କନକ ବ୍ୟୁରୋ : କାଳବୈଶାଖୀ ଯୋଗୁଁ ରାଜ୍ୟର କିଛି ଅଂଚଳରେ ତାପମାତ୍ରା ସାମାନ୍ୟ କମିଛି । ହେଲେ ରାଜ୍ୟର ୯ଟି ସ୍ଥାନରେ ତାପମାତ୍ରା ୪୦ ଡିଗ୍ରୀ ଟପିଛି । ଅନୁଗୁଳରେ ସର୍ବାଧିକ ୪୨.୭ ଡିଗ୍ରୀ ସେଲସିଅସ୍ ରେକର୍ଡ କରାଯାଇଛି । ଝାରସୁଗୁଡା ଓ ବଲାଙ୍ଗିରରେ ପାରଦ ୪୨ ଡିଗ୍ରୀ ସେଲସିଅସ୍ ଟପିଛି । ମଙ୍ଗଳବାର ରାଜଧାନୀ ଭୁବନେଶ୍ୱରରେ ସର୍ବାଧିକ ତାପମାତ୍ରା ୩୪. ୭ ଡିଗ୍ରୀ ରହିଥିଲା ।
Kanak News is now on WhatsApp
Join and get latest news updates delivered to you via WhatsApp
ଆଜି ତାତି ପ୍ରାୟ ଏକ ଡିଗ୍ରୀ ଅଧିକ ହୋଇପାରେ ଏବଂ ଆସନ୍ତା ୧୦ ତାରିଖ ବେଳକୁ ଏହା ୪୦ ଡିଗ୍ରୀ ଛୁଇଁବା ସମ୍ଭାବନା ରହିଛି । ଉପକୂଳ ଓଡିଶାରେ କାଳ ବୈଶାଖୀ ସମ୍ଭାବନା ରହିଥିବା ବେଳେ ପଶ୍ଚିମ ଓଡିଶାରେ ତାତି ବଢି ବଢି ଚାଲିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ଏହି ସ୍ଥିତି ଆସନ୍ତା ୬ ଦିନ ଲାଗି ରହିବ ବୋଲି କୁହାଯାଇଛି ।