଥାନ୍ତି । ଏଠାକାର ଗାଁ ଲୋକେ କୁହନ୍ତି କି ସେମାନଙ୍କର କାମ ହେଉଛି ସେମାନଙ୍କର ପୂଜା । ସେଥିପାଇଁ ବୋଧହୁଏ ଏହି କାରଣରୁ ଏହି ଗ୍ରାମର ଅଧିକାଁଶ ଲୋକେ ସେମାନଙ୍କ ଜୀବନରେ ବହୁ ସଫଳତା ଲାଭ କରିଛନ୍ତି । ଏହି ଗ୍ରାମରେ ପ୍ରାୟ ୨୫-୩୦ଜଣ ଯୁବକ ସେନାରେ ଗୌରବ ମଣ୍ଡନ କରୁଛନ୍ତି, ଏହାସହ ପୁଲୁିସ୍, ରେଳବାଇ ଏବଂ ମେଡିକାଲ୍ ସ୍ତରରେ ମଧ୍ୟ ବହୁ ସଂଖ୍ୟକ ଯୁବକ ସାମିଲ ଅଛନ୍ତି । ଏବଂ ନିଜ କାମ ପାଇଁ ଅନେକ ପଦକ ମଧ୍ୟ ହାସଲ କରିଛନ୍ତି । ଶିକ୍ଷା, କ୍ରୀଡା, ବିଭିନ୍ନ କ୍ଷେତ୍ରରେ ଏହି ଗାଁ ଏକ ନିଆରା ପରିଚୟ ସୃଷ୍ଟି କରିଛି ।
ଆଜିକୁ ପ୍ରାୟ ୭୦ବର୍ଷ ପୂର୍ବେ ଏଠାରେ ରହୁଥିବା ଲୋକମାନେ ସାମୂହିକ ଭାବରେ ନିଷ୍ପତ୍ତି ନେଇଥିଲେ ଯେ ଗାଁରେ କୌଣସି ଲୋକର ମୃତ୍ୟୁ ପରେ ତାଙ୍କର ଅସ୍ଥି ବିସର୍ଜନ କରାଯିବ ନାହିଁ । ଏହା ଶହ ଅନ୍ତିମ ସଂସ୍କାର ପରେ ଅବଶିଷ୍ଟାଂଶକୁ ମଧ୍ୟ ପୁର୍ନବାର ପୋଡି ଦିଆଯିବ । ଏହି ଗାଁ ସମ୍ପୂର୍ଣ୍ଣ କୃଷି ଭିତ୍ତିକ । ଏଠାକାର ଲୋକେ ସକାଳରୁ ସନ୍ଧ୍ୟା ଯାଏଁ କଠିନ ପରିଶ୍ରମ କରିଥାନ୍ତି । ଯଦିଓ ଏଠାକାର ଲୋକମାନେ ନାସ୍ତିକ ନୁହଁନ୍ତି କିନ୍ତୁ ଧାର୍ମିକ ଦୃଷ୍ଟିହୀନତା ଭଳି କୌଣସି ଜିନିଷ ଏଠାରେ ଦେଖିବାକୁ ମିଳିନଥାଏ । ଏହାବ୍ୟତୀତ ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଦ୍ୱିତୀୟ ବିଶ୍ୱଯୁଦ୍ଧସମୟରେ ଏହି ଗ୍ରାମର ସ୍ୱର୍ଗତ ନାରାୟଣ ସିଂ ଶତ୍ରୁମାନଙ୍କ ସହ ଲଢିଥିଲେ । ଜାନୁଆରୀ ୨୦୧୮ରେ ୯୫ବର୍ଷ ବୟସରେ ତାଙ୍କର ଦେହାନ୍ତ ହୋଇଥିଲା । ତାଙ୍କର ଏହି ଅବଦାନ ପାଇଁ ତାଙ୍କୁ ରାଷ୍ଟ୍ରପତି ସମ୍ମାନିତ କରିଥିଲେ । ଏହି ଗାଁର ଲୋକଙ୍କ କହିବା ଅନୁଯାୟୀ ଏଠାକାର ଲୋକେ ଧାର୍ମିକ ଚିନ୍ତାଧାରା ଅପେକ୍ଷା ନିଜ କାର୍ଯ୍ୟ ପ୍ରତି ଅଧିକ ଗୁରୁତ୍ୱ ଦେଇଥାନ୍ତି ।