ବ୍ରହ୍ମପୁର ବିଶ୍ୱବିଦ୍ୟାଳୟର ଅଧ୍ୟାପକଙ୍କ ବିରୋଧରେ ସଙ୍ଗୀନ ଅଭିଯୋଗ । ଛାତ୍ରୀଙ୍କ ସହ ଆପତ୍ତିଜନକ ବାର୍ତ୍ତାଳାପ କରୁଛନ୍ତି ଇଂରାଜୀ ବିଭାଗ ଆସିଷ୍ଟାଣ୍ଟ ପ୍ରଫେସର
କନକ ବ୍ୟୁରୋ : ରିଲେସନ୍ ମେଣ୍ଟେନ କର, ରେଜଲ୍ଟ ଭଲ ହେବ । ମୋତେ କିପରି ସନ୍ତୁଷ୍ଟ କରିବ ତାହା ଚିନ୍ତା କର । ଛାତ୍ରୀଙ୍କୁ ଏଭଳି କିଛି କହୁଥିବା ନେଇ ବ୍ରହ୍ମପୁର ବିଶ୍ୱବିଦ୍ୟାଳୟର ଇଂରାଜୀ ବିଭାଗର ଆସିଷ୍ଟାଣ୍ଡ ପ୍ରଫେସରଙ୍କ ନାରେ ଆସିଛି ଅଭିଯୋଗ । ଜଣେ ଛାତ୍ରୀଙ୍କ ସହ ପ୍ରଫେସରଙ୍କ ଏହି ବାର୍ତାଳାପ ଅଡ଼ିଓ କ୍ଲିପ୍ ଏବେ ଭାଇରାଲ ହେଉଛି । ପ୍ରଫେସର ଜଣଙ୍କ ଛାତ୍ରୀଙ୍କୁ କହିଛନ୍ତି, ତୁମେ ମୋତେ କଣ ପାଇଁ ପସନ୍ଦ କର ? କାରଣ ତୁମର ଇଛା ଅଛି । ତେଣୁ ସମ୍ପର୍କ ବଜାୟୀ ରଖ, ପରୀକ୍ଷାରେ ଭଲ ମାର୍କ ମିଳିବ ।
Kanak News is now on WhatsApp
Join and get latest news updates delivered to you via WhatsApp
ବିଶ୍ୱବିଦ୍ୟାଳୟର ପିଜି ଛାତ୍ରୀଙ୍କ ସହ ଏଭଳି କଥା ହୋଇ ତାଙ୍କ ସହ ଶାରୀରିକ ସମ୍ପର୍କ ରଖିବା ପାଇଁ ପରୋକ୍ଷରେ ଇଙ୍ଗିତ କରିଛନ୍ତି ପ୍ରଫେସର । ଯାହାକୁ ନେଇ ଏବେ ଚର୍ଚ୍ଚା ହେଉଛି । ଛାତ୍ରୀ ଜଣଙ୍କୁ ତାଙ୍କ ଅଧିନରେ ପିଏଚଡି କରିବାକୁ ଏବଂ ପ୍ରଫେସରଙ୍କ ପାଖରେ ଛାତ୍ରୀଙ୍କ ଦୁଇଟି ବିଷୟ ଥିବାରୁ ଏଭଳି କହି ପରୋକ୍ଷରେ ତାଙ୍କୁ ବ୍ଲାକମେଲ କରୁଛନ୍ତି ପ୍ରଫେସ୍ର । ପ୍ରଫେସର ଆହୁରୀ କହିଛନ୍ତି, ମୋ ଅଧିନରେ ପିଏଚଡି କର, ମୋ ପାଖରେ ଦୁଇଟି ପେପର ଅଛି, ତୁମକୁ ଆଗରୁ ମିଶିବାର ଅଛି । ଅନ୍ୟମାନେ ବି ମିଶୁଛନ୍ତି ବୋଲି କହି ଛାତ୍ରୀଙ୍କ ପ୍ରଥମେ ପିଜି ସାରିବାକୁ ପରାମର୍ଶ ଦେଇଛନ୍ତି ଏହି ରଙ୍ଗିଲା ପ୍ରଫେସର ।
ଛାତ୍ରୀ ଏବଂ ପ୍ରଫେସରଙ୍କ ଭାଇରାଲ ହେଉଥିବା ୧୫ ମିନିଟj ଏହି କଥାବାର୍ତ୍ତା ଶୁଣିଲେ ଲାଗୁଛି ଯଦି ଛାତ୍ରୀଜଣଙ୍କ ତାଙ୍କ କଥା ନ ଶୁଣନ୍ତି ସେ ହୁଏତ ତାଙ୍କୁ ପରୀକ୍ଷାରେ ଭଲ ମାର୍କ ଦେବେନି ଅବା ତାଙ୍କୁ ପିଏଚଡି କରିବାକୁ ସୁଯୋଗ ଦେବେ ନାହିଁ । ସବୁଠୁ ବଡ଼ କଥା ହେଉଛି ଏଭଳି ପ୍ରଫେସରଙ୍କ ବିରୋଧରେ ବିଶ୍ୱବିଦ୍ୟାଳୟ କର୍ତୁପକ୍ଷ ଅବା ଉଚ୍ଚ ଶିକ୍ଷା ବିଭାଗ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ନିଆଯାଇନାହିଁ । ଅଭିଯୋଗ ହେଲେ ପଦକ୍ଷେପ ନିଆଯିବ ବୋଲି କହିଛନ୍ତି ବିଶ୍ୱବିଦ୍ୟାଳୟର ପିଜି କାଉଁନସିଲ ଅଧ୍ୟକ୍ଷ ।